استشارة قانونية من محامين المنتدى فى الموضوع ده

دلوقتى انا ساكن فى شقه على قانون الايجار الجديد 59 سنة فى الدور الخامس وكان فى اسانسير وعطل منذ زمن بعيد المهم دلوقتى حبوا يصلحوا الاسانسير فطلع مبلغ حوالى 2200 جنية على كل شقة وانا بصراحة حاليا مش جاهز بالمبلغ ده لان عندى ظروف تانية عائلية فقلتلهم انى حتاخر شوية فى دفع المبلغ بدون ما استعمل الاسانسير المهم جيت ادفع الايجار الشهرى صاحب العقار رفض وقالى لما تدفع الاسانسير ابقي اديك ايصالات الايجار بصراحة انا دمى اتحرق والموضوع شكله حيدخل معايا فى عند لان بحس انه بيزلنى او عايز يلوى دراعي والسؤال اعمل ايه معاه فى هذا الموقف بدون مااجى على كرامتى وخصوصا انى كنت ناوى ان ادفع بس كمان شهر او حاجة لحد مايجلى فلوس وتقبلوا تحياتى ولكم جميعا جزيل الشكر مقدما

تدفع الايجار في خزنة المحكمة و تاخد وصل منها

كده ما يقدرش يطردك و لو رفع قضية طرد يخسرها


و الاسانسير ما تدفعش و دي مسؤوليته اساسا ......

اقتباس:

---

المشاركة الأصلية كتبت بواسطة أحمد كمال

تدفع الايجار في خزنة المحكمة و تاخد وصل منها

كده ما يقدرش يطردك و لو رفع قضية طرد يخسرها


و الاسانسير ما تدفعش و دي مسؤوليته اساسا ......

---

شكرا ليك على سرعة الرد يا استاذ احمد بس اى محكمة ادفع فيها انا ساكن فى جسر السويس وبعدين هل لو دفعت فى المحكمة ادفع كام شهر ولحد امتى وبدفع الايجار فقط الموجود فى الايصال ولا الميه والكهرباء وكله انا اسف على الاسئلة اعزرنى

ادفع فى المحكمه لان ده راجل قليل الزوق

انت مأجر الشقه فالمفروض ان الاسانسير ميحملوش عليك لان دى مسئوليته ده غير ان انت عندك ظروف فالمفروض يقدرها

ممكن تدفع الايجار فى المحكمه سنه كامله لو عايز تزله شويه او تدفعهاله شهر بشهر عشان توديه المحكمه كل شهر ياخد فلوسه

فواتير الكهربا دى بتيجى على العداد المفروض انت الى بتتدفعها - المياه و الكهربا و البواب بتوع العماره لو داخلين فى الايجار يبقى تدفعهم مع مبلغ الايجار - لو مبلغ لوحدهم ادفعهم فى المحكمه بوصل لوحدهم برضه

اقتباس:

---

المشاركة الأصلية كتبت بواسطة zaza2002

شكرا ليك على سرعة الرد يا استاذ احمد بس اى محكمة ادفع فيها انا ساكن فى جسر السويس وبعدين هل لو دفعت فى المحكمة ادفع كام شهر ولحد امتى وبدفع الايجار فقط الموجود فى الايصال ولا الميه والكهرباء وكله انا اسف على الاسئلة اعزرنى

---

المحكمة التابع لها محل السكن ...... اتصل ب 140 و اسال على اقرب محكمة

زي ما استاذ جزار قال لحضرتك ....... ممكن تدفع شهر بشهر و خليه يعيش حياته

المية و الكهرباء ممكن تخليهم تدفعهم له كاش و بوصل برضه

اقتباس:

---

المشاركة الأصلية كتبت بواسطة algazar2

ادفع فى المحكمه لان ده راجل قليل الزوق

انت مأجر الشقه فالمفروض ان الاسانسير ميحملوش عليك لان دى مسئوليته ده غير ان انت عندك ظروف فالمفروض يقدرها

ممكن تدفع الايجار فى المحكمه سنه كامله لو عايز تزله شويه او تدفعهاله شهر بشهر عشان توديه المحكمه كل شهر ياخد فلوسه

فواتير الكهربا دى بتيجى على العداد المفروض انت الى بتتدفعها - المياه و الكهربا و البواب بتوع العماره لو داخلين فى الايجار يبقى تدفعهم مع مبلغ الايجار - لو مبلغ لوحدهم ادفعهم فى المحكمه بوصل لوحدهم برضه

---

شكرا لمساعدة حضراتكم بس كنت عايز اعرف هو ازاى اصلا حيعرف ان الايجار موجود فى المحكمة وهل ممكن موضوع المحكمة يفتح باب المشاكل بينا ولا كده مفيش ضرر عليا

ادفع فى المحكمة علشان ميفكرش يلوى دراعك تانى

اقتباس:

