| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 5 1 2 3 4 5 الأخيرةالأخيرة
النتائج 1 إلى 10 من 49

  1. #1

    الصورة الرمزية Karim Ibiza

    رقم العضوية : 125812

    تاريخ التسجيل : 07Jun2012

    المشاركات : 2,519

    النوع : ذكر

    الاقامة : Dammam-KSA

    السيارة: Lada 2105 1984 Sold

    السيارة[2]: Ibiza 6K 101 HP

    دراجة بخارية: لا يوجد

    الحالة : Karim Ibiza غير متواجد حالياً

    Lightbulb تجربة تفريغ نص بولو كلاسيك فى ابيزا 98 (الجزء الثالث) - Facebook Twitter whatsapp انشر الموضوع فى :

    hasad">

    السلام عليكم ورحمة الله وبركاته

    انا عارف انى اتأخرت عليكم فى الجزء الثالث بس كنت حابب انه يكون الجزء الأخير وعشان كده كنت مستنى لحد ما أخلص شوية حاجات فاضلة فى العربية وده أخد منى اسبوعين من بعد الاستلام من الميكانيكى وهقولكم على سبب التأخير

    فى البداية دى لينكات الجزء الاول والثانى عشان الناس اللى مش متابعة من الاول
    http://www.nilemotors.net/Nile/334909-98.html
    http://www.nilemotors.net/Nile/336274-98.html

    اتكلمنا فى الجزء اللى فات على حل النص وعملنا شوية مقارنات بين الاختلافات اللى فى عربيتى واللى فى النص وكمان اتكلمنا على كيفية تركيب التكييف بطريقة الفبريكة

    فى الجزء ده هنتكلم عن تسقيط الموتور نفسه وتركيب التابلوه والمشاكل اللى واجهتنى وطريقة حلها والاداء والتكاليف

    تسقيط الموتور نفسه مفيهوش اى مشكلة لأنه شاله حتة واحدة وسقطه حتة واحدة على نفس القواعد ونفس الحوض

    الخطوة اللى بعد كده انه بدأ يقفل فى التابلوه والضفيرة بتاعته وركب القاطمة والعدادات والزراير



    وده الشكل بعد التابلوه ما ركب



    كده يبقى احنا خلصنا جوه
    نطلع بقى بره ونشوف ايه اللى كان ناقص
    كابل البطارية اللى كان فى النص كان مقطوع من عند القواطيش وكمان الكابل بتاعى كان معمول بلدى والميكانيكى صمم انى اجيب كابل فابريكة عشان ميهربش كهرباء ويعمل مشاكل بعد كده وعلى فكرة ده سبب من اسباب تمليح القواطيش وكمان سبب من اسباب التعتيل فى الدوارة لأن الموضوع فرق كتير بعد ماركبت الكابل الفابريكة
    ده شكل الكابل اللى كان فى النص



    كان فيه كاوتشة كوبلن داخلى مقطوعة بسبب الكلارك وهو بيشيل النص وجبت واحدة جديدة بالشحم والمسامير بتاعتها وطبعا دى مختلفة عن كاوتشة الكوبلن اللى كانت فى العفشة القديمة لأنها اكبر ومعروفة عند التجار بأسم كاوتشة كوبلن العفشة الكبيرة



    وكانت الخراطيم اللى طالعة وداخلة من الردياتير مقطوعين عشان يفضوا المياه منها قبل التخزين وحل الموضوع ده ان الميكانيكى راح للناس اللى بتعمل الخراطيم وخلاهم يعملوا وصلتين بقطر اقل عشان يباتوا جوه الخرطوم المقطوع وقفلهم بأفيز حديد عشان ميحصلش تسريب
    طبعا الحل الاسهل انى كنت اجيب شجرة مياه بس الفكرة انى ملقتهاش استعمال ولو كنت دورت عليها جديد اكيد مكنتش هلاقيها اقل من 300 جنية ده غير فرق الخامات بين الجديد والفبريكة لكن الموضوع اتكلف 10 جنيه والنتيجة مفيش تسريب نهائى

