الموضوع: خطوات تجديد رخصة العربية بالتفاصيل ..

هتروح الى المرور التابع لسكنك
تروح بعربيتك أكيد الانت عايز ترخصها

المستندات المطلوبة :
• رخصة السيارة
• البطاقة الشخصية (بطاقة الرقم القومي)
• وثيقة التأمين الإجباري(لو هترخص ثلاث سنوات)=263 L.E
• الدوسيه (هيكون فيه ستة ورقات لو هترخص ثلاث سنوات)=55 L.E
3 ورقات طلب ترخيص سيارة خاصة (تملي فيها بيانات (لو هترخص ثلاث سنوات)
+ورقة شهادة صلاحية جهاز إطفاء يدوي
+ورقة طلب فحص فني
+ورقة نموزج الفحص البيئي
• ورقة مكتوب عليها "بيانات لنيابة المرور"
• برائة الزمة "شهادة المخالفات"
• ورقتين "حافظة توريد الضرائب و الرسوم"

تقوم بعمل الاتي :
• أول حاجة تعملها و انت داخل المرور تقول "اللهم ادخلني مدخل صدق و اخرجني مخرج صدق
و إجعل لي من لدنك سلطاناً نصيرا" و تنوي كده مش هدفع رشاوي :)
• إن شاء الله هتلاقي إكشاك كده و انت داخل المرور إكشاك"التأمين الإجباري"
هتدفع حسب انت هترخص سنة وللًا 3 سنين ثلاث سنين = 263L.E
• بعد كده تشتري الدوسيه –هتلاقيه بيتباع في كشك – و إتأكد إنه فيه ستة ورقات :
طلب ترخيص سيارة خاصة (3 ورقات تملي فيها بيانات (لو هترخص ثلاث سنوات)
+ شهادة صلاحية جهاز إطفاء يدوي +طلب فحص فني+نموزج الفحص البيئي
• و تشتري من نفس المكان : ورقة مكتوب عليها "بيانات لنيابة المرور"
• هتروح لمكتب "زجاجي" هتسلم فيها "الورقة ال مكتوب عليها "بيانات لنيابة المرور" علشان
تيتختم و تيقدر تجيب بيها برائة الزمة "شهادة المخالفات" وللأسف هيقلولك تعالي خدها بعد
نصف ساعة بس هيدوهالك إن شاء الله بعد ساعة و شوية فأحسن حاجة تيجري علي الفحص
• للأسف تاني, هتقف في طابور محترم علشان تفحص أول ما يجي دورك هيفحصوا الطفاية
و هيختملك علي ورقة "شهادة صلاحية جهاز إطفاء يدوي"
• وبعد كده هيجي ميكانيكي هيفحص السيارة و هيطلب منك ورقة " طلب فحص فني"
و هيأخد رقم الشاسيه تقريباً و بعد كده هتروح للظابط هيملى ورقة "طلب فحص فني+نموزج الفحص البيئي"
• تروح بعد كده تستلم ال ورقة ال مكتوب عليها "بيانات لنيابة المرور" –و تتأكد انه كتبلك رقم
اللوحة القديمة ده لو كان عندك لوح قديمة قبل كده للسيارة ال بترخصها و لو مكنش فيه إتأكد إنه
كتبلك "جديدة"- و تروح علشان تجيب برائة الزمة "شهادة المخالفات"وإن شاء الله ميكونش فيه
مخالفات وبعد كده هتنتظر عشر دقائق و هيندهوا علي إسمك وهتدفع خمسة جنيه عافية –
معرفش بتوع إيه- و هتدفع في شباك تاني 26 جنية تقريباً و بعد كده هتنتظر عشر دقائق كمان و
هيندهوا علي إسمك تاني و هيدوك الرخصة و برائة الزمة
• تاخد بعد كده الورق ال معاك و تروح للشباك الخاص بتجديد رخصة السيارة و ال علي الشباك
هيسألك علي ورقة "حافظة توريد الضرائب و الرسوم" و متنساش توضح انت عايز ترخص سنة و لًا
3 سنين و بعد كده هيسلموك ورقتين علشان تروح تدفع فالخذنة
• بعد ما تدفع فالخزنة ترجع لنفس الشباك ال انت كنت فية و هيقولولك إنتظر تسمع إسمك
• و بعد حوالي حبة حلًويين هيندهوا علي إسمك و تروح تيستلم الرخصة من شباك تسليم الرخص
• و الحمد لله :)

نصيحة: تروح من بدري من الساعة 8 علشان متجيش لخطوة الخزنة و تلاقيها قفلت
زي محصل معايا :(

المصدر: موقع مشورني للمشاوير الحكومية
مشورني - الصفحة الرئيسية

هههههههههههههههههههه


























سيناوي
اسعار السيارات