رجاء المساعدة-مستورد و عاوز أعمل خط توزيع تجارى

السلام عليكم ورحمة الله

انا مستورد وبعد ارتفاع الدولار اصبح التوزيع صعب شوية بالنسبالى شخصيا - لان المندوب او تاجر جملة الجملة يريد ان يأخذ البضاعة بابخس الاسعار ويبيعها هو باعلى الاسعار ويضيع هامش الربح اللى مفروض يكون مجزى نظرا للمخاطر الهائلة اللتى تتعرض لها البضاعة حتى تصل من الصين او ماليزيا او اى دولة اخرى

فكرت اعمل خط توزيع تجارى للبيع المباشر بعربية جامبو وطبعا مش هبدىء بعربية اشتريها فجو البلد التعبان ده - ولكن هأجر عربية جامبو 6 طن وهنزل بنفسى افتح شغل فمحافظات مصر ومثلا كل خط هقعد فيه 5 ايام مثلا بمعنى كل يوم محافظة او جزء من محافظة - زى مثلا خط الصعيد - خط الدلتا - خط وجه بحرى وهكذا
واعرف مجموعة من الطرق كالطريق الدولى الساحلى - ومصر اسكندرية الزراعى والصحراوى - وطريق القاهرة العين السخنة
ولكن لا اعرف كيفية ترتيب جدول المحافظات او ربط بعضها بالاخر وايهما ابدىء بحيث يتم توفير الوقت والجهد والمال فى ربط ال 27 محافظة ببعض

آسف للاطالة ورجاء المساعدة