    الموتور كان طالع من النص من غير حساس شكمان بس الفيشة بتاعته كانت موجودة بالسلك, يعنى اللى قطع النص قطع قبل جسم الحساس نفسه مباشرة وساب السلك كله
    حساس الشكمان ده انا بقالى اسبوعين بدور عليه وفضلت ماشى بالعربية طوول الاسبوعين من غيره بسبب انه غير حساس الشكمان اللى كان فى الموتور القديم والاختلاف مكنش فى الحساس نفسه, الاختلاف كان فى طول السلك!!!!! حساس الشكمان فى اى عربية بيركب بعد الشجرة مباشرة, والشجرة فى المواتير ال 1000 وال 1400 بتكون من قدام وقصيرة فبالتالى سلك الحساس بيكون قصير من 62 سنتيميتر الى 73 سنتيميتر لكن الشجرة عندى ماشاء الله نخلة!!!!! محتاجة السلك يكون 88.5 سنتيميتر وطبعا ده صعب تلاقيه لأن اذا كان النص نفسه جاى من غير الحساس يبقى هتلاقيه فرضانى وللا فى مكنة على الأرض؟؟!!!!! وكان الحل اننا نجيب اى حساس بأى طول بس أهم حاجة يكون نفس الفيشة واننا نقطع فيشته ونلحمه فى السلك بالفيشة اللى كانت فى النص بس انا مكنتش حابب حاجة زى كده بس كنت مضطر
    طول الاسبوعين دوول وأنا قالب النت بحث عن حل بديل وسمعت شوية افتكاسات انك ممكن تلغيه وانه ملوش لازمة وحاجات غريبة, المهم وأنا ببحث عن البدائل لقيت حاجة غريبة جدا, لقيت ان نفس الحساس ده بيركب على عربيات تانية كتير وقولت يبقى اجيبه جديد بس المهم انه يكون بتاع ماركة عربية تكون اسعار قطع غيارها رخيصة, لقيت من ضمن الماركات علامة دايو, قولت تمام قوى, عايزين بقى نعرف دايو ايه؟ طلعت دايو ماتيز!!!!!! وكمان الفيات باندا والتمبرا, قولت خلاص انا هروح اجيبه من عند حد بتاع قطع غيار دايو جديد, بالصدفة كنت جنب واحد بتاع قطع غيار فولكس استيراد مشهور قوى عندنا بس مجاش فى بالى قبل كده انى اسأله, قولت مش هتخسر حاجة, والحمد لله لقيت عنده واحد بسلك طوييييل



    ركبنا الصدر اللى بيركب عليه الردياتير



    وركبت الشبكة والفوانيس القديمة

    وركبنا البطارية وحطينا مياه للردياتير من الحنفية مؤقتا لحد ما اجيب مياه حمراء وحطينا زيت mobil xhp على الفلتر اللى جاى مع الموتور وعلى نفس سير التقسيمة وعلبتين زيت فرامل dot4 ودورنا

    طبعا الصوت زى صوت الرعد لأن لسه ملحمش الشجرة مع الشكمان
    جاب واحد بتاع شكمانات يلحم الشجرة مؤقتا مع الشكمان بتاعى لحد ما اركب الشكمان اللى كنت هاخده من عربية واحد صاحبى عشان اكبر من حيث القطر



    طبعا اللحام مكنش كويس لأن فيه فرق فى القطر نص بوصة بين الشجرة وبين شكمانى والفرق ده عمل تسريب جامد للهواء وبالتالى الصوت لسه موجود بس أقل من الأول شوية

    ركبنا الطوربيدو الجديد واللى شكله كان مختلف عن اللى كان فى عربيتى لأن اللى كان عندى كان مدغدغ بس ركب عادى وشكله حلو



    كده فاضل اننا نركب فردتين الكاوتش اللى قدام عشان ننزل العربية ونسحب هواء من الفرامل ونطلع نجرب

    الجنط مش عايز يركب!!!!!!!!! الجنط الفبريكة مقاس 13 والعفشة الجديدة طنابيرها وجهاز الفرامل اكبر من القديمة وده اللى مخلاش الجنط يدخل اساسا (ازاى مفكرتش فى حاجة زى كده؟؟!!!!!!), الميكانيكى قاللى لازم على الاقل جنط 14 , طبعا مكنتش عامل حساب حاجة زى كده, يعنى المفروض اجيب جنوط وكاوتش

