انا نويت اجيب افيو 5 و عايز اعرف اخبارها ايه
عرض للطباعة
انا نويت اجيب افيو 5 و عايز اعرف اخبارها ايه
بصراحه ماتستاهلش 80 الف كتير اوي
انا عندى افيو 5 و عملة 4200 كم العربية حلوة جدا و هى هى نفس الافيو السيدان الفرق كلة فى الشكل .....طبعا العربية شكلها خطيرة من الامام و من الخلف .....
و العربية دية موديل 2009 يعنى هترخصها 2009 ...
ظهرت معايا نفس العيوب الى كل الاعضاء هنا اتكلمو عنها قبل كدة .....
1. فى صوت تزيقة فى المساعدين الى الخلفيين بتروح وتجى
2. فى صوت تزيقة فى علبة الدريكسيون بردو الصوت بيروح و يجي
3. فى صوت غريب كدة بسمعة فى الكاوتش و لما ازود السرعة الصوت بيزيد و لما اهدى السرعة الصوت بيهدا ... الصوت عامل زى ما يكون فى ورقة فى الكوتش او زلطة فى الكاوتش و كل ما اشوف الكاوتش لا اجد شىء .....
غير كدة انا شايف العربية حلوة جدا بالنسبالى انا بس بصراحة العربية سعرها غالى جدا .....
بس فى ميزة ان انت هتركب عربية مش منتشرة و فى نقس الوقت قطع غيار منتشرة او سوف تنتشر علشان هى هى نفس قطع غيار الأفيو السيدان طبعا ماعدا الفونيس الامامية و الخلفية و وش العربية
....
بس اهم حاجة انك تكون بتحب العربية الهاتش باك ...
و انا تحت امرك فى اى استفسار عن العربية ... بس انا مش بدخل على النت كتيير اليومين دول فا لو اتأخرت فى الرد متزعلش....
و ربنا يكرمك .....
الافيو الهاتش باك نفس المساحه من جوه زي السيدان وبلنسبه للثبات علي الطريق هل احسن من السيدان
في استفسار تاني هو عازل الصوت والراحه داخل السياره
........شكرا
افيو 5 نفس مساحة الافيو سيدان من الداخل و الفرق فقط فى الشنطة ......
اما الثبات اللى الناس كلها بتسال علية فهو عادى جدا نفس ثبات الافيو السيدان ... و موضوع الثبات بيختلف من شخص ل شخص . انا بالنسبالى العربية لحد 140 ثباتها جميل جدا و هذا يكفينى اما اكتر من140 ببدا احس ان تحكمى فى العربية بدا يقل .. مع العلم ان العربية عالية فا مش بتحك فى اى مطب حتى اذا كان داخل العربية 5 اشخاص ...
بالنسبة لعزل الصوت حيد .. الراحة داخل العربية جيدة
انا كمان عايزة اشتري افيو 5 بس كان الناس بيخوفوني منها اوي بسبب الثبات ده بس بصراحة كلمك طمني اوي ز
بس بعد اذنك عايزة اسالك سوال اخير لو خيرت العربية بينها وبين البونتو وخاصة بعد ما جربت الافيو انت شايف ايه ممكن يكون احسن في رايك
انا شايف ان الافيو دي عربية تعبانة جدا
العربية دي مع خالي بجد لما بسوقها وبرجع اسوق عربيتي بحس ان عربيتي حاجة جامدة جدا بالنسبة لها
معايا بيكانتو على فكرة مش حاجة خارقة يعني
الافيو بحس انها تقيلة اوي حتى اتقل من اللانوس ( مع والدي )
وخصوصا لما بنشغل التكييف العربية بتموت
التكييف بيأثر عالسحب جامدة جدا
في اختيارات احسن كتير في الفئة دي
من الافيو خصوصا كمان ان الافيو مبتنزلش زي مابتنزل برة بوسائل الامان Abs و Air Bags
يا جماعه الافيو 5 عربيه ما شاء الله عليها جميله جدا
وفى الثبات احلى من السيدان فى ثباتها لكن هى عربيه جميله كشكل وكاساسيات وكل حاجه
انا عندى عربيه افيو 5 ما شاء الله عليها واللى عايز يشترى ميترددش فيها
وموفره اكتر من السيدان فى البنزين ونفس قطع الغيار هى هى القطع والسعر بتوع السيدان
فعلا الافيو الهاتش باك زى السيدان بالظبط فى كل حاجه مع عدا الشبطه بس
زود 10الاف وهات الفابيا المينى الجديدة احسن وكمليات زيادة
http://www.postimage.org/aV1xXSVA.jpg
نازلة اليومين دول 89000
10000000000000000000:S_thum1[1]:اقتباس:
المشاركة الأصلية كتبت بواسطة ahmedabdelhamid
نفسى حد من اللى عاوز يشترى الافيو يقارنها بالبونتو والجراند بونتو ويقول بعدها رايه فيها وبالذات ال5 عشان هاتش باك
يا باشا البونتو والجراند زى الفل طبعا
لكن احنا بنتكلم فى الافيو دى الهاتش 2009
والله والله يا جدعان عربيه ما شاء الله ملهاش حل
عندى هى واشترتها من شهر 8 اللى فات والحمد لله زى الفل
وعلى فكره ثباتها على الارض حلو اوى ما شاء الله غير اى افيو تانى
واللى عايزها يتشريها من غير تردد
اما الفابيا طبعا مش محتاجه كلام بس قطع غيارها ايه فله كلها نفخ
الواحد بيبص لقطع الغيار قبل ميشترى اى عربيه
والافيو دى قطع غيرها زيها زى السيدان
You can go for a 1300 GLX Auto Daihatsu Sirion
ABS+EBD+2 AirBags+ jenoot+spoiler+100% Japanese
Unique style + Stability
less consumption of fuel