تجربة تفريغ نص بولو كلاسيك فى ابيزا 98 (الجزء الثالث)

**Mahmoudyoussif** · 03-03-2013 11:11 AM

انا متابع الموضوع من الاول وربنا يباركلك فيها و يعطيك خيرها و يكفيك شرها

دلوقتي انا عربيتي بولو فوكس كوبيه 1995 و موتورها 1300 cc دلوقتي عربيتي بالظبط محتاجه الاتي

1 - بلوكه بوش

2 - تكيف كامل لان اللي عندي بلدي زي الزفت بهدل الدينامو والطابلوه متشال منه الهوايات الاصليه

3 - صدر كامل بفوانيسه بالريداتير عشان اللي عنده واخد خبطه و معمول بكلبسات و شكله يسد النفس

4- قاعده موتور

5- طقم بارات

مع العلم ان العربيه كوبيه و صارف عليها ما يقرب من 12000 جنيه بس بصراحه كل قرش بدفعه بحس بيه

دلوقتي انا عايز اعرف انهي الافضل اجيب نص امامي كامل 1600 75 Hp ولا اجيب النص بتاعها 1300 54 HP

ولا اجيب الحاجات اللي فوق دي متجزئه مع العلم اني عايز العازل الفبريكه بتاع الكبوت و بتاع صدر العربيه

دا غير اني عايز اركبلها فوانيس الشبوره ... فكرت ابيعها لقيت نفسي هخسر كتير و هجيب عربيه اصرف عليها تاني

فعربيتي مش محتاجه غير الحاجات دي ... مع العلم ان الحاجات اللي في الحوض و العفشه زي الفل

لاني غيرت الاتي من ساعه اما جبت العربيه

1 - طرمبتين بنزين

2 - بطاريتين جافتين

3 -دينامو Value

4 - طقم كبالن و مقصات و جلب كامل

5- 4 مساعدين امامي و خلفي

6- طرمبه ميه جديده

7- جنبين باب بفرشهم بمكن كهربا

8-قاعده موتور + قاعده فتيس + عصايه فتيس

9- 4 فرد كاوتش

10- عداد استيراد 1600

11- مرايتين جنب

12 - مساحات جديده امامي بس الخلفي جبتها و عايز اركب المكنه بتاعتها

مع العلم ان عربيتي فابريكه بمعنى الكلمه من بره شنطه و من جوا فابريكه فعلا

انا عايز اعرف حضرتك جبت النص منين لان سعره ممتاز ... و راي حضرتك اعمل ايه هل اجيب كل حاجه لوحدها

يعني بلوكه و صدر و طابلو وتكيف ولا ليك رأي تاني مستني رأيكو بفارغ الصبر

**Karim Ibiza** · 03-03-2013 11:19 AM

المشاركة الأصلية كتبت بواسطة SYD

الف مبروك يا كيمو
لي كام تعليق اذا سمحت
1- التابلوه وتركيبه وفتحات التكييف - حاول تشغل التكييف في اقرب فرصة علشان تتأكد من سلامة مخارج التهوية
2- الشكمان - حاول قدر المستطاع تركب شكمان علي بعضه بدون وصلات بلدي ولحامات - مش عارف امكانية تفصيل شكمان في مصنع شكمانات هتنفع ولا هتبقي مكلفة ولا هتلاقي حاجة علي مزاجك تناسب عربيتك - بس علي كل الأحوال انت ممكن تستوردها من اي موقع اجنبي - وهسألك في الحوار دة حد صاحبي عامل جولف 2 علي ايده بس جايب كل حتة فيها لوحدها من مواقع البيع ومستوردها من امريكا والشكمان بالذات كان جايبه من ابواليزيد في اكتوبر لذلك امبارح قولتلك ان دة صوت يشبه صوت الشكمان الطبيعي ومن غير اي علب رياضية هتعمل معاك صوت الديفل - بس لازم علبة البيئة تركب وهتشم ريحة عادم مختلفة تماما عن الريحة المعتادة وهتسمع صوت يعجبك
3- موضوع الجنوط وحجم الصرة - انا معاك انها غير متوقعة في ظل الدوشة اللي انت كنت فيها - ولكن علي حد معلوماتي في عربية اخويا الفيكترا - ان عنده في عربيته موديل بينزل بطقم فرامل اكبر بجنوط 15 - 5 خرم - يعني صرة مختلفة وجنوط مختلفة
4- التكاليف - زي الفل بجد - حتي كمان مع الجنوط والكاوتش - لأن عشان كنت تعمل عربية علي مزاجك كنت هتصرف اكتر من كدة - وكمان بصراحة انت لازم كنت تغير جنوط الفبريكة - انت مش متخيل الجنوط ووزنها هتعمل معاك ثبات ازاي وفرامل ازاي
5- الفرامل - بمناسبة الجنوط فأنت حاول بعد ما تفوق شوية تجيب طقم فرامل abs وتغير طنابير ورا وتعملها سكاكين
6- العفشة - شايفك بتشتكي من العفشة امبارح - اعتقد يا كريم احساس الدبدبة بسبب الجنوط لأن وزنها مش اقل من انها تكون ضعف وزن الجنوط الفبريكة - حاول تغير بعفشة رياضية اقوي من الفبريكة