    كلمت واحد صاحبى قاللى عنده الجنوط الحديد ال 14 بتاعت الاوبل فيكترا, قولت تمام قوى لأن اكيد ابعاد المسامير زى بعض وده حل مؤقت لغاية ما أطلع من عند الميكانيكى وأجيب جنوط وكاوتش لأن كان لازم استلم العربية اليوم ده لأن تانى يوم الميكانيكى كان اجازة وكمان الساعة كانت 11 بالليل ومكنتش هلحق اجيبله حاجة

    جيبنا جنوط الفيكترا وبنركب واتفاجئنا ان صرة الجنط بتاع الفيكترا اصغر من صرة الطنابير بتاعتى, وركبناها حشر وركبنا اللى قدام بس وسيبنا اللى ورا 13

    نزلنا العربية وسحبنا هواء من الاربع عجلات وشيكنا على الانوار والمروحة شغالة وكله تمام, وطلعنا نجرب



    طبعا طالع متعكنن عكننة جامدة لأن بعد كل المجهود والوقت ده طالع بالعربية من عند الميكانيكى ب فردتين كاوتش قدام 14 وورا 13 وصوت الشكمان اللى كان بيفرج الناس عليا ومخلينى مش سامع صوت الموتور اساسا وبالتالى مش قادر احكم عليه وكان بيرج العربية كلها لدرجة ان الطرمبة جالها ارتجاج وده اللى خلاها فصلت منى الجمعة اللى فاتت, وكمان مفيش حساس شكمان ومخلى العربية تبرجل

    طبعا مفيش مجال للتجربة اساسا ولفيت ورجعت تانى نزلت الميكانيكى عند الورشة وقاللى 1000 كيلو وتعالالى نعمل السرفيس بتاعها بس اهم حاجة كل يوم تكشف على الزيت والمياه

    وطلعت على واحد بتاع جنوط استعمال انا عارف انه بيسهر عشان اشوف جنط ليا, مشيت حوالى 5 كيلو بدأت اسمع صوت ونة!!!! بتبان وانا دايس بنزين وبتروح لما بدوس دبرياج, كده يبقى فيه حاجة فى الفتيس, لفيت ورجعت للميكانيكى وقولته يبصلى على زيت الفتيس عشان الصوت ده, فعلا لقينا الزيت ناقص حوالى 2.5 كيلو وساعتها صاحب الورشة بص للصنايعى نظرة لووم رهيبة معناها انك ازاى مبصيتش على حاجة زى كده كانت ممكن تطير الفتيس لو اللى سايق مخدش باله من الصوت ده وقاللى كويس انك جيت على طوول وممشيتش عليه كتير وزودنا الفتيس بزيت موبيل لون الجركن ابيض بدرجة 90 80w api gl5ومرداش ياخد منى حق الزيت اللى زوده, وطلعت من عنده والصوت راح خالص

    تانى يوم الجمعة جالى مشوار مهم قبل الصلاة لوادى النطرون!!!! اليوم ده عملت حوالى 300 كيلو وطول السكة ماشى 100-120 وجيت فى وقت اضطريت امشى 160 بس كان لمدة حوالى 5 دقائق بس كان غصب عنى

    اول 4 ايام كنت بنقل على 2.5 – 3.5 rpm وبعد كده بدأت ازود الموضوع تدريجيا لحد مابقيت بوصل ل 5800 rpm وده مش على طول وغالبا بيكون على الغيار التانى والتالت لأن كل مشاويرى كانت جوه البلد

    طالما الموضوع دخل فى جنوط وكاوتش يبقى ده ميعاد الخطوة اللى كنت مأجلها
    جنط الفابريكة بتاع سيات ابيزا كوبرا gti موديل من 97 الى 99 مقاس 16 بوصة وعرض 6 بوصة و 4 مسمار



    كاوتش مقاس الفبريكة 16 45\195 تايلاندى ماركة accelera



    طبعا الاحساس بعد التركيب كان حاجة تانية خصوصا ان الكاوتش ال 13 بتاعى كانت حالته صعبه

    لسه بطلع من عند بتاع الكاوتش ورايح ارجع الجنوط اللى كنت واخدها من صاحبى وبعديه بحوالى 10 كيلو لبست حفرة على سرعة بالعجلة الامامية شمال عملت كاللو فى فردة الكاوتش!!!!!!! ياجدعان ده انا ملحقتش اروح البيت بيهم, طبعا المفروض ان الفردة دى تتغير وربنا يسهل, مشكلة مقاس الكاوتش ده انه محتاج طريقة سواقة خاصة عشان ميعملش كده, يعنى من الاخر عينيك تبقى فى وسط راسك وتفادى المطبات قبل ماتفادى البنى ادميين, وعلى قد ما الموضوع ده مش عملى خصوصا فى شوارع مصر المحروسة لكن خلانى مجريش فى الحتت اللى مينفعش يتجرى فيها

