الموضوع: تقرير هام جدا عن ميكانيكي الاسكودا على الزفتاوي عند الوفاء والأمل

المشاركة الأصلية كتبت بواسطة DONYO

(لأ دة بيقرا غلط والـ RBM مالوش لازمة اصلا دة حتى فيه عربيات فيها ساعة بدل الـ RBM يعني مش مهم ).
ولاحظت اني لما خرجت من عندة الـ RBM بقى فعلا قرايتة حاسسها مأخره مع انها كانت قبل ما يشتغل زي الفل والله اعلم عمل اية او بدل حاجة في العربية الله اعلم

5- الملحوظة الاساسية اللى اهم من اللى عملة دة كلة هو قلة الذوق المتناهية والتعالي الفظيع في التعامل بدون داعي والله العظيم لولا اني صعبان عليا المشوار اللى انا ضربته لحد مدينة نصر لكنت (...........)وعرفته مركزة الحقيقي لان قلة الزوق كانت عالية جدا جدا لدرجة انه حسسني اني بشحت منه مش زبون جاي يصلح العربية ويديلة فلوس مع انه في الاخر مجرد ميكانيكي لا اكثر فمثلا ابسط جملة قالهالي: ( انا خلاص بشتغل في العربيات "العالية" بس والعربيات دي "يقصد الفيفوريت والفليشيا " بقت زي الـ 128 وانا عندي 500 عربية بشتغل فيهم ومش محتاج عربيات تاني )وقعد يحكيلي عن امجادة في رفض العربيات الحقيرة زي عربيتي وان اللى بيجيلة بيقولة: ( لا انا خلاص بطلت شغل في العربيات دي) وكأني راكب فيات1300 ولا سيات 133 العزيزة ، وانه هيشتغل بس علشان خاطر أ / أمير بسلامتة عاوز اوكافيا بس ولا حتى فابيا على الاقل، واللى هيموتني اني فضلت اعاملة بذوق من اول لحظة لاخر لحظة ، اولا علشان تربيتي واخلاقي ما تسمحش اني (....................) وثانيا علشان المشوار اللى انا خبطتة ما يرحش على الارض .

6 - بالنسبة لا ستهلاك البنزين انا لسة مااعرفش اذا كان قل ولا لسة لكن لما افول العربية تاني هعرف لاني فولت اول ما خرجت من عندة ولو اني مش متفائل .

7 - أ / أمير ارجو من حضرتك تعليقك على اللى حصل معايا دة ورأيك فيه

المشاركة الأصلية كتبت بواسطة SaNisSro

والله اتمنى انو يكون عدل موضوع صرف البانزين ده وده هوة المهم..انما المعاملة وكده الكلمة مبتلزقش يا باشا ودي راجعة لتربيتو والوسط الي عايش فيه..في الاول والاخر زي ما قلت انته ده ميكانيكي ...وبالنسبة للاربي ام ممكن يكون اصلا كده من زمان لكن لما قلك عليه ركزت فيه قوي فافتكرت انو كان كويس وبقة وحش اصلها بتحصل عادي وان شاء الله خير تفائلو بالخير تجدوه...

المشاركة الأصلية كتبت بواسطة MOHAMED ABD EL SHAFY

على فكرة انا رحت عندة اسال بس على حاجة من فترة بس مشيت ومحاولتش ارجعلة تانى
انا واقف بسالة عن تكلفة طقم الشنبر فقالى على مصنعية لقيتها اغلى من الطبيعى واللى اعرفة المهم مش فى كدا ان اى خارطة او خلافة هيخلينى اشيل على كتفى الحاجة واروح من مدينة نصر الى مصر الجديدة اعملها وارجع فحسيت ان المواضيع هتكون متعبة وان المفروض تكون نفس الحاجات جنبة وبعد شوية لقيت واحد دخل الورشة بيسالة عن مين اللى خبط عربيته اللى كانت واقفى على الرصيف امام الورش فهو قالة مش من عندى والراجل اصر ان دا مش من عندة عشان كانت عربية جوا الورشة المهم الراجل خرج برة وبيتصل بتليفون لقيت على سحب حديدة من البنك وحطها استعدادا انه يبطح الراجل لو رجعلة تانى فى موضوع خبطة عربيته المهم انا دخلت العربية ومشيت عشان مبحبش اللبش دا ويغور بتناكتة مصر مليانه ميكانيكية احسن منه

