السلام عليكم
ممكن لو سمحتوا حد يعرف ازاى اعمل اثبات سكن حديث؟ حيث اننى اود التقديم لابنتى فى احدى المدارس التجريبيه فى 6 اكتوبر ومحل سكنى الحالى هو القاهرة؟
جزاكم الله خيرا
عرض للطباعة
السلام عليكم
ممكن لو سمحتوا حد يعرف ازاى اعمل اثبات سكن حديث؟ حيث اننى اود التقديم لابنتى فى احدى المدارس التجريبيه فى 6 اكتوبر ومحل سكنى الحالى هو القاهرة؟
جزاكم الله خيرا
متابع
ايه يا جدعان الصحرا دى؟ مفيش رد واحد؟
يعني ايه اثبات سكن حديث ؟ عايز تعمل تغيير محل اقامه يعني ولا ايه ؟
بص ياباشا المدارس التجريبى نوعين نوع حكومى مصاريفه فى حدود 800 جنيه "مصاريف+ كتب" غير الزى المدرسى وده لازم تكون ساكن فى نفس المنطقة السكنية التابعة ليها المدرسه طبعا غير السن لانه فى تنسيق للقبول بالسن الاعلى
اللى انت بتحتاجة انك معاك عقد ايجار وايصالات كهرباء او غاز او مياه
بتعمل عقد ايجار جديد لشقه فى نفس المنطقة وبتعمل اثبات تاريخ فى الشهر العقارى وبتاخد ايصالات كهرباء قديمه وحديثه
ونوع تانى خاص باشراف حكومى مصاريفه فى حدود 1800 جنيه "مصاريف + كتب" غير الزى المدرسى وده غير مقيد بمحل السكن طبعا غير السن لانه فى تنسيق للقبول بالسن الاعلى
هو سن بنتك كام فى 1/10/2013
اولا شكرا لحضرتك على الرد
بنتى فى 1 اكتوبر 2013 هتكون 5 سنين و 9 شهور
الحاجه التانية انا ناوى اقدم لها فى مدرسة تجريبى مميزة فى 6 اكتوير و انا محل اقامتى القاهرة.