    تانى يوم ظبطت زوايا وبكده يبقى فاضل الشكمان وحساسه

    طول الوقت ده كنت مستنى صاحبى اللى كنت هاخد منه الشكمان اللى فى عربيته بس فى الاخر اكتشفنا انه مش هينفع!!!! لأن ده شكمان موتور VR6 2800 سى سى 6 سليندر ولو ركب عندى العربية مش هتجرى لأن مش هيكون فيه كبس بسبب كبر حجم المواسير
    وفى الأخر رسينا انى اركب شكمانى وانه مش هيفرق ومش هيكتم وممكن فيما بعد اجيب علبة اكبر او فلتر سبور

    تانى يوم اشتريت حساس الشكمان عشان الراجل بتاع الشكمانات يركبهولى وهو بيظبط شكمانى, وبما ان الراجل ده راجل فاهم كويس فقالى ان علبة الشكمان بتاعتى تشيل لحد موتور 1800 مع انه كان ممكن يقولى انها لازم تتغير وقاللى ان علبة البيئة ملهاش لازمة وان هى اساسا فاضية من جوه وبترن وانه هيجيب ماصورة 2 بوصة تاخد من الشجرة لباقى ماصورة الشكمان (يعنى ننزل من واسع لأضيق عشان الكبس) والماصورة دى هركب فيها صامولة عشان يركب فيها الحساس



    بعد ما خلص اللحامات دورت العربية وأول مرة كنت اسمع صوت موتورى وطلعت جربت والنتيجة مرضية الحمد لله بس سامع صوت كركرة وغالبا ده من عدم توافق العلبة مع الموتور

    الجمعة اللى فاتت قبل ما أعمل الشكمان العربية وقفت منى!!!! كنت واقف على طلع وبدوس بنزين عشان امشى لقيتها بتلت وبعدين بطلت, ادور مش عايزة تدور, ادور مش عايزة تدور, ادور مش عايزة تدور, فتحت الكابوت وبصيت على الكابلات كله تمام, اسمع صوت الطرمبة, مش سامع, الطرمبة فصلت, روحت لكهربائى وفكها عشان اجيبله واحدة زيها, بعد ما فكها وصلها على كهرباء خارجية راحت اشتغلت, طلع ان كان سلك الارضى بتاعها مهزوز, ومن بعدها مشيت عادى.

    امبارح الجمعة سافرت القاهرة عشان مقابلة القسم, طوول السكة 140 160 وشوية 170 180 والحياة حلوة, كان فيه صوت عندى مش عارفله تفسير وسئلت عليه ايهاب منصور أثناء المقابلة, جيت ادور الموتور مش عايز يدور, طرمبة تانى!!!! شيلت الكنبة دب دب دب برده مفيش, يبقى لازم تتحل, بعد ما ايهاب حل الطرمبة فعلا لقينا كلبسات الكبلات اللى فى الطرمبة ملخلخة وايهاب خلعها وديقها بالبنز وركبها تانى وفعلا بطلت تتهز
    وكان عندى مشكلة تانية فى الطرمبة وهى انى لما بفول المؤشر مش بيوصل للأخر وقد ساهم الاخ مصطفى شعلان فى تشخيص العطل وقال ان الشريحة لازم تتنضف عشان دراع العوامة مش بيطلع للأخر, عموما اكتشفنا بعد كده ان مش ده السبب بس برده نضفنا الشريحة ودخلنا الطرمبة غرفة العمليات برعاية الدكتور ايهاب وكل واحد من الاعضاء الحاضرين ساهم ب أداة من ادوات العملية, الجزء بتاع الشريحة اتفصص واتنضف بفرشة سنان وصنفرة









    والحمد لله كل حاجة ركبت مكانها بسلام والعربية دارت بس لسه مشوفتش موضوع المؤشر لأنى لسه مفولتش بس عموما ايهاب متأكد انها هتظبط لأن السبب طلع فى طريقة تركيب الطرمبة نفسها وعدلتها