المشاركة الأصلية كتبت بواسطة DONYO

والله يا باشا انا مش عارف بس انا فاكر اني كنت بنقل الغيارات لما الـ RBM يوصل لحد 2 ( 2000 لفة ) ودلوقتي بقى بيغيب لحد ما يوصله علشان ادي الغيار .....جايز يمكن انا مش فاكر اما استهلاك البنزين انا مش عارف اية اللى ممكن اعملة لو ما اتعدلش دمي هيتحرق .... ربنا يسهل

المشاركة الأصلية كتبت بواسطة DONYO

يا نهار اسود يخبط الراجل بالحديدة .........دة اكيد راجل مش طبيعي ومن ناحية انه يغور بتناكتة ففعلا يغور والدنيا مش هتقف على ميكانيكي واحد ....والله يا محمد بيه انا مابحبش افاصل مع الصنايعي وبديلة اللى هو عاوزة علشان انا بحب ادلع عربيتي واعمل لها احسن حاجة لكن الاسلوب يكرهك في الموضوع واكيد هلاقي حد تاني شاطر في الاسكودا واللى يسأل ما يتوهش ...وياريت اللى بيقرا الموضوع دة يقولنا لو يعرف ميكانيك اسكودا شاطر ودي دعوة عامة للقراء اللى يعرفوا ميكانيكية اسكودا شاطرين .

المشاركة الأصلية كتبت بواسطة MOHAMED ABD EL SHAFY

الاسكودا مش اختراع وميكانيكا بتاعتها سهلة مفيهاش تعقيد اى ميكانيكى كويس يشتغل فيها ومفيش حاجة اسمها ميكانيكى متخصص الا فى السيارات الحديثة او المعقدة
زى الفولكس القديمة مثلا دى محتاجة واحد متخصص فيها
بالنسبة لمشكلة ال Rpm دا هتلاقية متعلق بسلك السرعة
بالنسبة للبنزين شوف بيك البنزين اللى فى الكاربراتيير ممكن يكون واسع وعاوز يتغيير دا بالاضافة الى النقاط الاساسية اللى قلناها قبل كدا
انا ممكن اديلك تليفون ميكانيكى شاطر ولكن حراق شوية وعاوز اللى يتعامل معاه يكون فاهم عشان ميشتغلوش فى الفلوس لكن غير كدا شاطر وفاهم وابنه كان معاه سكودا وبيفهم فيها
بالضافة ان عندة 3 صنايعية بينجزوا
انا غيرت سير الكاتينة عندة وكان شغال فى العربية 3 صنيعية فى ان واحد كل واحد بيعمل حاجة
المهم تتصل بيه قبل ما تروحلة عشان يكون فاضى وتحجز معاد معاة عشان مشوارك الطويل
مكانة فى شبر الخيمة لو يناسبك قولى اوصفلك مكانة

المشاركة الأصلية كتبت بواسطة DONYO

يعني اية يا بية الـ RBM متعلق بسلك السرعة دة الزفتاوي قالي انة شغال من IC في الالكتروني اللى بيدي كهربا للاسبراتير ، وهو فيه حد متخصص بيصلح الـ RBM ؟ علشان لو فيه نختصر الوقت ، وحكاية ان الميكانيكي يشتغل الزباين دي صعبة عليا انا بحب التعامل النضيف علشان لو قالي العربية عاوزة تغير موتور هلاقي نفسي ممكن ما اكلش واجيب ثمن الموتور فبلاش اشتغالات احسن خلينا ندور على واحد ثقة .
بس رغم كل شيء اشكرك يا محمد بية على اهتمامك بالرد

يا نهار ابيض !!!!!!!
انا هحاول ارد بالترتيب لأني مش عارف اقطع و الزق الردود المتعدده دي
1-donyo :
- ال rpm مهم و كان من عوامل خوفي من شراء الكورولا 98 انها من غيره فخفت امشي و انا مشغل كاسيت عالي مثلا و احرق علي غيار ولا حاجه
- موضوع انه غير حاجه علشان يبوظلك العربيه ده انا مستبعده تماما نظرا لطول معرفتي بالراجل ده
- موضوع انه بطل يشتغل في العربيات "الحقيره" ده كلام هروحله مخصوص فيه علشان العربيات دي هيا اللي فاتحه بيوت الميكنيكيه
- باشا هو للاسف ده عيبه انه انزوح كده بس انا بتعامل معاه علي هذا الاساس و مباحولش اني استفز كبرياؤه بكلمه او اشاره لأن اول عن اخر انا مش هتجوزه بس هو ساعات بيزود في النقطه دي, و بعدين خد بالك انه بيفرح قوي انه يحكي و يتفاخر انه رفض عربيه ده او ده خاصه قصاد الناس المحترمه, بيديله نوع من انواع ال self confidence and sefl respect عالي
- فول عربيتك و احسب الاستهلاك و قولي عليه

