الموضوع: للاستفسار عن a11

انا حاقول اهم المشاكل اللي صادفتني والحل
1) مشكلة خشونة العفشة الامامية وتلف الجلب المقصات الامامية بسرعة
الحل
تغيير المساعدين والمقصات الامامين بمساعدين ومقصات جولف 2
2) انتهاء التيل الامامي بسرعة
تغيير خزنة التيل الامامية بخزنة تيل جولف 3 1800 سي سي مع تيل بتاعتها وبعد تجربة الفرامل بقت من دون اي صفارة
على عكس التيل بتاعتها
3) صدأ مية الراديتر
الحل تغير ماء الراديتير بماء موبيل لانة اغلب المياة الخضرة مضروبة
4) عدم عمل المراوح ودي خلت عربيتي جابت جوان وش سلندر
السبب هو صباع الحرارة اللي راكب عند الكوعة انا كنت مغيرة بواحد مش اصلي من ابو العوف ب 25 بوض الكونترول بتاع العربية بعديها صلحت الكونترول ب 400 جنية لانة سعر الجديد من التوكيل ب 2750 جنية وركبت صباع الحرارة الاصلي ب 75 جنية من صقر
5) صوت تكتة من الماتور لما تسخن العربية
ودي حصلت بعد ما عملت جوان وش سلندر والحل تغيير طقم كوستبانات جبتة ب 490 من صقر
6) اضاءة لمبة الزيت لما تكون العربية على سلانسية لما تكون الحرارة على النص
بسبب طرمبة المية بايضة كانت مش بتدور ميه كويس في العربية فتخلي طرمبة الزيت تفوت فيضعف ضغط الزيت في الماتور واللمبة تنور
7) كمان غيرت طقم اسلاك البوجيهات عشان بتاعها تعب بطقم هواندي اكسنت 1300 موديل 2006 احسن بكتير من الاصلي بتاعها
8) كمان كنت كل 40 الف اغير السيور بتاعتها وفلتر البنزين والهواء وكمان بلية شداد الكاتينة
9) العربية كانت بتنقص ميه كل فترة السبب كان من كوعة الشجرة اللي جمب الفرن كانت بايضة وكان تسريب المية مش واضح لانة كانت المية بتوقع على الفرن وتتبخر فمش بتبان
10) احسن زيت للعربية عن تجربيتي زيت توتال 5 الاف بينعم صوت الماتور اوي
دي اغلب المشاكل اللي صادفتها بالعربية امتنى ان اكون قد افدتك
وبالنسبة لقطع الغيار المحلات اللي بالتوفيقة زي ابو العوف والعسكري قطعهم كلها مضروبة مش اصلية عن تجربتي وتجربة صحابي و محل صقر احسن مكان تجيب منه قطع الغيار هو اللي عندة صيني كمان بس اصلي و يعمر عن تجربة

هى عاملة كام كيلو متر و اية الفرق بينها و الm12

السادة اعضاء المنتدي الكرام تحية طيبة وكل عام وانتم بخير بمناسبة قرب حلول عيد الأضحي المبارك اعادة الله عليكم باليمن والبركات:
1-يعد هذا الموديل سواء الصغير او اللونج بنوعية من افضل ما انتجتة شركة شيري بل و جمهورية الصين الشعبية بأكملها لأن السيارة بالكامل انتاج مجموعة فولكس واجن الألمانية من خلال شريكتها مجموعة سيات الأسبانية
2- يعد المحرك من اهم مميزاتها لكونة محرك من انتاج شركة فورد الأمريكية ويتم تجميعة في مجموعة فورد البريطانية في مقاطعة يوركشاير رغم اعتراض الكثيرين علية لكون صوتة مرتفع قليلا لأعتمادة علي كامة واحدة وعدد ثمانية صمامات لكنة ذو عزم وقوة هائلة ليستطيع جر الثقل العام للسيارة والتي تعد الأثقل في فئتها
3-انظمة التعليق كاملة بداية من الأسكاترا والمساعدين الأمامي والخلفي وجلب المقصات والبطاحات وكل شيئ انتاج فولكس واجن وتحديدا هي نفس العفشة المستعملة في السيارة الجولف 3 والبولو والأبيزا ومطابقة لها تماما ولا تحتاج الي تعديل نهائيا
4-الشكل العام او البودي هو سيات توليدو seat toledo مودل 1997 يشمل الأبواب والشنطة والزجاج والفوانيس الأمامية والخلفية مع وجود فارق بسيط في الشكل والشبكة الأمامية فقط التي منها الرفيع والعريض
5-ناقل الحركة العادي من انتاج جولف اما ناقل الحركة الأتوماتيكي هو نوبيرا 2 عادي بدون كنترول او كما يسمية العامة عادي مش كهرباء
6- ماكينة او خلاط الباور جولف 2 لكن يمكن تركيبة دايو لانوس بسهولة تامة
7-قربة المياة الخاصة بالرادياتير جولف 2 او 3 او 4
8- حساس الكارنك يمكن يركب فورد اسكورت 1600 cc انجكشن موديل 2002 وايضا الصبابات والجوان وطرمبة الزيت والجوانات عموما وسير الكاتينة وسير الدينامو وشداد السير وطقم البلوف او كستبانات الزيت وعموما موجودين في التوفيقية لدي بدروسيان او عادل شحاتة اختصاصي الفورد ومنهم الماني ومنهم تركي الصنع
9- فلتر الزيت فورد اسكورت 1600 ويركب ايضا اسبرانزا a113 او a213
10-جهاز ال abs الخاص بالفرامل والحساسات الخاصة بة جولف 4
11-تيل الفرامل الأمامي اسبرانزا 516 لكنة اطول قليلا لكن مناسب والخلفي جولف 3 اما الطنابير الأمامية سيات انكا inka وموجودة عند محلات الجولف ومتوفرة في التوفيقية والخلفية سيات توليدو او جولف لكن يوجد منها شكلين لذا يرجي احضارها للتاجر ومقارنتها
12-سربنتينة التكييف صيني والرادياتير صيني اما التكييف فهو ياباني وفلتر التكييف اودي او سكودا
.................................................. .................................................. ......................
ارجوا من مالكي هذة السيارة الأبتعاد تماما عن المغرضين والذين يقولون مالا يعلمون عن هذة السيارة بأعتقادهم انها سيارة صيني ورديئة الصنع بل والأغرب ان سعر بيعها منخفض للغاية بما لا يعادل سيارة شاهين عادة بدون كماليات مودل 98 او هيونداي اكسيل مودل التسعينات ايضا لذا ارجو من مالكي السيارة اعادة تقييمها لأنفسنا وليس للسوق ويكفي انك راكب عربية الماني 80% وصيني 20% ولا عيب في ذلك فشركات عملاقة في مجال السيارات تعتمد بنسبة 33% من مكوناتها علي الأنتاج الصيني ومنها volvo -saab-tata-jaguar-mazda-kia-hyundai
شكرا لكم واي استفسار انا في الخدمة
طارق سيد
اسيوط
01008331244

ربنا يخلى عباقرة الشيرى لينا الاستاذ طارق و الاستاذ احمد وانا بصراحة كان نفسى احضر المقابلة بس ان شاء الله المرة القادمة علشان اتعرف على حضرتكم

الرجاء معرفه ترس البندكس بتاع ال شيري ال a11 2006 موجود فين و بكام علشان انا دايخ عليه و لو مفيش ممكن ايه الي يمشي عليه او ايه المرش الي يركب علي العربيه دي