    بالنسبة لأستهلاك البنزين فى الموتور الجديد: انا عملت اليوم ده 500 كيلو 90% طوالى معظمهم سرعات عالية و rpm مش اقل من 4500 والباقى داخل المدينة واللمبة لسه منورتش

    نيجى بقى لتكاليف موضوع تفريغ النص زى ما وعدتكم انى هكتبه فى الجزء الأخير:
    سعر النص: 5500
    مصنعية: 1500
    كاوتش وجنوط: 3000
    طلبات(زيوت وكاوتش كوبلن و حساس شكمان........) 500
    نثريات(مصاريف نقل و اكراميات) 500
    المجموع= 11000 جنيه ولسه السمكرة والدوكو

    طبعا سعر النص من الواضح انه معمول فيه واجب بس موضوع الجنوط والكاوتش اللى مكنتش عامل حسابهم خلونى غير مستفيد بالواجب (الحمد لله)

    انطباعى وتقييمى للموضوع بالكامل:
    أولا: السلبيات:
    فلوس كتيرة اتصرفت كانت ممكن تركبنى ابيزا موديل 2000 كاملة
    اجهاد بدنى رهيب لأنى كنت برجع من شغلى على الميكانيكى كل يوم لمدة 10 ايام مدة التسقيط
    ضغط نفسى وذهنى جامد بسبب خوفك ان بعد كل ده متبقاش مبسوط من الشغل اللى هيتعمل فى عربيتك

    ثانيا: الأيجابيات:
    معاك عربية عارف كل مسمار فيها حالته ايه
    تحويل كامل للعربية كأنها طالعة من المصنع بالمواصفات اللى انت مختارها

    فى النهاية احب اوجه نصيحة لكل اللى بيقرأ موضوعى
    خلى بالك, الموضوع مش سهل لأنك طوول ما انت بتعمل فيها هتتفاجئ بحاجات مكنتش عامل حسابها وطالما بدأت يبقى مش هينفع توقف غير لما تخلص ودايما اعمل حسابك على فلوس اكتر من اللى انت كنت حاسبها لأنك مش بعد كل المصاريف دى هتيجى تستخصر فى حاجة زيادة عن الحسبة طالما العربية طالباها

    عايز موتور اقوى من اللى فى عربيتك يبقى تجيب موتور بفتيسه بكونتروله
    عايز باور يبقى تجيب طقم الباور
    عايز تكييف يبقى تبيع عربيتك وتجيب واحدة مكيفة فابريكة
    عايز الحاجات دى كلها يبقى برده تبيع عربيتك وتنقى واحدة على كيفك

    بس برده اكيد الواحد حس بمتعة حاجة معملهاش قبل كده والحمد لله النتيجة طلعت مرضية

    تحت امركم فى اى استفسار
    ربنا يستر طريقكم
    السلام عليكم ورحمة الله وبركاته

    Karim Samy - Business Development


    Fiat 128 Model 1983 1100cc
    Lada 2105 Model 1984 1200cc & 1300cc
    Nissan Tiida Model 2007 1600cc
    SEAT ibiza 6k Model 1998 1000cc AER , 1400cc AEX & 1600cc AFT
    Toyota Corolla Model 2013 1600cc


  2. #2

    SYD

    الصورة الرمزية SYD

    رقم العضوية : 94704

    تاريخ التسجيل : 14Apr2011

    المشاركات : 12,403

    النوع : ذكر

    الاقامة : Haram - Giza

    السيارة: OPEL VECTRA 2.0

    السيارة[2]: Seat IBIZA 1999

    دراجة بخارية: NO

    الحالة : SYD غير متواجد حالياً

    افتراضي -

    الله ينور يا كيمو
    الف مبروك العربية
    الله اكبر بسم الله ما شاء الله - ربنا يباركلك فيها

    انا قريت بسرعة كدة تخاطيف
    هقرا علي مهلي مع كوباية شاي واقولك تعليقاتي

    والله المستعان
    ،
    ،

    Eng. Mohamed Sayed | MS Networking Trainer
    IBIZA MK2 (Typ 6K) APQ 1.4 MPI R4 44KW - 60hp

    <a href=http://www.nilemotors.net/Nile/signaturepics/sigpic94704_5.gif target=_blank>http://www.nilemotors.net/Nile/signa...pic94704_5.gif</a>

