حسبي الله ونعم الوكيل حسبي الله ونعم الوكيل
السلام عليكم
انا معايا شارك 2012
نزلت قبل كدا موضوع لما حصلي موقف بالعربيه
كنت ماشي ع الصحراوي من القاهره للاسكندريه ولقيت كوتش عربيه نقل قدامي فجاه مره وحده ودخل من تحت العربيه
وقفلت عند اول بنزينه ورفعت العربيه الاكصدام من تحت اتكسر ولقيت ميه بتنقط نقط بسيطه كل 15 ثانيه نقطه
قلت للراجل بتاع الورشه دا من ايه قال تلاقي كلبس اتفك ولا حاجه حاجه بسيطه يعني
عدا اسبوعين بس مفيش ميه بتنقط خالص والعربيه عادي ماشيه كويس
انا من الاسكندريه
رحت التوكيل النهرده لقيت نفسي فاضي
قلت للراجل ع اللي حصل راح رفع العربيه
راح بص بصه كدا قال الرديتير عايز يتغير كلو ب 3500 و السربنتينه ب 3000 وهصلحلك الاكصدام ب 3500
يعني كلو هيتكلف 10 الاف
10 الاف جنيه عشان العربيه مفيهاش حاجه
امال لو كان فيها حاجه كنت عملت ايه
انا اتصدمت من الرقم بصراحه معرفتش اعمل ايه
قلتلو مش عايز اصلح الاكصدام
وللمعلوميه الاكصدام مش مكسور هيا مقوس من تحت الشبكه اللي من قدام يعني لو ضميتهم ع بعض هيتركبو عادي
والعربيه مبتنقطش ميه انا قلت اطمن بس
رجعت البيت مصدوم بصراحه
هل هذا يعقل ؟؟؟؟
حد يقولي ايه رايو ويقولي اعمل ايه
قلتلو عايز اكشف ع العربيه عايز اعمل تشيك بالكمبيوتر قالي منا لو عملتلك تشيك عشان تروح تصلحها بره مش هيرضا يصلحهالك هيقولك مش هاخد ع كلام التوكيل قلتلو انتا مالك انا عايز اطمن قالي مدام مفيش حاجه منوره ف الطبلوه يبقا مفيش حاجه ف العربيه
رحت واخد العربيه ومشيت