2-SaNisSro
- اسف يا باشا اختلف معاك, فعلا ده راجع في الاساس لتربيته و نشأته بس ده اكل عيشه و لازم ينسي اي حاجه و يفكر كويس انه ده اكل عيشه و يحافظ عليه
- المعامله لازم تكون زي الفل و يطبطب و يدادي في الزباين امال ايه بس لازمه الدعايه اللي عملتهاله و اخرتها الناس تشتكي و مضايقه

3-MOHAMED ABD EL SHAFY
- فعلا موضوع انك تروح نجيب الحاجات من اماكن بعيده او تعمل حاجه عند حد في مكان تاني و انت عربيتك بتتصلح و واقفه ده اغلس شيء, بس مالوش يد فيه انه نسبيا بعيد عن الاماكن بتاعت قطع الغيار او الخراطه و خلافه بس فعلا شيء متعب
- عارف, موضوع انه يضرب الراجل بالحديده انا حاسس انه اي كلام و السلام ليه؟
انا بتعامل معاه من اول ايام الورشه ما اتفتحت و كل مره يتكلم انه كان هيضرب ده او يموت ده بس انا بسمع و السلام, عمري ما شفته بيعمل كده فعلا زائد ان الراجل ده بيخاف موت علي الورشه و سمعتها و ده بيأكد شكي انه ده كله كلام فخر او تنفيس عن غضب مش اكتر

4-DONYO

- اوعي تنقل علي rpm 2 ياراجل يا طيب ادي الغيار الحد الادني من التشبع علي 3 ( و ده اسلوبي) او 3.5 و دي نهايه الشرط الخضرا, غير كده العربيه ممكن تبرجل معاك و طبعا مش هتسحب

5- DONYO

- شباب يغور الصنايعي التنك و الغبي اللي ميقدرش يحافظ علي زباينه و يقدمملهم خدمه متميزه
- من غير ما تسأل في مواضيع للاسكودا في القسم هنا فيها ناس كاتبه عن ميكانيكيه محترفين بعناوينهم و ارقامهم و انا يا اما كاتبلهم شكر علي الافاده او مزود عنوان الاسطي علي, بس مادام انت بتسأل ما تفيد الناس و تقضي ساعه كده تقرا المواضيع كلها و تجمع الميكانيكيه كلهم في موضوع واحد و يبقي كتر خيرك و افدت ناس كتير

6-MOHAMED ABD EL SHAFY

- كنت اتمني و الله انها متكونش محتاجه واحد فاهم و متخصص بس قبل ما اعتر في الاسطي علي الزفتاوي طلعت عيني و فلوسي عند ناس في البنزينات و ميكانيكيه في حدائق القبه و اخر في المنيل و ساعه ما تعاملت مع الاسطي علي و العربيه اتظبطت بقيت متمسك بالراجل ده و علي رأي المثل علشان الورد يتسقي ......
- اديك قلت ميكانيكي شاطر بس حراق شويه, هي دي المعادله الصعبه في مصر, يا اما شاطر و بيطلب ازيد بغباء او كفتجي و بيطلب في حدود المعقول بس قضيها كل شويه عنده

7- DONYO

- للامانه الراجل عمره ما قال علي حاجه تتغير الا كانت فعلا عايزه تتغير و كمان عمره ما فتح شغل و نصب عليا هي بس نقطه الفلوس الزياده و انه مبيحبش الجدل او انك تظهرله انك فاهم احسن منه, و من بعد تعاملي مع ناس كتير من هذه الفئه الاجتماعيه بحكم عملي وضحلي انهم كلهم بدون استثناء يذكر فيهم الطبع ده زاد او نقص

==========================

افضي بس اليومين اللي جايين دول و انزل اتكلم معاه لأن حبي في اخواتي هنا و نايل موتورز اللي خلاني اتكلم عن الراجل ده و اوصفه للناس , بس مادام الموضوع قلب تراجيدي و تناكه و قله ذوق يبقي لأ , اول عن اخر ده صنايعي و انت زبون و العلاقه علاقه عمل مش قله ذوق و تعب يبقي يا يخاف علي اكل عيشه و يعامل زباينه بكل احترام و ترحاب يا اما هعمل موضوع كبير اطلب فيه من الاداره حذف كل ما يتعلق بعلي الزفتاوي من عنوان الي تليفون و احذر الناس منه , و كفايه و الله احساسي بالاحراج من كل اللي راحله بسببي و زعل و يمكن كمان دعي عليا بس و الله العظيم افضي اليومين اللي جايين دول و اروحله اشوف في ايه