    صفحة القسم علي الفيس بوك


  3. #3

    الصورة الرمزية hassanin_lada

    رقم العضوية : 107569

    تاريخ التسجيل : 14Jul2011

    المشاركات : 2,363

    النوع : ذكر

    الاقامة : assuit

    السيارة: lada 2017

    السيارة[2]: fait128

    دراجة بخارية: no

    الحالة : hassanin_lada غير متواجد حالياً

    افتراضي -

    ربنا يباركلك فيها ويكفيك شرها واعطالها

    ومع اقتراب العاصفة !! , أبدا لن تسقط مصر

    bkaltalamana سابقا


  4. #4

    الصورة الرمزية Ahmed pico

    رقم العضوية : 132167

    تاريخ التسجيل : 11Dec2012

    المشاركات : 222

    النوع : ذكر

    الاقامة : shoubra

    السيارة: opel corsa sedan 2006

    السيارة[2]: vw polo 6n 1.3 96

    الحالة : Ahmed pico غير متواجد حالياً

    افتراضي -

    الف مبروك يا كيمو :))))))))))))) انا فرحانلك ......:)))))))))))
    ما شاء الله انت خلئك واسع جدا ونفسك طويل و كله طلع تمام و ان ربنا يستر طريقك والجنوط ما شاء الله تحفه كانت عجبنى من الصوره اللى انت حاتتها اصلن ما شاء الله

    ربنا يبركلك فيها يبعد عنك الاعطال شويه انت استويت خلاص



    يرجى انتقاء الالفاظ
    م ع 6


  5. #5

    الصورة الرمزية AlGazar2

    رقم العضوية : 73956

    تاريخ التسجيل : 27Jun2010

    المشاركات : 2,407

    النوع : ذكر

    الاقامة : القاهرة

    السيارة: ميتسوبيشى لانسر 2005 خليجى

    السيارة[2]: دايو نوبيرا 2002 sx

    دراجة بخارية: عجله فيرارى صينى :)

    الحالة : AlGazar2 غير متواجد حالياً

    افتراضي -

    الف مبروك يا باشا و شغل مظبوط ما شاء الله

    بس حكايه الجنوط و الفرده الى طلعت بالونه فى اول 10 كيلو دى دايقتنى بصراحه


  6. #6

    الصورة الرمزية mhf_77

    رقم العضوية : 27260

    تاريخ التسجيل : 10Dec2008

    المشاركات : 435

    النوع : ذكر

    الاقامة : ISMAILIA

    السيارة: ACCENT/CERATO

    السيارة[2]: IBIZA/LANCER/BORA

    الحالة : mhf_77 غير متواجد حالياً

    افتراضي -

    الف مبروك وربنا يباركلك فيها
    انا اول عربيه ركبتها كانت ابيزا 94
    وكان كل مسمار عليه لوجو الفولكس
    وانا مصدقك انك بتجيب السرعات دى من غير قلق لانى جربت ثباتها وعارف انها تشجع وكنت جايبها مستعمله و 1300 سى سى وموتورها عايز وش سلندر وعفشتها كانت عايزه تتغير معظمها وتظبط زوايا وجنوطها 13 وعايزين ترصيص ومع ذلك تزود انت سرعه تزود هى كلبشه وتماسك تحس انك بتكبسلها غره ابيض مش بنزين وركبت بعدها زيرو نيو اكسنت و سيراتو تزود ليهم سرعه يقربو ليك الاخره
    وبالامانه انت صح خليك فى الابيزا وجدد فيها واوعى تغيرها الا على المانى زيها والا هتحس انك مطلعتش لفوق هتحس انك نزلت لتحت
    وربنا يباركلك فيها ويديك خيرها ويبعد عنك شرها


  7. #7

    الصورة الرمزية ehab_mansour

    رقم العضوية : 16065

    تاريخ التسجيل : 09Aug2008

    المشاركات : 3,929

    النوع : ذكر

    الاقامة : 6 اكتوبر - الحي الثامن

    السيارة: Grand Terios 2012

    السيارة[2]: Seat Cordoba 2002

    دراجة بخارية: لا يوجد

    الحالة : ehab_mansour غير متواجد حالياً

    افتراضي -

    الف مبروك استكمال التسقيط و انتهائه علي خير

    لا تعليق علي كل كلامك لأنك بالفعل قلت كل اللي ممكن اعلق بيه و بكل صراحة و نزاهه و صدق
    اوقات بخاف اعلق تعليق يضايق صاحب الشغل في شيء و لكن انت فاهم كل حاجه و مش محتاج حد يقلك حاجه
    اتشرفت بمقابلتك امبارح و اتمني اشوفك كتير و متقلقش انت بس محتاج شوية تظبيطات خفيفة و هتبقي حكايه و مش هتحتاج لشيء تاني ابدا

