ميشيل حليم فى شبرا \ الهندسية شارع السودان \ رينو هاوس وادى النيل المهندسين
عرض للطباعة
ميشيل حليم فى شبرا \ الهندسية شارع السودان \ رينو هاوس وادى النيل المهندسين
نزلت حلوان يوم الجمعة بتاريخ 22-3-2013 لقيت حلون كلها رينو ونظرا لان التكاسى هناك قليلة فلقيت عربيات رينو ملاكى بس ماخليها اجرة مخصوص 50% من الناس الى هناك راكبين رينو وقطع غيارها متوفرة هناك والاسعار حلوة هناك طبعا عشان انا ساكن فى القصر العينى وبالظبط تلت وببقى هناك فالموضوع بالنسبة لى سهل وانصح اى حد ساكن قريب من حلوان يجيب رينو وهو مغمض عنيه ------ بالنسبة للميكانيكين هناك فى 2 متخصصين رينو بس انا مش فاكر اسمهم دلوقتى هبص فى الاجندة لما اروح البيت وهقولكم على اسمائهم وارقام تليفوناتهم ---- وبالنسبة لقطع الغيار موجودة فى كل حتة فى حلون بس فى واحد بس هو ارخصهم واحسنهم ومعاملته كويسة والله وسعة صدره كبيرة جدا --- لدرجة انى سالته عن كل قطعة بكام وكنت عايز اجيب وش للفانوس الى ورا ----- والرجال طلع الصندرة وجابلى الوش ب 25 جنيه قلتله خلاص بلاش وادينى فانوس كامل خلفى فاميه من تركيا الى عامل 75 جنيه --- قالى هجيبوه الاسبوع الجاى وقلتله معلش تعالى بص على الكتاينة عندى شوف لو محتاجة تغيير فتحتله الكبوت وبص على الكاتينة وقالى حرام عليك تغيره ده الاصلى بتاع الموتور وسليم جدا ------- الراجل اول ماقلى الكلمتين دول انا شوية وكنت هابوسه عمرى ماشفت حد بالامانة دى والمعاملة الحلوة دى ده انا طلعت عينه فى طلوع السلم ونزوله وفى الاخر ماشتريتش منه حاجة وغير كده وكده خرج من محله واتفرج على العربية وشكرلى فيها ------ هبقى اكتب اسمه ورقم تليفونه بعدين لما ابص على الاجندة وقد ايه انا مرتاح بعد مارجعت من حلوان
بالنسبة لقطع الغيار الى انا سالت عليها
الكاتينة الجنزير مصرى ب 35 جنيه
الكاتينة الجنزير تركى ب 70 جنيه
الكاتينة الجنزير رينو الاصلى الفرنساوى 125 جنيه
فانوس خلفى كامل مصرى ب 60
فانوس خلفى كامل تركى ب 70
فانوس خلفى كامل تركى فاميه الى هو بتاع الشكل الجديد ب 75
علبة بستم كامل بشميزته ب 750
فتيس كامل استيراد ب 500 طبعا هو معندوش مستعمل بس قالى على المكان الى بيتباع فيه الفتيس
بصوا انا هابص على الاجندة الاول وهقولكم بقية الاسعار
https://fbcdn-sphotos-b-a.akamaihd.n...21317375_n.jpghttps://fbcdn-sphotos-c-a.akamaihd.n...32125632_n.jpghttps://fbcdn-sphotos-e-a.akamaihd.n...47655387_n.jpghttps://fbcdn-sphotos-c-a.akamaihd.n...41792847_n.jpghttps://fbcdn-sphotos-b-a.akamaihd.n...97012060_n.jpghttps://fbcdn-sphotos-h-a.akamaihd.n...05828547_n.jpghttps://fbcdn-sphotos-f-a.akamaihd.n...04444240_n.jpghttps://fbcdn-sphotos-d-a.akamaihd.n...60899520_n.jpghttps://fbcdn-sphotos-b-a.akamaihd.n...16812590_n.jpg
ايوة بقى
ايه ياكريم لفيت وسألت وشوفت كل حاجة طيب مش كنت اخدتني معاك حتى او كنا إتقابلنا حتى
على العموم منتظر تليفونك برضة واشوف برضة العربية إن شاء الله
