الموضوع: تقرير هام جدا عن ميكانيكي الاسكودا على الزفتاوي عند الوفاء والأمل

المشاركة الأصلية كتبت بواسطة MOHAMED ABD EL SHAFY

شوف يا دونيو انا بغيير كالاتى
الاول يادوب تطلع والمؤشر بتاع السرعة يبدا الحركة ودا باحساسك بحركة العربية
التانى لغاية ال 40 كم والتالت لغاية ال70 والرابع لل 100 وعند ال 100 بنقل على الخامس
النقلات دى كلها بتكون على حدود ال 3000 يعنى فى الامان إن شاء الله
دا لغاية ما تشوف ايه اللى حصل لعداد ال Rpm
ولو حبيت تجيب قطع غيار استيراد هتلاقى فى الحرفيين وهتلاقى فى عزبة شلبى وهتلاقى فى الوكالة
فى محل اسمة المهدى فى الحرفيين صاحب المحل كويس اوى وبيبيع بضمير وينصحك وياخد ويدى معاك انا اديتك رقمة قبل كدا لكن الولد اللى شغال فى المحل يستحسن متسالوش عشان بيقفل مع الناس

والله يا محمد بية انا بنقل بالاحساس دلوقتي لما احس ان الغيار اتحرق بديها اللى بعدة بس لاحظت ان اقصى حاجة بوصلها في الـ RBM يادوبك 2 لحد اخامس بعد كدة ممكن يوصل 2.5 او 3 .وماجربتش اجري اكتر من 100 /120 ويمكن لما بوصل 120 مابقدرش ابص على الـRBM لاني تركيزي بيكون على الطريق بس واشكرك يا باش .
بس لو فيها رزالة ممكن تقولي مثلا وانت ماشي على سرعة 80 على الرابع قراية الـ RBM بتكون على كام علشان اقارنها باللى عندي واعرف اذا كان سليم ولا لأ . واكون شاكر ليك جدا

المشاركة الأصلية كتبت بواسطة amir

العفو و الله بس النصايح انك تروح لده او ده مسئوليه و لو حتي مسئوليه ادبيه و فعلا في حد ادني للتعامل بين البشر و معاك حق انك تبين للي هيروحله طباعه و انا كنت كتبت المشاركه اللي فاتت هنا و وضحت ليه كان صعب اني اقول الموضوع علي بلاطه كده و عموما ملحوقه لو رحتله و متعدلش مع الناس بعدها يبقي يتمسح من المنتدي و كفي الله المؤمنين
ردا علي ثانيا: كويس انه مقالهاش و برضو هعاتبه علي كده اه يمكن القديم بيغلب في التصليح تصلح ده تلاقي حاجه تانيه بتتداعي لكن القديم عموما و الفيليشيا بالذات موفرين وسيله انتقال خاصه لناس كتير و شايلاهم و غير كده فاتحين باب رزق لصنايعيه كتار جدا لكن بالمعقول و الحلال و المعامله الطيبه
ثالثا: انا كنت بنقل علي 3 لما اكون سايق عادي و لما اجي اجري(قال يعني شومخر) كنت بنقل علي 3.5 و انا برضه مطمن لأن 3.5 اخر الشرط الخضرا في التابلوه بتاعها يعني امان (مش زي الشرط الحمرا اللي في ناس ربنا يهديها في المنتدي بتنقل يدوبك قبلها) و علشان الموضوع ده بالذات الموتور عندي كان مش محتاج اي عمره او خلافه لأني بعامل حاجتي دايما بحرص علشان تفضل سليمه قدر المستطاع
بس موضوع النقل علي 2 ده مش تمام لأني لما اجي اسوق اللانسر 1600 و انقل علي 3 برضو ال rpm علي النقله الكبيره بيبدء عند 2 تقريبا و بيكون اداء العربيه متوسط و بيتحسن عند 2.5 لغايه 3
و اخيرا شكرا ليك انت بالذات علي الفيد باك المهم ده و ياريت دايما الناس كلها تهتم زيك انها تقول تجربتها مع اي حد صنايعي او محل حد من المنتدي ينصح بيه الناس علشان الفايده تعم و الكويس يبان و الوحش يبان برضو
و احنا هنا كلنا اخوات بغض النظر عن اسكودا او غيره من الماركات المهم المشاعر الطيبه و الود اللي متوفر الحمد لله بين الناس هنا

بكرر شكري ليك تاني يا د.أمير ، وملحوظتي اني لما بكون على سرعة 80 الـRBM بيكون عند 2 تقريبا فعلشان كدة بنقل واجيب الرابع او الخامس مش كدة تبقى القراية متأخرة . ممكن لو سمحت تقولي لما بتبقى عند الرابع على سرعة 80 مثلا قراية الـRBM بتكون كام علشان اقارنه باللى عندي واعرف اذا كانت القراية سليمة ولا لأ ؟
مع جزيل شكري

المشاركة الأصلية كتبت بواسطة MOHAMED ABD EL SHAFY

كدا القراءة عندك مش سليمة يبقى لازم تشوف ايه اللى حصل بالظبطت انا اديتك القراءات السليمة.
بس متوجعش دماغك اوى فيه عربيات كتيير من غير ال ار بى ام يعنى متقلقش ابقى صلحة على مهلك

الف شكر يا باشا بس كدة القراية عندي ناقصة 500 ما عندكش فكرة مين كويس بيصلح RBM لاني بصراحة بحب اكمل الحاجة ودة طبع سيء ولحوح فيه ومش عارف اغيرة خصوصا انه مقترن بعدم الصبر .