الموضوع: أنا و السماعات و هواك :)

السلام عليكم

بعد لما نزلت العربية بكام يوم لقيت السماعة الأمامية اليمين باظت و بتطلع صوت بسبب الرق بتاعها علشان فك من مكانه.

النهاردة أنتهزت الفرصة و قولت أنزل الحرفيين بعد العصر أجيب واحدة و أركبها.

فضلت أدور على واحدة لحد ما لقيت واحدة عند الصعيدي..........أخدتها ب 50 جم.

فكيت و ركبت و أشتغلت زي الفل......................و لكن.....و ما أدراك ما لكن دي :)

لقيت الشمال هي كمان أبتدت تطلع صوت مع أنها كانت سليمة

بس أنا كنت جبت أخري علشان بقالي فترة بدور على السماعة الأولى......و قررت أني أشوف حل للسماعة اللى لسه فاككها..............حاجة ألزق بيها الرق بس تكون قوية علشان متفكش تاني.

صورة القطع اللى فيها...........أو بمعنى أصح مكان ما اللزق بتاعها فك.



و دول صورة لوشها و ضهرها..........و هي زي ما أنتم شايفين صغيرة و وزنها خفيف كمان بس صوتها محترم عن تجربة لسماعات غريبة كنت أشتريتها قبل كده علشان مش لاقي نفس المقاس غيرها.





دلوقتي أنا عاوز أعرف ممكن ألزقها بأيه و يكون حاجة قوية متفكش بسهولة.....أيه رأيكم.


على فكرة الأسبوع اللى فات سألت عليها فى التوكيل و طلع سعرها معقول جداً...........بس مش موجودة فى أى فرع حالياً.............كانت ب 131 جم.