صوت الفرامل (زمارة النقل) بدأ يظهر .. ما رأيكم أروح التوكيل ولا لأ؟

**abdulmoniem** · 03-03-2013 11:04 AM

السلام عليكم

عربيتي سوبر صالون الجديدة

صوت الفرامل (زمارة النقل) بدأ يظهر بس لما بكبس فرامل على الأخر .. أو مثلاً نازل الجراج وبدوس فرامل جامد شوية

ما رأيكم أروح التوكيل ولا لأ؟

هل أستنى لغاية صيانة ال 5000 مع العلم إني دلوقتي 1600 كيلو تقريباً؟

ولا أروح علاطول دلوقتي وخلاص؟

**Nashaat Rady** · 03-03-2013 11:25 AM

توكل علي الله و روح... ايه اللي يخليك تستني، إلا لو حضرتك مشغول طبعاً..

دلوقتي أحسن من ال ٥٠٠٠، عشان لو التيل وحش، ده أكيد حيكون عيب صناعة.

لو استنيت لل ٥٠٠٠، ممكن يبقي فيها كلام و يقوللك انت استهلكت التيل، لان في ناس كتير رجلها تقيلة علي الفرامل خاصتاً في الاوتوماتيك و دي حقيقة فعلاً.

**د.محمدعبدالعال** · 04-03-2013 11:26 AM

المشاركة الأصلية كتبت بواسطة abdulmoniem

والله أنا رجليا مش تقيلة أبداً .. دنا بفرمل قبل المطب ب 100 متر :d
عشان أفرمل بالراحة أوي
بس أنا ميال إني أروح دلوقتي لأني خايف الموضوع ده يأثر على حاجة تانية

ما هو غلط يا ريس انك تفضل دايس على الفرملة 100 متر قبل المطب أو تسند رجلك على فرامل العربية وهي ماشية لأن ده بيأدي لسخونة سكينة الطنبورة وبيهلك التيل بسرعة وبالتالي بيهلك منظومة الفرامل كلها .. دوس فرامل في الوقت اللي تحتاج فيه الفرامل .. وانت لو ماشي وعاوز تهدي قبل المطب شيل رجلك من على دواسة البنزين من غير ما تسندها على دواسة الفرامل وانت هتلاقي العربية هديت لوحدها ..

**abdulmoniem** · 04-03-2013 11:29 AM

المشاركة الأصلية كتبت بواسطة د.محمدعبدالعال

ما هو غلط يا ريس انك تفضل دايس على الفرملة 100 متر قبل المطب أو تسند رجلك على فرامل العربية وهي ماشية لأن ده بيأدي لسخونة سكينة الطنبورة وبيهلك التيل بسرعة وبالتالي بيهلك منظومة الفرامل كلها .. دوس فرامل في الوقت اللي تحتاج فيه الفرامل .. وانت لو ماشي وعاوز تهدي قبل المطب شيل رجلك من على دواسة البنزين من غير ما تسندها على دواسة الفرامل وانت هتلاقي العربية هديت لوحدها ..

جزاك الله خيراً بس مش المفروض أطلع على المطب وأنا مش دايس فرامل؟

**HaNo_ELBeh** · 04-03-2013 11:58 AM

المشاركة الأصلية كتبت بواسطة abdulmoniem

جزاك الله خيراً بس مش المفروض أطلع على المطب وأنا مش دايس فرامل؟

المفروض حضرتك تهدى بالعربية قبل ماتطلع المطب والاحسن انك تشيل رجلك من على الفرامل وانتا طالع المطب علشان تحافظ على الفرامل والطنابير

**HaNo_ELBeh** · 03-03-2013 11:58 AM

توكل على الله وروح دلوقتى انا كمان ظاهر الصوت معايا مع العلم انا لسة ماعملتش حتى صيانه الالف بس ساعات بيكون صوت خشونه وانتا بدوس على الفرامل وخصوصا وانا نازل الجراج وساعات بيكون صوت خشونه ودة بيظهر الصبح فقط وانا غسل العجل وبعد كدة بيروح ولازم اقول فى التوكيل عن التيل ومدى ردئته
وماتنساش تقول لنا عملت ايه معاهم