السلام عليكم ورحمة الله
ازيكم عاملين ايه
عاوز اركب جنوط بس انا عربيتى لانسر بومة 1300 فيرانى موديل 2009
عاوز جنط 14 ابعاده 100*4
لانى عرفت ان دى ابعاد عربيتى
وعاوزة 14 علشان يكون بنفس مقاس الاستوك بتاع العربية
انا هشترى ان شاء الله جنوط جديدة بس فى حاجتين
انا عاوزكم تقترحو عليا اشكال تليق على العربية وعلى اللون عندى انا عجبنى اشكال كتير بس للاسف كان مقاس 15 وانا عاوز 14 علشان عفشة عربيتى
تانى حاجة افيدونى بخصوص حاجة سمعت عنها اسمها الرينجات وبيقولو انى لازم اعملها فى العجل علشان العربية مترجرجش طالما هركب جنوط مش اصلى
اخيرا انا خابيف من حتة انى لو ركبت جنوط لاقدر الله جنط منهم يتعوج مش هعرف اشترى واحد بدالة وبكدا ابقى لبست الطقم وفى نفس الوقت الجنوط الاصلية 15 وكمان غالية ومش مضمون الاقيها حالة كويسة
سامع ان جنط البومة القديم يركب عندى وان مقاسة 14 دا صحيح ؟ وابعاده هيا هيا
لوسمحت افيدونى بخبراتكم وتجاربكم