المشاركة الأصلية كتبت بواسطة hessenp
انا جربت بعربيتى ببنزين 80 على طريق سفر لقيت معدل العربية 14.1 لكل 100 كم ازاى عرفتها ... العربية انا فولتها لغاية الزور واتوكلت على الله عملت 360 كم كنت ماشى بسرعة متغيرة يعنى 120 -100 -90وبعدين فولت تانى قطعت معايا 25.5 لتر كدة 360/25.5=14.1 دة فى بنزين 80
امبارح فولت العربية 92 لغاية الزور واتوكلت على الله بس المرة دى مشيت 150 - (140 فترة كبيرة ) 120 92 بقى مش اى حاجة يعنى هههههههههه المهم عملت كام كيلو 305 كم فولت تانى عملت 21 لتر يبقى 305/21= 14.5 ...
هو الفرق مش كبييير بس الفرق فى السرعة اللى كنت ماشيها .... وربنا يسترها عليا وعليكم ... انا حبيت بس انقل تجربيتى فى الموضوع دة