    ما شاء الله حسب ما شفت و جربت عربيتك امبارح تسقيط الموتور تحفه و الله أكبر عليه زي الفل و لكن ينقص العربية الأتي :-

    1- تظبيط الشكمان جيدا و دي مسئولية مشتركه بيننا و ياريت متعملش حاجه غير لما نتناقش و انا هجيبلك النهارده او بالكتير بكرة صور للشكمان الأصلي لعربيتك و تكوينه قدر المستطاع و هحاول اشوفلك هنا حاجه مستورده جديدة شبيهه للاوريجينال عشان تستفيد و تريحك خالص ان شاء الله
    2- عايز تراجع علي تربيط العفشة و تشوف قصة المساعدين دي لأنهم للأمانه ناشفين شويه
    3- ابقي طمني علي عملية امبارح ... يا تري المؤشر شغال مضبوط و منتظم ولا لأ و هل الطلمبة علقت تاني ولا لأ ... يعني طمني عموما عشان دي حاجه جديدة و اتمني ميحصلش فيها مشاكل تاني عشان نؤكد الفكرة و عملية الصيانة

    و أخيرا ما شاء الله الأسعار رائعه و متزعلش علي حاجه لأنك كده عملت الصح و فعلا طقم الجنوط اللي راكب عندك تحفة ربنا يباركلك فيه و في العربية و كنت اتمني بقائك معانا امبارح اخر اليوم و لكن خيرها في غيرها ان شاء الله

    و بالتوفيق لك و للجميع

    م / إيهاب منصور
    SEAT CORDOBA 2002 1.0 16V AVZ


  8. #8

    SYD

    الصورة الرمزية SYD

    رقم العضوية : 94704

    تاريخ التسجيل : 14Apr2011

    المشاركات : 12,403

    النوع : ذكر

    الاقامة : Haram - Giza

    السيارة: OPEL VECTRA 2.0

    السيارة[2]: Seat IBIZA 1999

    دراجة بخارية: NO

    الحالة : SYD غير متواجد حالياً

    افتراضي -

    الف مبروك يا كيمو
    لي كام تعليق اذا سمحت
    1- التابلوه وتركيبه وفتحات التكييف - حاول تشغل التكييف في اقرب فرصة علشان تتأكد من سلامة مخارج التهوية
    2- الشكمان - حاول قدر المستطاع تركب شكمان علي بعضه بدون وصلات بلدي ولحامات - مش عارف امكانية تفصيل شكمان في مصنع شكمانات هتنفع ولا هتبقي مكلفة ولا هتلاقي حاجة علي مزاجك تناسب عربيتك - بس علي كل الأحوال انت ممكن تستوردها من اي موقع اجنبي - وهسألك في الحوار دة حد صاحبي عامل جولف 2 علي ايده بس جايب كل حتة فيها لوحدها من مواقع البيع ومستوردها من امريكا والشكمان بالذات كان جايبه من ابواليزيد في اكتوبر لذلك امبارح قولتلك ان دة صوت يشبه صوت الشكمان الطبيعي ومن غير اي علب رياضية هتعمل معاك صوت الديفل - بس لازم علبة البيئة تركب وهتشم ريحة عادم مختلفة تماما عن الريحة المعتادة وهتسمع صوت يعجبك
    3- موضوع الجنوط وحجم الصرة - انا معاك انها غير متوقعة في ظل الدوشة اللي انت كنت فيها - ولكن علي حد معلوماتي في عربية اخويا الفيكترا - ان عنده في عربيته موديل بينزل بطقم فرامل اكبر بجنوط 15 - 5 خرم - يعني صرة مختلفة وجنوط مختلفة
    4- التكاليف - زي الفل بجد - حتي كمان مع الجنوط والكاوتش - لأن عشان كنت تعمل عربية علي مزاجك كنت هتصرف اكتر من كدة - وكمان بصراحة انت لازم كنت تغير جنوط الفبريكة - انت مش متخيل الجنوط ووزنها هتعمل معاك ثبات ازاي وفرامل ازاي
    5- الفرامل - بمناسبة الجنوط فأنت حاول بعد ما تفوق شوية تجيب طقم فرامل abs وتغير طنابير ورا وتعملها سكاكين
    6- العفشة - شايفك بتشتكي من العفشة امبارح - اعتقد يا كريم احساس الدبدبة بسبب الجنوط لأن وزنها مش اقل من انها تكون ضعف وزن الجنوط الفبريكة - حاول تغير بعفشة رياضية اقوي من الفبريكة

