الموضوع: قطعوا الطريق فانظر ماذا حدث

أقسم بالله العظيم حدث معى وأنا مسافر من السويس إلى القاهرة وقبل دخولى القاهرة بحوالى 40كم لقيت كمين شرطة ووضعين الأقماع فى منتصف الطريق طبعا وقفت وفى لحظة فوجئت بسيدتان تقفان فى الشارع وواحدة منهم ترمى نفسها على الكبوت وتقول لى احنا قطعنا الطريق .
ماذا تفعل لو كنت مكانى بمنتهى الأمانة
مع العلم كان برفقتى شقيقتى وزوجها وابنها وكنا متجهين لمستشفى أرض الجولف لأجراء عملية جراحية لأبن شقيقتى وطبعا ميعاد الدكتور وغرفة العمليات محجوزين بالدقيقة ومفيش أعذار
علشان مطولش عليكم مكنش فيه خيار ثانى أمامى سوى أدوس بنزين وربنا يسترها
والحمدالله ربنا سترها و لأن السيارة كانت فى وضع الثبات وكل ما حدث لها دفعتها بمقدمة السيارة دفعة قوية أعتقد انه لم يحدث لها مكروه ولاكن كان من السهل إن الموضوع يتطور أكثر من ذلك
وطبعا أعصابى أنا وكل من معى لا أخفى عليكم توتر شديد جداجدا حاولت طبعا ميبنش على أى حاجة من دى .
وده كله حصل امام أعين رجال الشرطة وأعتقد ان سبب ذلك هو سحب الرخصة من زوج أحدهما أو ما شبه ذلك
وبعد حوالى 10كم فى كمين دائم طبعا نزلت وأبلغتهم بما حدث