ربنا يباركلك في عربيتك
ويديك خيرها ويكفيك شرها

تحياتي

الله يبارك فيك واتشرف بتعليقك

1- باذن الله هشغل التكييف قريب عشان اطمئن عليه
2- موضوع الشكمان ده محتاج شوية بحث وان شاء الله نشوف الصح ايه ونعمله عشان انا مش مبسوط منه
3- لأ ياباشا الفيكتر اللى انا اقصدها موديل 95 و 4 مسمار ومقاس 14 وابعاد المسامير زى عندنا 4x100 بس المشكلة كانت فى الصرة
4- فعلا الثبات اختلف بس فيه لعب خفيف من الخلف عشان المساعدين ورا مش حلوة وكمان ورا اعلى من قدام
5- انا كنت فعلا ناوى اعمل موضوع السكاكين ده بس اكتشفت ان الجولف 3 اللى بينزل فيها الموتور ده مش سكاكين ولكن طنابير عادية زى عندنا بس ان شاء الله اعملها لأن اكيد هتفرق فى الاداء
6- العفشة فعلا ناشفة شوية لأن النص جاى بمساعدين ناشفة شوية عشان الاداء الرياضى وعشان تشيل الموتور والعفشة الكبيرة وكمان الكاوتش الواطى ده تحس انك ماشى على الزلط حافى

الله يبارك فيك وشكرا لتعليقك

**Karim Ibiza** · 03-03-2013 11:26 AM

المشاركة الأصلية كتبت بواسطة hossamalsadik

مبروك انتهاء شغل التسقيط
عجبنى الحيادية والصراحة فى كلامك وانك قدرت تعبر وتوصل المعلومه الى تقصدها صح لأنى زى ماقلتلك انتا موضوعك فكرنى بموضوع شد عربيتى زمان الموضوع مرهق فعلاً وخاصة لما يكون شد كامل ، وعلى فكره نفس النتائج والخلاصه الى انتا طلعت بيها هيا الى طلعت بيها وهيا الى بيطلع بيها اى حد .

افرح بعربيتك وانا شايف انك هتاخد اداء افضل من سابقه بحق الى صرفته ، الجنوط بسم الله ماشاء الله حاجة جميله بجد ، الكاوتش وموضوعه ماتزعش ده كان لازم هيا عين خفيفه كده هههه و الحمد الله ربنا ستر وبتحصل للكل وربنا يستر طريقك وطريقنا .

الله يبارك فيك
فعلا الموضوع متعب جدا ومش سهل خالص

والله ياحسام الواحد مش عارف يعمل ايه فى موضوع العين ده

ده الواحد وهو ماشى على رجله برده مش خالص

ربنا هو الحافظ وربنا يسترها معانا كلنا

**Karim Ibiza** · 03-03-2013 11:26 AM

المشاركة الأصلية كتبت بواسطة mahmoudayman

ربنا يباركلك فيها ويكفيك شرها واعطالها

اميين يارب
شكرا لمرورك

**Karim Ibiza** · 03-03-2013 11:35 AM

المشاركة الأصلية كتبت بواسطة sam_eh420

الف مبروك يا كريم .
وبجد احنا استفدنا منك كتيير وشكرا جدا علي المجهود الكبير وعلي نقل التجربة .
وربنا يرزقك خيرها ويكفيك شرها .

