استفسار
العربية مع بدء التشغيل وانا بسخنها بتنقط مياه من الشكمان ومتهيالى ده مؤشر كويس
لكن المياه بتبقى نازله مسودة او (معاها زى هباب اسود)
هل ده ليه تفسير معين
وشكرا
عرض للطباعة
استفسار
العربية مع بدء التشغيل وانا بسخنها بتنقط مياه من الشكمان ومتهيالى ده مؤشر كويس
لكن المياه بتبقى نازله مسودة او (معاها زى هباب اسود)
هل ده ليه تفسير معين
وشكرا
ممكن يكون طبيعي وممكن يكون عندك مشكلة في الحرق في بنزين بيتضخ زيادة في غرفة الحريق فبيعمل الهباب الإسود دا..ودي مشكلة حساس الشكمان..الأعضاء هيفيدوك أكتر مني إن شاء الله.
زى ما قالك الاستاذ خالد وممكن مع الدوران تلاقى دخان اسود مع المايه ودى علامه ان البنزين مش بيتحرق كامل بص على حساس الشكمان
ولو كربراتير خلى حد يظبطهولك
متايع لوجود نفس الشكل
الحرق مش مظبوط
هى العربيه بتاكل زيت ولو على خفيف
وجرب تدوس بنزين جامد وحد واقف عند الشكمان وشوف فيه دخنه مع الدوسه ولا لا
أنا عندي نفس الموضوع بس مش على طول أحيانا فى الايام الباردة المياة بتنقط كتير
بس أنا لسة غاسل الكربيراتير زي ماعم صبحي موضح فى موضوعه
وظابط السلانسية أعتقد بالطريقة الصحيحة
عموما أنا كمان متابع
هى العربية شكلها كدة عندى نفس الكلام فى الفيليشيا مع العلم انى منضف كاربيراتير ومغير شكمان ونفس الموضوع بيطرطش مياة سودة ومع دوسة البنزين الجامدة يجيب دخان اسود
لا بصراحة انا لسة مظبط الكربراتير فى مركز ممتااااااااز فى مدينة قباء
وفعلا ظبطت جدا فى استهلاك البنزين
وحجرب دوسة البنزين واشوف الدخنه كدة
الموضع دا كان بيحصل معايا قبل عمل الصيانة للكاربرتير وكان الموضوع مفصل شرح بالصور فى الرابط التالى:
http://www.nilemotors.net/Nile/328852-a.html
العربية ايه ؟
عامة لو كربراتير يبقى مشكلة ضبط هوا السلانسيه او محتاج تنضيف او بيكات واسعة وتحتاج لتغيير او الشفاط معلق على وضع التسخين او الكربراتير يحتاج اكس وباب او بينفس هوا من الجوانات ومحتاج طقم اصلاح
انا استبعد مسمار الهوا الصراحة لأن صعب يبقى هوا السلانسيه مش مظبوط والشكمان يجيب مية اصلا
لو انجكشن يبقى حساس شكمان او رشاشات
مع دوسة البنزين الجامدة بيجيب دخان اسود يبقى عندك مشكلة فى الباب التانى وهو بيفتح فقط مع دوسة البنزين الجامدة علشان بيغذى الموتور على السرعات العالية ممكن يكون محتاج الباب التانى يتخرط او بك السرعة عندك واسع انا الكاربراتير كان بيجيب هباب وخرطت الكاربراتير وضبطلى البابين والعربية بقى الشكمان ابيض مفيش هباب والحمد لله !!!