---

المشاركة الأصلية كتبت بواسطة zaza2002

شكرا لمساعدة حضراتكم بس كنت عايز اعرف هو ازاى اصلا حيعرف ان الايجار موجود فى المحكمة وهل ممكن موضوع المحكمة يفتح باب المشاكل بينا ولا كده مفيش ضرر عليا

---

هيعرف ازاى مش عارف

بس اما انت هاتقوله او المحكمه هتبعتله انذار على يد محضر عشان يستلم الفلوس
من حيث المشاكل تاكد ان الراجل فتح باب المشاكل بينكوا لان التصرف الى عمله ده هو تسبب فى مشكله و طبعا دفع الفلوس فى المحكمه ده حقك حتى لو هيسبب مشاكل بس حل قانونى 100% و مش هيسبب ضرر قانونى عليك نهائى

هو هيعمل مشاكل طبعاً
كلمه تانى
وتاخد الوصل وانت واقف
مش عايز
خلاص ابعتهم فى المحكمة
بتعمل انذار ليه بالسداد
ويروح له البيت
وتكتب فيه انه يبلغك بملحقات الاجرة - المياه الكهربا واجرة البواب

اقتباس:

---

المشاركة الأصلية كتبت بواسطة a.saad

هو هيعمل مشاكل طبعاً
كلمه تانى
وتاخد الوصل وانت واقف
مش عايز
خلاص ابعتهم فى المحكمة
بتعمل انذار ليه بالسداد
ويروح له البيت
وتكتب فيه انه يبلغك بملحقات الاجرة - المياه الكهربا واجرة البواب

---

+11111111111111111111111

اخى الكريم انت عليك فلوس يبق الاولى انك تدفعها قبل ما تبحث عن المحاكم والمشاكل لو هو فعلا نيته وحشه وبعد لما تدفع فلوس الاسانسير ماخدش الوصلات بتاعتك يبق كدا حقك تعمل ال انت عايزه بس اولا لازم تدفع الفلوس ال عليك ودا منطقى جداااااااااااااااااااا

اقتباس:

---

المشاركة الأصلية كتبت بواسطة a.saad

هو هيعمل مشاكل طبعاً
كلمه تانى
وتاخد الوصل وانت واقف
مش عايز
خلاص ابعتهم فى المحكمة
بتعمل انذار ليه بالسداد
ويروح له البيت
وتكتب فيه انه يبلغك بملحقات الاجرة - المياه الكهربا واجرة البواب

---

+111111111111111

ولكن اخى الكريم حاول ان تضع الحل القانونى اخر الخيارات لانها ستحدث بالتأكيد صدعا فى التعامل بينك وبين صاحب العماره وهتدخل نفسك فى متاهه انت فى غنى عنها ، انا محامى ولكن لو كنت مكانك لن الجأ الى الحل القانونى الا بعد نفاذ كل الحلول الوديه ، فأنصحك بعقد كذا جلسه مع صاحب العماره ويكون فيها كذا واحد وسيط او ناس قريبه منك ومن صاحب العماره وتقعد تقوله على سبب تأخيرك لدفع تمن تصليح الاسانسير وتقنعه انه يستنى عليك شويه وتديله ضمانات ووعود انك هتدفع الفلوس ( يمكن يكون خايف انك متدفعش ) وان شاء الله هتقدر توصل لحل وسط بينكم وتتحل المشكله ومتنساش تاخد منه الوصل وتحافظ عليه ، اما لو باءت كل المحاولات الوديه بالفشل فلا امامك سواء الحل القانونى والذى شرحه لك الرجاله

الحل القانوني انك تقوم بعرض مبلغ الايجار عن طريق المحكمة فلو رفض بيتم ايداعها باسم المؤجر في خزانة المحكمة و ده لأثبات حقك و ميقدرش يطردك و بالتالي لو فكر يرفع دعوي لطردك هتثبت براءة ذمتك
لكن انا اتوقع انه بيعمل كده عشان تدفع و كورقة ضغط في حالة انك مدفعتش يهددك انه ممكن يطردك لأنك مدفعتش الايجار
لكن الأفضل تشوف الموضوع ودي الأول و تحاول معاه عشان يتأكد انك هتدفع في حال توافر المبلغ و خلي الحل القانوني اخر الحلول منعا للمشاكل

انا راى زى بقيت الزملا , فعلا انت تشوف الحل الودى وتوضحلوا انك عندك ظروف وناوى تدفع , ولو الدنيا مش سامحه تطلب مثلا انه يقسطلك المبلغ على هرين او تلاته او حسب مانت شايف.
لو هو نيتوا شر حيسوق الهبل على الشيطنه , ابقى قولوا بقى مش دافع فلوس الاسنسير وروح استلم الايجار من المحكمه.