الله يبارك فيك والشكر لله
اميين يارب
شكرا لمرورك

**Karim Ibiza** · 03-03-2013 11:38 AM

المشاركة الأصلية كتبت بواسطة mahmoud ghanem

الف مبروك يا كريم بصراحة موضوع كبير 3 اجزاء بصراحة تحفة .. مفيدين جداً ل كل من يفكر فى التسقيط
شكراً على المجهود الرائع والشرح المبسط وان شاء الله يتم تثبيت الموضوع فى المنتدى ليكن مرجع للكل

مبروك تانى مرة وربنا يباركلك فيها ويكفيك شرها بأذن الله
وسعيد جداً بمقابلتك

الله يبارك فيك يا محمود
انا اتشرفت بمعرفتك وكان نفسى تفضل معانا وتحضر العملية الجراحية للطرمبة

**Karim Ibiza** · 03-03-2013 11:40 AM

المشاركة الأصلية كتبت بواسطة المنسي

اولا الف مبروك وربنا يديك خيرها ويكفيك شرها وشر العين
ثانيا من رايي
عربية المانى + مصاريف شد 10,000 = عربية المانى تمنها فيها وتساوى اكتر
وده افضل من بيع عربية المانى وتكمل على تمنها ب 30.000 وتركب كورى ... مع احترامى لاصحاب العربيات الكورى طبعا بس اللى ركب الالمانى اكيد فاهم كلامى

الله يبارك فيك
فعلا الصرف بيبان على العربيات الاوروبى عموما بس بشرط انك متستخسرش فى اى حاجة محتاجاها

شكرا لمرورك

**Karim Ibiza** · 03-03-2013 11:42 AM

المشاركة الأصلية كتبت بواسطة ehab_mansour

السلام عليكم كريم بيك
شوف الموضوع ده هيعجبك و فيه معلومات كويسة هتفيدك في موضوع الشكمان
http://www.nilemotors.net/nile/227406-a.html

وعليكم السلام ياهندزة

هقراه وهرد عليك
شكرا لأهتمامك

**SYD** · 03-03-2013 11:46 AM

المشاركة الأصلية كتبت بواسطة Karim Ibiza

الله يبارك فيك واتشرف بتعليقك

1- باذن الله هشغل التكييف قريب عشان اطمئن عليه
2- موضوع الشكمان ده محتاج شوية بحث وان شاء الله نشوف الصح ايه ونعمله عشان انا مش مبسوط منه
3- لأ ياباشا الفيكتر اللى انا اقصدها موديل 95 و 4 مسمار ومقاس 14 وابعاد المسامير زى عندنا 4x100 بس المشكلة كانت فى الصرة
4- فعلا الثبات اختلف بس فيه لعب خفيف من الخلف عشان المساعدين ورا مش حلوة وكمان ورا اعلى من قدام
5- انا كنت فعلا ناوى اعمل موضوع السكاكين ده بس اكتشفت ان الجولف 3 اللى بينزل فيها الموتور ده مش سكاكين ولكن طنابير عادية زى عندنا بس ان شاء الله اعملها لأن اكيد هتفرق فى الاداء
6- العفشة فعلا ناشفة شوية لأن النص جاى بمساعدين ناشفة شوية عشان الاداء الرياضى وعشان تشيل الموتور والعفشة الكبيرة وكمان الكاوتش الواطى ده تحس انك ماشى على الزلط حافى

الله يبارك فيك وشكرا لتعليقك

وحتي الفراشة (96-2002) بتنزل بجنوط 14 - بس نازل فيها فئة cdx بفرامل اكبر وجنوط 15 بصرة 5 خرم