الموتور لو بينزل مياه ده كده كويس
تمام
المياه السودا الشكمان بيبقى مهبب و فى رماد فا بتلون المياه و بتخليها سودا حاول ظبط الكربرتير و بوجيهات و سرفيس صيانه و الدنيا ان شاء الله تيبقى كويسة
ربك المستعان
انا خرطت الكاربراتير عند ورشة واحد اسمه ابو جورج فى السيوف هنا فى الأسكندرية راجل مهندس وخد 75 جنية بعد ماشتريت العربية من حوالى سنه بس انا لقيته من شهر كده عمل هباب تانى طبعا انت عارف ان البنزين عندنا ممتاز والجو نسيم مفهوش تراب خالص مالص المهم رحتله لقيته مشغول فنزلت جراج بيتى يوم جمعة بالعفريتة ونفخت فلتر الهواء لقيتة اسود من التراب وغيرت فلتر البنزين لقيته اسود وعملت للكاربراتير كام مدفع بقلب البوجية 2 مكان 3 وسلكته تمام وضبط مسمار الهواء والبنزين للكاربراتير والعربية ماشاء الله مفيش هباب فى الشكمان والسحب جمد تانى والموتور هدى بقى مالوش صوت والدوارة من اول زغدة من غير مالمس دواسه البنزين ولسه جارى البحث عن منقى البنزين الأصلى مش لاقى نوع محترم ولاحول ولاقوة الا بالله ؟؟؟!!!
هات التركى الى ب 15 دة كويس طالما بقالك فترة ماشى بالقديم الجديد هيفرق حتى لو صناعة اية
بالنسبة للتدوير العربية بتدور معايا الصبح على طول بس لازم ادوس على دواسة البنزين للنص مثلا قبل مبدا التدوير وبتدور على طول بدون مشاكل ولما بتبقى سخنة او فى اى وقت فى اليوم بتدور منغير مدوس على الدواسة
لانى المفروض سياتك تضغط بتاع اربع دوسات بنزين كد بالراحه
و تدور
العربية لما تدور والموتور بارد (الصبح مثلا) وتنقط مياه يبقى الموتور كويس مش بيحرق زيت، ولو حطيت إيدك تحت الشكمان واخدت نقطتين ولقيتهم مش مزيتين يبقى مفيش زيت بيتحرق.
بس متكونش المياه النازلة حنفية ومتكونش مندفعة وإلا تكون مياه ردياتير بعد الشر عن الجميع.
حكاية السواد اللي في المياه ممكن يكون بسبب الهباب الموجود في الشكمان، متحكمش على السواد اللي في المياه وإنما الدخان لو اسود ومهبب بستين نيلة يبقى الكربراتير عاوز يستحمى ويتظبط بنزين وهوا والبيكات تتشاف، وطبعا فلتر البنزين والبوجيهات لو هلكانة تعمل كده.
موجود فين في السيوف ابو جورج ؟؟؟؟
وراء فتح الله جاردينيا وانت طالع على دوران السيوف على ايدك اليمين بعد ماتعدى المشتل وحدورلك على رقم الموبايل بس لازم تروح له بدرى 9 صباحا علشان ده زحمة قوى وحيظبطلك الكاربراتير 10/10 !!
فى حاجة مهمة ياجماعة اكتشفتها النهاردة وانا بغير الزيت
كنت بحط موبيل اكس اتش بى 5000 وبنزلة 4000 طبعا لاحظت الزيت دة بيتحرق ويسود بسرعة وقولت ان شاء الله هغيرة المرة دى حطيت زيت بتاع امارات مصر غيرت فلتر وزيت المفاجأة ان الدخنة السودة راحت والعربية ارتاحت زى مكون كنت حاططلها مياة بس الحمد لله
انا قولت انقل تجربتى ليكو يمكن تفيد حد
:fun_broken::fun_broken::fun_broken::fun_broken:
تحليل الموضوع ان الموتور عندك خفيف شويه وبيبخر زيت من خرطوم الفايظ بيدخل مع الهواء فى الكاربراتير وبيتم حرقه وده اللى بيطلع دخانة سوداء وده بالنسبة للزيت موبيل الخفيف اما الزيت الجديد فواضح انه اتقل ومابيتبخرش فده اللى منع ظهور الهباب فى الجكمان والله اعلم ؟؟؟
خليك فى زيت شل الاحمر
ممتاز و جميل