الموضوع: لحد امتى هنعيش فى المرار الطافح ده .. 3 أشقاء دمهم ساح النهاردة فى الشارع من البلطجيه

لحد امتى هنعيش فى المرار الطافح ده ... 3 أشقاء دمهم ساح النهاردة من بلطجيه

لا حول ولا قوة إلا بالله
اللهم ارفع عنا البلاء ... اللهم ارفع مقتك وغضبك عنا

فيه عائلة اعرفهم معرفة شخصية
أحدهم شارى لانسر بومة حديثة منذ اقل من سنة
اليوم السبت 2-3-2013
بيركن عربيته فى قلب مدينة طنطاً ... بجوار بنزينة شل فى آخر شارع البحر
فى عز الزحمة والصخب وفى وقت ذروة ... تحديداً الساعه الرابعة عصراً
طلع علية بلطجيه عاوزين يسرقوا عربيته بالإكراه !!!
رفض طبعا تسليمهم السيارة واستنجد بشقيقيه .. مكان عملهم بالقرب منه
المهم اخواته اتوا لنجدته ....وفى الآخر الثلاثة دمهم ساااااااااااااح فى الشارع أمام المارة على مسمع ومرآى من الجميع
جروح قطعية فى الرجل واليد وتحت الذقن وكسر فى الأرجل والايدى وشرائح ومسامير
ومن الساعة الرابعة عصراً لحد دلوقتى فى غرفة العمليات
وحالتهم صعبة جدا بالذات صاحب بالعربية ... متقطع بمعنى اصح .. ولا حول ولا قوة إلا بالله
ومش عارف العربية اتاخدت منه فى الآخر ولا ايه

أسأل الله العظيم رب العرش العظيم ان يشفيهم
أسأل الله العظيم رب العرش العظيم ان يشفيهم
أسأل الله العظيم رب العرش العظيم ان يشفيهم
حسبنا الله ونعم الوكيل

مش ممكن اللى بيحصل ده
لحد امتى هنعيش فى المرار الطافح ده
لحد امتى هنفضل نتصارع على السلطة ودم الشعب عمال يسيح فى الدفاع عن ماله وعرضه
لحد امتى هنفضل عايشين فى الفوضى والعك ونشجع الحرامية والبلطجيه وقطاعين الطرق على الإجهاز علينا كلنا
لحد امتى هنفضل نرهق الشرطة والجيش فى كلام فارغ ومعارك ملهاش اى تلاتين لازمة ..وكل يوم والتانى ضرب حجارة وملوتوف ومهاجمه اقسام الشرطة ومديريات الأمن ومبانى حكومية علشان صراع سياسى
لحد امتى هيبقى كل الإهتمام فى الفضائيات والإعلام والحكومة بالنشطاء السياسيين وبس .... والناس العادية من الشعب اللى بتموت وبتتعرض للويلات يوميا فى البلطجه والعنف والقتل والنهب والسرقة محدش بيعبرهم ولا بيجيب سيرتهم ولا بيعوضهم
لحد امتى هنفضل ماشيين فى سكة الخراب والدمار والفوضى والعك

قبل كده جارى نازل الصبح ملقاش عربيته
وجار آخر راجع من الإسماعيلية اتعرض لعملية سطو مسلح وانضرب عليه عدة طلقات من الآلى وربنا سترها معاه وعرف يهرب
http://www.nilemotors.net/Nile/272561-a.html
والنهاردة كملت
وياترى بكره الدور على مين ؟

حسبنا الله ونعم الوكيل
حسبنا الله ونعم الوكيل فى اللى خربوا مصر وقعدوا على تلها
حسبنا الله ونعم الوكيل فى اللى بيشعلوا الفتنه وبيشعلوا الحرائق وبيقطعوا الطرق
وفى كل من يؤيدهم
اللهم انتقم من كل بلطجى وحرامى ومجرم
اللهم ارنا فيهم عجائب قدرتك

{ إِنَّمَا جَزَاء الَّذِينَ يُحَارِبُونَ اللّهَ وَرَسُولَهُ وَيَسْعَوْنَ فِي الأَرْضِ فَسَاداً أَن يُقَتَّلُواْ أَوْ يُصَلَّبُواْ أَوْ تُقَطَّعَ أَيْدِيهِمْ وَأَرْجُلُهُم مِّنْ خِلافٍ أَوْ يُنفَوْاْ مِنَ الأَرْضِ ذَلِكَ لَهُمْ خِزْيٌ فِي الدُّنْيَا وَلَهُمْ فِي الآخِرَةِ عَذَابٌ عَظِيمٌ }


تم نقلة لقسم احوال الشارع المصرى .