تقرير بخصوص زجاج فليشيا واخواتها:
السلام عليكم ورحمة الله وبركاته
اليوم السبت الموافق :2013/3/2
توجهت وانا وصديقى صاحب السيارة الكومبو الى مدينة العاشر من رمضان حيث مصنع د/جريش للزجاج طبعا كنا داخل الورشة الساعة 8 صباحاسالنا قالوالموظفين بيجو الثامنة ونصف
دخل الموظفون نادو الباكية رقم كذا يجيى كنت انا الباكية رقم 5 وصاحبى فى الباكية رقم 4
طلب صاحبى زجاج كومبو فليشا قالومافيش كومبو فيه فليشيا قلت كله واحد خبطها كدا قالت ماشى ادفع 195.45 جنية دفع جاء الدور علي طلبت بربيز فيفورت وزجاج باب خلفى يمين بالهواية قالت فيفورت مافيش الا فليشا قلت كلهم مقاس واحد قالت طيب روح ادفع:
البربيز 195.45
الباب:54.54 وكان أخر قطعة فى المصنع طبعا فى الأول قالت مافيش الشباك قلبى وقع فى رجلى قالت طيب استنى لما المخازن تفتح حسالهم قلت ماشى قعدت واتصلت والحمدالله قالت اخر قطعة فى المخازن ورحت انا بنفسى جبتهم من الخزن الهواية والباب....
الهواية 42.73 الصنايعى لقى القايم معوج فمركبهوش وقالى روح خد الفاتورة سالونى تمام قلت الهواية مركبتش قال طيب يبقى حضرتك ليك 20 واخدتها شفتم الأمانه!!!!!!!!
طبعا الزجاج كلة ركب فى ربع ساعة تقريبا كنا خارجين من الورشة....
استنتاج
على فكرة يجماعة زجاج الفليشيا هو زجاج الفيفورت وهو كمان زجاج الكومبو والفورمان
يعنى علشان محدش يشتغلك لما تقولو فورمان يقوالك ياه قديمه قوى لا اطلب على طول زجاج الفليشيا لكافة الفئات الليموزين اللى زى بتاعتنا كدا
وعلى فكرة ياجماعة الموضوع سهل جدا لو حضرتك جاى من مصر قبل الكوبرى التانى اللى فى العاشر حتدخل يمين حوالى 300 متر حتلاقى دخلة يمين وحتلاقى الورشة فى وشك على طول....