هسألك صاحبي علي الشكمان بتاعه دنيته ايه - بس هو مسقط 1800 ومركب كيت بارات كامل في الكبوت والشنطة والصالون - تحس انك راكب عربية رالي

انت ان شاء الله لازم تظبط ورا عشان الدنيا تكمل معاك

ربنا يوفقك

والله المستعان
،
،

**Karim Ibiza** · 03-03-2013 11:54 AM

المشاركة الأصلية كتبت بواسطة mahmoudyoussif

انا متابع الموضوع من الاول وربنا يباركلك فيها و يعطيك خيرها و يكفيك شرها

دلوقتي انا عربيتي بولو فوكس كوبيه 1995 و موتورها 1300 cc دلوقتي عربيتي بالظبط محتاجه الاتي

1 - بلوكه بوش

2 - تكيف كامل لان اللي عندي بلدي زي الزفت بهدل الدينامو والطابلوه متشال منه الهوايات الاصليه

3 - صدر كامل بفوانيسه بالريداتير عشان اللي عنده واخد خبطه و معمول بكلبسات و شكله يسد النفس

4- قاعده موتور

5- طقم بارات

مع العلم ان العربيه كوبيه و صارف عليها ما يقرب من 12000 جنيه بس بصراحه كل قرش بدفعه بحس بيه

دلوقتي انا عايز اعرف انهي الافضل اجيب نص امامي كامل 1600 75 hp ولا اجيب النص بتاعها 1300 54 hp

ولا اجيب الحاجات اللي فوق دي متجزئه مع العلم اني عايز العازل الفبريكه بتاع الكبوت و بتاع صدر العربيه

دا غير اني عايز اركبلها فوانيس الشبوره ... فكرت ابيعها لقيت نفسي هخسر كتير و هجيب عربيه اصرف عليها تاني

فعربيتي مش محتاجه غير الحاجات دي ... مع العلم ان الحاجات اللي في الحوض و العفشه زي الفل

لاني غيرت الاتي من ساعه اما جبت العربيه

1 - طرمبتين بنزين

2 - بطاريتين جافتين

3 -دينامو value

4 - طقم كبالن و مقصات و جلب كامل

5- 4 مساعدين امامي و خلفي

6- طرمبه ميه جديده

7- جنبين باب بفرشهم بمكن كهربا

8-قاعده موتور + قاعده فتيس + عصايه فتيس

9- 4 فرد كاوتش

10- عداد استيراد 1600

11- مرايتين جنب

12 - مساحات جديده امامي بس الخلفي جبتها و عايز اركب المكنه بتاعتها

مع العلم ان عربيتي فابريكه بمعنى الكلمه من بره شنطه و من جوا فابريكه فعلا

انا عايز اعرف حضرتك جبت النص منين لان سعره ممتاز ... و راي حضرتك اعمل ايه هل اجيب كل حاجه لوحدها

يعني بلوكه و صدر و طابلو وتكيف ولا ليك رأي تاني مستني رأيكو بفارغ الصبر

الله يبارك فيك

عايز اعرف بس الحاجات اللى انت غيرتها دى كلها من امتى؟؟؟

عموما انت لو مش عايز تبيع وعايز شغل نضيف يبقى متعملش حاجة غير انك تجيب نص بولو 1600 75 حصان كامل مكيف والحاجات اللى تفيض منك شوفلها بيعة او خليها عندك قطع غيار
انا جبت النص من عندى فى اسكندرية

الموضوع: تجربة تفريغ نص بولو كلاسيك فى ابيزا 98 (الجزء الثالث)

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

تجربة تنظيف حساس الأسبراتير - الجزء الثالث من موضوع الطرمبة بعافية

تجربة تفريغ نص بولو كلاسيك فى ابيزا 98 (الجزء الثانى)

تجربة تفريغ نص بولو كلاسيك فى ابيزا 98 (الجزء الأول)

الحساسات ....الجزء الثالث

اجمد موتوسيكلات فى مصر الجزء الثالث

الكلمات الدلالية لهذا الموضوع

المفضلات

المفضلات

ضوابط المشاركة