الأخوة الأفاضل
الحمد لله أنا بعت الأبيزا العزيزة بعد عِشرة 3 سنوات و لحد دلوقتى متأثر بس التغيير سنة الحياه و انا محتاج اركب حاجة اوتوماتيك و موديل أحدث علشان المشوار اليومى طويل (عين شمس - المعادى - عين شمس) و فى الجمعة بأروح 6 اكتوبر ...
انا بادور على ياريس أو تيدا أوتوماتيك لأنى مقتنع بالعربيتين و سألت عليهم كثير و الردود كانت إيجابية ..
المطلوب من حضراتكم لو تعرفوا حد بيبيع عربية كويسة و فابريقة و إستعمال نضيف و يا سلام لو ماشية كيلومتر قليل، ياريت تقولولى و انا بإذن الله حأخلص فيها.
الموضوع حيتكرر برضه فى قسم النيسان علشان نفس الغرض و الأسرع و الأصح حيكون الفائز معانا :)))
شكراً لسعة صدركم و ربنا يكرم و أكون عضو تويوتاوى أو تيداوى و فى الآخر اليابان هى اللى كسبانة