    ربنا يباركلك في عربيتك
    ويديك خيرها ويكفيك شرها

    تحياتي

    Eng. Mohamed Sayed | MS Networking Trainer
    IBIZA MK2 (Typ 6K) APQ 1.4 MPI R4 44KW - 60hp

    <a href=http://www.nilemotors.net/Nile/signaturepics/sigpic94704_5.gif target=_blank>http://www.nilemotors.net/Nile/signa...pic94704_5.gif</a>

    صفحة القسم علي الفيس بوك


  9. #9

    الصورة الرمزية hossamalsadik

    رقم العضوية : 130446

    تاريخ التسجيل : 20Oct2012

    المشاركات : 3,423

    النوع : ذكر

    الاقامة : cairo

    السيارة: Ibiza Or Golf

    السيارة[2]: Ibiza 2000

    الحالة : hossamalsadik غير متواجد حالياً

    افتراضي -

    مبروك انتهاء شغل التسقيط
    عجبنى الحيادية والصراحة فى كلامك وانك قدرت تعبر وتوصل المعلومه الى تقصدها صح لأنى زى ماقلتلك انتا موضوعك فكرنى بموضوع شد عربيتى زمان الموضوع مرهق فعلاً وخاصة لما يكون شد كامل ، وعلى فكره نفس النتائج والخلاصه الى انتا طلعت بيها هيا الى طلعت بيها وهيا الى بيطلع بيها اى حد .

    افرح بعربيتك وانا شايف انك هتاخد اداء افضل من سابقه بحق الى صرفته ، الجنوط بسم الله ماشاء الله حاجة جميله بجد ، الكاوتش وموضوعه ماتزعش ده كان لازم هيا عين خفيفه كده هههه و الحمد الله ربنا ستر وبتحصل للكل وربنا يستر طريقك وطريقنا .

    ماشاء الله كان وما لم يشأ لم يكن
    SEAT IBIZA 2000 MK3 (6k2)ALD Engine 1.0 8v MPI


  10. #10

    الصورة الرمزية mahmoudayman

    رقم العضوية : 118693

    تاريخ التسجيل : 05Jan2012

    المشاركات : 180

    النوع : ذكر

    الاقامة : alexandria

    السيارة: fiat sienna

    السيارة[2]: ibiza 2001

    دراجة بخارية: none

    الحالة : mahmoudayman غير متواجد حالياً

    افتراضي -

    hasad">

    ربنا يباركلك فيها ويكفيك شرها واعطالها



 
صفحة 1 من 5 1 2 3 4 5 الأخيرةالأخيرة

المواضيع المتشابهه

  1. مشاركات: 16
    آخر مشاركة: 17-05-2014, 02:13 AM
  2. تجربة تفريغ نص بولو كلاسيك فى ابيزا 98 (الجزء الثانى)
    بواسطة Karim Ibiza في المنتدى ســـيات
    مشاركات: 73
    آخر مشاركة: 19-12-2013, 11:14 AM
  3. تجربة تفريغ نص بولو كلاسيك فى ابيزا 98 (الجزء الأول)
    بواسطة Karim Ibiza في المنتدى ســـيات
    مشاركات: 50
    آخر مشاركة: 27-02-2013, 03:01 PM
  4. الحساسات ....الجزء الثالث
    بواسطة yaseenmohamed في المنتدى بــروتـــون
    مشاركات: 1
    آخر مشاركة: 16-10-2011, 11:48 PM
  5. اجمد موتوسيكلات فى مصر الجزء الثالث
    بواسطة eslam_2010 في المنتدى مختــلف أنواع الدراجات النارية
    مشاركات: 31
    آخر مشاركة: 24-01-2010, 06:30 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2