الموضوع: للاستفسار عن a11

المشاركة الأصلية كتبت بواسطة chery_fulwin

انا حاقول اهم المشاكل اللي صادفتني والحل
1) مشكلة خشونة العفشة الامامية وتلف الجلب المقصات الامامية بسرعة
الحل
تغيير المساعدين والمقصات الامامين بمساعدين ومقصات جولف 2
2) انتهاء التيل الامامي بسرعة
تغيير خزنة التيل الامامية بخزنة تيل جولف 3 1800 سي سي مع تيل بتاعتها وبعد تجربة الفرامل بقت من دون اي صفارة
على عكس التيل بتاعتها
3) صدأ مية الراديتر
الحل تغير ماء الراديتير بماء موبيل لانة اغلب المياة الخضرة مضروبة
4) عدم عمل المراوح ودي خلت عربيتي جابت جوان وش سلندر
السبب هو صباع الحرارة اللي راكب عند الكوعة انا كنت مغيرة بواحد مش اصلي من ابو العوف ب 25 بوض الكونترول بتاع العربية بعديها صلحت الكونترول ب 400 جنية لانة سعر الجديد من التوكيل ب 2750 جنية وركبت صباع الحرارة الاصلي ب 75 جنية من صقر
5) صوت تكتة من الماتور لما تسخن العربية
ودي حصلت بعد ما عملت جوان وش سلندر والحل تغيير طقم كوستبانات جبتة ب 490 من صقر
6) اضاءة لمبة الزيت لما تكون العربية على سلانسية لما تكون الحرارة على النص
بسبب طرمبة المية بايضة كانت مش بتدور ميه كويس في العربية فتخلي طرمبة الزيت تفوت فيضعف ضغط الزيت في الماتور واللمبة تنور
7) كمان غيرت طقم اسلاك البوجيهات عشان بتاعها تعب بطقم هواندي اكسنت 1300 موديل 2006 احسن بكتير من الاصلي بتاعها
8) كمان كنت كل 40 الف اغير السيور بتاعتها وفلتر البنزين والهواء وكمان بلية شداد الكاتينة
9) العربية كانت بتنقص ميه كل فترة السبب كان من كوعة الشجرة اللي جمب الفرن كانت بايضة وكان تسريب المية مش واضح لانة كانت المية بتوقع على الفرن وتتبخر فمش بتبان
10) احسن زيت للعربية عن تجربيتي زيت توتال 5 الاف بينعم صوت الماتور اوي
دي اغلب المشاكل اللي صادفتها بالعربية امتنى ان اكون قد افدتك
وبالنسبة لقطع الغيار المحلات اللي بالتوفيقة زي ابو العوف والعسكري قطعهم كلها مضروبة مش اصلية عن تجربتي وتجربة صحابي و محل صقر احسن مكان تجيب منه قطع الغيار هو اللي عندة صيني كمان بس اصلي و يعمر عن تجربة

طيب ممكن حضرتك تكتبلنا اسعار قطع الغيار الحضرتك غيرتها

المشاركة الأصلية كتبت بواسطة (hesham(h

طيب ممكن حضرتك تكتبلنا اسعار قطع الغيار الحضرتك غيرتها

بصراحة انا كاتب اللي فاكرة لو عندك حاجة معينة تسأل على سعرها ممكن افتكرها

باشا انا عندى نفس المشكله رقم 6 لمبه الزيت والميكانيكى قالى حوار كبير هيدخل فى 3 الاف

ممكن اعرف مكان ميكانيكى كويس

حد من الخبراء هنا حاول يركب طقم دبرياج لعربية a11 بس بتاع عربية تانية ؟ أنا عاوز أركب لها طقم بس مايكونش بتاعها لإني إتضحك عليا في طقم ومش عاوز أكررها -وفيه ناس قالولي بتاع السيات توليدو واللي قال لي بتاع الجولف وأنا مش عارف أجيب بصراحة