موضوعك رائع على فكرة
انا عن نفسي لما فكرت اشتغل كنت بتدرب في مكتب محاسب قانوني من اكبر مكاتب المحاسبين والمكتب ده في المهندسين
لقيت وضع غريب جدا هناك
كاميرات مراقبة للموظفين _ ممنوع تاكل حتى ساندوتش او بسكوته في غير اوقات الراحة _ الفراشة ست كبيرة في السن و معرفة صاحب المكتب وممكن تهزق بشمحاسب اد الدنيا - اي كلمة تتقال في المكتب تتنقل لصاحب المكتب
لقيتهم بيدورا على علبة دبابيس دباسة ضايعه وعملنها حكاية .. تخيل !! حاجة كدة ب50 قرش دي ولا جنيه
طبعا العرق الصعيدي نقح عليا وقلت لهم ما تعتبرونا استخدمناها وخلاص مش مستاهلة هو فلان ( اللي هو صاحب المكتب ) هيعد ورانا الدبابيس
كلهم بصوا لي حتة باصة وبعد كدة قالولي ان اي كلمة بتوصل لصاحب المكتب
ومكملتش اسبوعين من غير ما موقف معين يحصل معايا
بس حطيت نفسي مكان المحاسبين اللي هناك وحسبتها في مخي ولقيت اني لا يمكن استحمل الناس دي