معلش يااحمد عشان متصلتش يوم الاحد الى فات بس عشان مشغول فى الشغل وحصل كام حاجة كده فى العربية شغلانى معاها كنت هسافر بيها بورسعيد عشان اشوف موتور هناك قلت اما اظبطها قبل ما سافر روحت لعفشجى قالى المقصات رايحة النار ---- جبتلها مقصات من التوفيقية جديدة تركى المقص الواحد ببيضة وجلبيتن ب 120 من عند جمال البدرى بعد كده العفشجى جه بيفك لاقيت سوست مساعد امامى من الناحية الشمال مقطوم نصين مع ان العربية مكنتش مريحة فى اى جنب قلت اما اجبلها سوستة مستوردة وخلاص لحد ماغير 4 مساعدين نزلت على الوكالة لاقيت سوست كتير بس المشكلة سوستتى كانت طخينة فيها لحمية كتير وطويلة فيها 7 لفات فلازم اجيب واحدة اختها بالظبط عشان العربية ميبقاش فيها جنب عالى وجنب واطى لفيت كتير لحد مالاقيت اخت سوستتى ب 80 جنيه بعد التركيب لاقيت فى هبدة بسيطة قدام صاحبى قالى لما تغير عشفة لازم ترصيص والكلام ده قلتله لو فيه هبد بعد الترصيص هاروح للعفشجى واقتله عشان واخد منى 200 جنيه
العربية لما يبقى فيها بومبيه يعرى الجنط الورانى شكلها بييقى جامد اوى
https://fbcdn-sphotos-d-a.akamaihd.n...09165772_n.jpghttps://fbcdn-sphotos-a-a.akamaihd.n...41446226_n.jpghttps://fbcdn-sphotos-f-a.akamaihd.n...14753963_n.jpg
الحمد لله ياكريم على كل شئ بص هيا كتير قوى 200جنيه طبعا انا غيرت صاله كاملة من تحت ورفعت الماتور وكله ب 150 وبالخناق 200 وفيها هبده كمان لا المفروض تكون ناعمه قوى فى المطبا مش هبده انا من ساعة ما جبت العربية اخرى بيض مقصات وكتير قوى 200صراحة وبعدين هاتهم استيراد احسن من كده ويلا مش مشكله قدر ولطف انت هاتزبط زوايا مش ترصيص عند حد بتاع زوايا وتزبط اتزان وبعدين ده ملهوش علاقة بالهبده انت وش كده راجع العفشجى باشا لانها ملهاش علاقة وبعدين انت مش عندك مشكلة فى الدريكسيون من الاول ولا ايه
الواحد مبيتعلمش ببلاش المهم انا هقول الكلمتين ومتزعلش منى يا احمد
انا نزلت بورسعيد ياشباب ولفتها حتة حتة هما 3 محلات بس للرينو عشان محدش يفتى عليكم ويكدب ويقلكم دول مرطرطين نزلت يوم الجمعة فلاقيت اجازتهم الجمعة(منطقة بنك الأسكان) المهم بعد اللف والدوران عرفت انزل واحد من بيتهم اسمه تامر نصر موبايل (01284300167-1222764335) ده شاب جنتل وعارفة معاناة جيب الشاب المصرى والاسعار كالاتى
جوز كراسى امامى ب 500 جنيه
موتور انيرجى الكربراتير مش فاكر قالى 3500 ولا 3200 بالفتيس
موتور انيرجى نص انجكشن 2800 بالالكترونى بتاعه سالته ليه ارخص رد عليه بصراحة وقالى لازم تعديل فى الضفيرة تكلفة حوالى 600 جنيه ده غير ان الميكانيكيه هيرفضوا يصلحوه
وعشان هو قدر قالى هاخد منك طقم فوانيس امامى بالشبكة وهيدينى طقم فوانيس امامى + الشبكة + رفرفين امامى وخلفى موديل 94 وادفع فرق 800 جنيه وقابلت واحد هناك معاه رينو 11 شكرلى فيه وقالى ده ارخصهم ولما شاف العربية نزل تحتها وفتح الكبوت والشنطة ومصدقش تمنها قالى اخدها منك فوق تمنها بباكو قلتله انا صرفت عليها قالى فوق الى انت صرفته بباكو قعدت اضحك
وللحديث بقية ياشباب وبوكرة نازل الحرفيين
ﻷ انا مش زعلان انا برضة لما سافرت بورسعيد بعربية والدى الاوبل ملقتش قطع غيار ليها مرطرطة زي ما بيقولى واكتشفت
ان فى القاهرة افضل
وعادى كويس إنك زرت بورسعيد علشان نعرف الاسعار مكنة الانيرجي انا سالت عليها فى الجيزة ب 3000 جنيه استيراد فده ارخص وقطع الغيار انا مش محتار فيها
وعادي ياسيدى انا مش زعلان اهم حاجة العربية عاملة معاك إيه وياسيدى عايزين نسمع صوتك قرييب
الموضوع مفيد جداً ،، وانا متابع لاني بفكر في المكنة الانيرجي :3mla: ،، الصور جميلة :F_eyeb1[1]: