لما بشغل التكييف فى العربية وبمشى بيها 1/4 ساعة مثلا على الاقل بلاقى مياه فى الدواسة اليمين بتاعت الكرسى الى جمبى , ايه موضوع المياه دى, معتقدش ان دة شىء طبيعى ايدا , فهل ممكن يكون شحن زيادة ولا ايه الوضع بالظبط ؟؟؟
عرض للطباعة
لما بشغل التكييف فى العربية وبمشى بيها 1/4 ساعة مثلا على الاقل بلاقى مياه فى الدواسة اليمين بتاعت الكرسى الى جمبى , ايه موضوع المياه دى, معتقدش ان دة شىء طبيعى ايدا , فهل ممكن يكون شحن زيادة ولا ايه الوضع بالظبط ؟؟؟
السلام عليكم أخ عبد الله و رحمة الله و بركاته
كيف حالك يا أخي العزيز؟
أظن دي مياه من المكيف و الوضع الطبيعي لها انها بتصرف خارج السيارة عن طريق خرطوم مثبت في جزء من المكيف عشان
يصرف هذه المياه خارج السيارة و أظن الخرطوم ده فيه مشكلة ممكن يكون وقع من مكانه مثلا
الموضوع بسيط ان شاء الله
و السلام عليكم و رحمة الله و بركاته
خرطوم الفايظ مسدود... الخرطوم راكب على الfirewall فوق ماسورة الشكمان بالضبط... فكة و نضفة و ركبة تانى
http://www.daewootech.com/forum/viewtopic.php?t=6839
MMamdouh
شكرا على المعلومات يا شباب, النهاردة رحت اغسل العربية من تحت وانتهزت فرصة رفعها على الكوريك وفكيته وضفته وفعلا كان مسدود ومليان بلاوى والحمدلله منعت المياه...
اكتشفت يا اخى سمير ان حتى الخرطوم لو وقع من مكانه المياه هتسرب برة برضة نظرا لانه فتحته من برة اساسا ففعلا ملوش حل تانى غير انه يبقى مسدود وشكرا لك.
طيب هو خرطوم الفايظ بيبقا باين تحت العربية
يعنى بيكون مدلدل شوية وظاهر
لانى اخدت مطب جامد وبعديها لقيت الخرطوم مدلدل تحت
وتقريبا مشفتوش قبل كده مدلدل فهل خرطوم الفايظ بتاع التكيف اتخلع ولا ايه
ولا الخرطوم طيبعى انو يكون مدلدل كده من تحت العربية
هوا بيبقا طالع من صدر العربية من تحت وبوزه ناحية الارض عشان ينزل المياه على الارض لو بصيت على العربية من اى جنب مش هتشوفه لازم يكون مرفوع شوية يعنى ما يبانش الا اذا نزلت تحت العربية .
1+اقتباس:
المشاركة الأصلية كتبت بواسطة Abdallah
الخرطوم اللى انت شايفة مش خرطوم الفايظ... اكشف على عربيتك عشان تطمن
MMamdouh
هو الخرطوم شفاف نازل من تحت جمب الكاوتش اللى قدام عند كرسى السائق
انا ان شاء الله هروح اكشف عليها وتأكد باردوو
ممممممممم خرطوم شفاف
مشفتش خراطيم شفافة فى اللانوس بتاعتى بس لو خرطوم رفيع ممكن يكون بتاع مياه المساحات, لاحظت اى تغيير فى اداء العربية او اى حاجة من كدة ؟؟؟
لازم تتأكد فى اقرب وقت عشان متبقاش حاجة كبيرة يا وليد.
هو خرطوم رفيع فعلا
بس مش بتاع المساحات تقريبا لان المساحات كنت مشغلها وكانت شغالة
ورشاشات مياه المساحات باردوو وانا على العموم هروح ارفع العربية فى اى بنزينة
واشوف ايه
[b]على ما اظن ده خرطوم فايظ البطارية لو كان ناحية السائق وفى مقدمة السيارة
ايه هو خرطوم فايظ البطارية دة؟؟؟
يعنى بيستعمل لايه بالظبط وبيبقا بدايته فين ؟؟
فى انواع من البطاريات بيبقى فيها خرطوم خارج من اعلى نقطة فى جسم البطارية و بيبقى مدلدل فى الهوا.. دا وظيفتة تسريب غاز الهيدروجين اللى جوة البطارية و فى نفس الوقت بيمنع انسكاب حامض البطارية على قاعدة البطارية و ياكل البوية
MMamdouh
اشكركم جميعا لمساعدتى و
هو فعلا خرطوم شفاف من قدام السائق
وهو قريب من الارض بينو وبين الارض حوالى 3 الى 4سنتى
والمشكله انو كده هيتسد من الاتربة وارضيات الشوارع والطينة
فممكن يترفع ولا هو كده مع العلم انى شوفت سيارات لانوس باردو
فيها نفس الخرطوم وفيه سيارات مش موجود فيها بس هو الاول ماكنش باين خالص الخرطوم
مستحيل يكون طبيعته كدة, مفيش صانع عربيات هسيب خرطوم مدلدل بالشكل دة, ممكن يبقى واقع من الافيز بتاعه , لو هو جاى من تحت الرفرف فك الكارتير بتاع الرفرف وشوف الافيز مكانه فين وركبه ودة الصح, لو عايز حل اى كلام ممكن تقصه ولكن لو جيت ترجعه مكانه بعد كدة مش هيرجع وهيبقى قصير وهتضطر تغيره.
شكرا يا ممدوح بس للاسف انا عندى البطارية جافة فمشفتش الموضوع دة قبل كدة وعمرى ما شفته فى كلورايد او النسر.
خلاص يا جماعه انا حليت المشكله انهاردا
قعدت ادور الخرطوم واصل فين وشوفت البطارية ولقيتو واصل بيها من فوق
وزى ما الاستاذ عمرو خفاجى قال بالظبط هو فايظ البطارية
وقمت رافع الخرطوم لفوق شوية ومابقاش باين زى الاول خالص
انا افضل انك تقص و تقصرة لطول مناسب... الرفعة ممكن تسبب اختناق فى الخرطوم و بعدين غاز الهيدروجين يتراكم جوة البطارية و ممكن يسببب مشاكل او انفجار للبطارية او حاجة
MMamdouh
ممكن تقصره لجد مايوصل بعد مكان جر السيارة ويوجد بالسيارة مكانين للجر شمال ويمين وبعدين تثبته بافيز صغير بس خد بالك لحسن تحدث اختناق به
هو فى نهاية الخرطوم من تحت فيه ديرة اكنو كان مربوط فى حاجة بس مش عارف فين
بس انا مش عارف اتحكم فى الخرطوم من تحت
لانو نازل من تحت الاكصدام الامامى من جمب الرفرف
انا رفعتو شوية من عند البطارية لفوق
بس لو هيحصل اختناق هقصو اقصرو شوية او هبص على مكان يكون بيوصل فيه مثلا
ويبقا مرفوع من غير ما يكون مرفوع من عند البطارية