مكان حساس الاكسجين

**warfighter2114** · 02-03-2013 09:49 PM

السلام عليكم

اخر مره كنت عند الميكانيكى لما دخلها على الجهاز طلع ايرور اسمه lambda prop sensor المهم عمل ريستارت الايرور اختفى وبعد كده ظهر تانى

اولا: انا عمر ما المشكله ديه ظهرت اقصد الايرور ده وهذا يعنى ان

1- الحساس وكبلاته موجوده والحساس فيه مشكله
2-الحساس مش موجود والجهاز بيهيس وبيقرا اى كلام وهل عدم وجود مشكله !!!!!

بس ملاحظ ان بشم رائحه دخنه ولكن السحب الحمد لله تمام ومفيش عادم بلون ولا سخونيه الحمد لله

ثانيا :اريد من حضراتكم اعرف مكان الحساس اشيله واركبه لانى عايز اتاكد انه موجود وكبلاته موجوده وواصل للكارته لان فى واحد معرفه قالى انا عندى حساس استعمال لو عايزه خده فعايز اتاكد لان بصراحه الميكيانيكى بيقولى متشغلش بالك ومش فاضى يبص عليه وبيقولى الجديدي منه ب 450 جنيه

ثالثا: انا مع البحث لقيت صور بتقول انه عند خروج الهيدر(4 مواسير بيتجمعوا فى ماسوره واحده) من وش الموتور تحت الغطاء الى بيخرج من موسوره رايحه للعمه السوداء الخاصه بالموتور بس بصراحه مش عارف ارفع الصوره فاتمنى من حضراتكم كالعاده افادتى بشرحكم الوافى

**windofchange** · 02-03-2013 11:33 PM

اعتقد لو بصيت وانت فاتح الكبوت هتشوفه وراء الموتور وورا عمة الهواء تحت هتشوفه صباع كده راكب في ماسورة الشكمان

**ehab_mansour** · 03-03-2013 12:01 AM

كما قال ايهاب باشا الحساس ظاهر جدا في الموديل ده و انك تفتح الكبوت هتلاقي المحرك قدامك هتبص عند مخرج العادم هتلاقي فرن الشكمان الرباعي متثبت علي جسم المحرك و بعديه مباشرة هتلاقي المشترك و بعد المشترك اول وصلة مواسير للشكمان هو هتلاقيه في بداية الوصلة اللي علي شكل حرف l اللي بتاخد من المشترك و تنزل لتحت
هو و فيشته هتلاقيهم خلف وش العربية مباشرة يعني مقابلين للرادياتير في مستوي واطي لتحت كما قلت لك في الشكمان

فيشته فيشة ثلاثية الأطراف
من الأخر الشكمان مافيهوش حساسات غيره

حتي ينتظم حريق المحرك و ينضبط الاستهلاك لابد من وجود الحساس و التأكد انه سليم لأنه مؤثر في نسبة خليط الهواء بالبنزين و في انتظام سرعته في السلانسيه

تأكد الاول من وجوده و انه واصل و بعدها اكشف كمبيوتر علي العربية لو لقيته مديك تاني ايرور بنفس اللي ذكرته يبقي غيره بأخر مستعمل او جديد المهم يشتغل

**Karim Ibiza** · 03-03-2013 09:00 AM

انا لسه جايبه استيراد من عند فتحى عدس ب 130 جنيه على التجربة

**ehab_mansour** · 03-03-2013 09:15 AM

المشاركة الأصلية كتبت بواسطة warfighter2114

باشمهندس ايهاب انا اقصد هل يكون موجود ولا غير موجود اصلا والكمبيوتر بيشيل ايرور وهمى

والله دي حضرتك اللي هتأكدها لما تقلنا هو موجود و فيشته راكبه ولا لأ
لكن الابيزا و الكوردوبا من 94 حتي الأن و كل محركاتها فيها حساس شكمان

محتمل يكون موجود و مش متوصل و بالفعل بيديك ايرور لأن الكنترول لو الحساس موجود و فيشته متشاله هيديك ايرور اكنه بايظ لأنه مش شايف السيجنال اللي راجعه منه
و محتمل يكون حد افتكس و شاله خالص .... الله اعلم
شوف كده و قلنا ايه الأخبار و لو تصورلنا المنطقة مابين خلف الرادياتير و مقدمة فرن الشكمان من اعلي هنعرف ايه النظام

دي صورة لقيتها مصورها حبيبنا ابو السيد واضح فيها حساس الشكمان اهه تحت غطاء الفرن محتمل تلاقيه عندك في نفس المكان او تحت شوية زي عندي

**Karim Ibiza** · 04-03-2013 08:59 AM

المشاركة الأصلية كتبت بواسطة warfighter2114

انا فعلا لقيته بس ورا الموتور في مستوي الردياتير من اسفل بس معرفتش اخلعه حاسس انه مربوط بصموله بس فكيت الفيشه وصورتها بس مش عارف ازاي ارفعها في المشاركه

بتاع الشكمانات هو اللى بيشيله ويركبه عشان لازم مفتاح انجليزى وطالما عندك مكانه خلف الموتور بعد الشجرة يبقى لازم يتفك من تحت العربية