ربنا يكرمك بيها و يرزقك و تجيب سيفيك زيرو ان شاء الله
عرض للطباعة
ربنا يكرمك بيها و يرزقك و تجيب سيفيك زيرو ان شاء الله
xالف مبروك وربنا يكفيك شرها
مبروووووووووووووووووووووك وربنا يبارك لك فيها
بارك الله فيك وجزاك الله خيرا
ربنا يبارك فى حضرتك يارب
آمين ، أكيد أنا دورت عليها بعد الزيرو لأنى عارف يعنى إيه هوندا وكنت بدور على باسات كمان بس ربنا وفقنى ليها الحمد لله
أكيد الهوندا هوندا طبعا
آمين ،بارك الله فى حضرتك يارب
شكرا شكرا ،، وبارك الله فيكم جميعا ،، وسعيد جدا بالروح الطيبة دى أعزكم الله
أولا بارك الله فيك وجزاك الله خيرا
ثانيا حبيت ارد بالتفصيل على مشاركتك ،،، شوف يا سيدى
بالنسبة للهوندا والموديل هو واللى قبله معروف إنه ركوبة ويمكن الموديل ده أكثر كمان ،،طويل وعريض وصالون واسع وعربية متزنة جدا على الطريق وجراية وتكيفها التلاجة وكماليتها اللى مناسبة جدا لموديلها والتى تجعل منها كمان عربية متطورة مش قديمة ،، يعنى كماليتها مثلا تزيد إير باج عن الماتريكس 2007 اللى كانت معايا.
لكن نيجى لحتة قطع الغيار ،، الهوندا معروف إنه غالى ولكن برضه معروف إنه اورجينال قليل المضروب فيه والاستيراد منه كثير. ولكن قطع غياره معمرة وطويلة العمر يعنى اللى هاتغيره مره فى الهوندا هاتغيره 3مرات فى الكورى و5 مرات فى الصينى فالبنسبة والتناسب لأ ،،، أدفع مرة واحدة غالى ولا كذا مرة رخيص وبهدلة عند الصنايعية ،
بالنسبة بقى لعربيات شد ،، هى فعلا الهةندا ده من عيوبها ونادر لما تلاقى عربية نظيفة ومش ملعوب فيها ،، أنا كنت بدور على ألمانى زى الباسات مثلا وكنت يائس من الهوندا فى عدم وجود نظيف ومرة واحدة من شهر اتفقت على عربية ولكنه باعها لغيرى للأسف بعد إتفاقه معايا ولكن الحمد لله دى وقعت فى طريقى وماترددتش لحظة فى شراها رغم إنها غالية علشان اللى معاه عربيية نضيفة حاطط رجل على رجل وبيبيع غنواة ، نيجى بقى لإنها واطية على الأرض آه هى واطية واطية يعنى ،ههههه ، عايزة حرص قوى فى المطبات والشوارع المكسرة ،، وده يمكن الحاجة الوحيدة اللى مؤرقانى منها ولكن أمام ده بصراحة العربية فى السرعات تحفة ومنتزنة ومكلبشة فى الارض فحاجة بتشيل حاجة وربك بيسترها.
بالنسبة لفرق الموديل ،، طبعا وبكل صراحة فى فرق شاسع فى كل حاجة الزيرو زيرو برضه حتى فى ريحته حاجة كده ،، سيبك من مقارنة الكورى أو غيره أنا بتكلم على عربية زيرو ، النعومة ووصوت الموتور ونعومة العفشة وراحة الصالون وهيئته كل حاجة ،، بس أنا عندى قناعة ورضا والحمد لله وسعيد بالهوندا جدا ،، لأننى بعت الكارينز للظروف المادية بعد الثورة واتبهدلت بهدلة ما بعدها بهدلة وبعدها أنعم الله عليا بالسيفيك حاش إنى جالى لمبورغينى مثلا ،، الحمد لله من قبل ومن بعد ،، كده أنا رديت عليك باستفاضة وطولت كمان وأعذرنى
الف مبروك يا باشا ربنا يديك خيرها و يكفيك شرها
اهلا بيك هونداوى معانا ونورت القسم ياباشا , والف مبروك
ربنا يديك خيرها ويكفيك شرها
مبرووووووووووووووووووك (^_^)