ازاى اغير اللمبة الصغيرة اللى تحت زرار انتظار الفيليشيا

**Mostafa.Ramdan** · 21-03-2013 09:31 AM

المشاركة الأصلية كتبت بواسطة eng_gouda2000

أشكركم جميعا على التفاعل والرد وان شاء الله هغيرو

خد بالك ان ممكن المشكله تكون فى السلك اللى بيوصله

عشان انا عندى الزراير كلها منوره ولما فكينا التابلوه وخدنا الفيشه بتاعت الشبوره اللى ورا مكان زرار المروحه التلات زراير فصلو النور بس هما شغالين

**benmatar** · 22-03-2013 11:36 PM

المشاركة الأصلية كتبت بواسطة mostafa.ramdan

خد بالك ان ممكن المشكله تكون فى السلك اللى بيوصله

عشان انا عندى الزراير كلها منوره ولما فكينا التابلوه وخدنا الفيشه بتاعت الشبوره اللى ورا مكان زرار المروحه التلات زراير فصلو النور بس هما شغالين

زرار مروحة إيه يا فندم؟ هو الفيليشيا فيها زرار للمروحة ولا حضرتك عامل تعديل معين؟

**أحمد جودة** · 28-05-2013 12:15 PM

بالمناسبة يا جماعة زرار الانتظار فجأة لقيته اشتغل لوحدة لمدة كام دقيقة ورجع فصل تاني وانا مش لاقي الزار كامل حالياً

**Maged_Samy** · 28-05-2013 08:25 PM

انا غيرت قبل كده اللمبة بتاعت مفتاح النور اللى على شمال التابلوه بس المشكله ان اللمبه اللى ركبتها كانت شديدة شويه فكانت بتسخن الزرار اوى وبتبقى منورة جامد اوى .. دى لمبه كده بسلكين كانت بتتباع بجنيه عند بتوع الالكترونيات . لو جبت الاصغر ممكن تنفع بس ذى ما السادة الافاضل وضحولك ان كله بلاستيك فى بلاستيك والتركيب والفك بيعمل مشاكل وكمان فيه سوستة .

**أحمد جودة** · 07-08-2014 11:40 AM

الحمد لله حليت المشكلة بشكل نهائي

فى اواخر رمضان كنت فاكك الطابلوة لاجراء عملية نضافة والمراجعة على اللمبات وتغير التالف

وفى الوقت دة وصلت للفيشة المسئولة عن اضاء لوحة العدادت وأخدت من السلك وصلة بلمبة من الزيادة اللى على اللوحة وتم تركيبها بمفتاح الانتظار من الداخل ومفيش اى شيئ باين كلة متداري تحت الطابلوة

حبيت أنقل التجربة وإن شاء الله قريبا هنفذ موضوع تعديل شكل الطابلوة والعدادت وبحضر ليه الايام دي

أشكركم جميعا واسف على الاطالة

**أحمد جودة** · 09-08-2014 08:50 AM

المشاركة الأصلية كتبت بواسطة ahmedvaio

استاذ احمد .. انا فكيت الزراير دى من الداخل اكثر من مرة بس اماغيرتش لمبات
المهم انك عشان تفك الزرار من بعضه دايما بيتكسر و يبوظ (مكان الكلبسات) لان البلاستيك مع الوقت بقى ناشف جدا .. الحل بقى انك قبل ما تفك الزرار من بعضه تعلم بقلم فلوماستر الناحيتين عشان لازم ترجعه زى ما كان
و بعدين هاتجيب السيشوار المنزلى و تسخن بسيط فوق الكلبسات هاتلاقى البلاستيك بقى زى الملبن , تفصل الجزئين من بعض و تسيبه يبرد حوالى دقيقتين هاتلاقيه رجع لاصله .. اعمل شغلك و ركبه هايركب عادى جدا بدون تسخين

اشكرك على الاضافة بس أنا لقيت مفيش داعي للتسخين علشان الفيش شارحة نفسها ومفيهاش حاجة تتفك وتتركب اكتر من مرة بسن مفك عادة صغير تنطر الزرار بالكامل للخارج وتفكة عادي

اشكرك مرة تانية على المشاركة