السلام عليكم
اخوانى انا عايز حد يقولى اعمل اية
انا بجد كرهت حياتى وقرفت اخر قرف

الوقتى انا شارى عربية ومسقط فيها ماتور بولو 1400 من شهر 8 اللى فات

جايب الماتور من تاجر فى المنصورة

اولا عشان اجيب الافراج بعتنى مشوار للتاجر الاصلى فى بورسعيد
ياعم انا مالى
معلش مشوار وخلاص هتاخد الافراج

قلت ومالة اهوا مشوار وننتهى

الراجل كلامة معجبنيش خالص ولف ودوران المهم جابلى افراج مختوم ان اوراق الماتور اتحرقت فى احداث 25 يناير


لغاية هنا والامور ماشية لغاية ماقلت انقل الرخصة باسمى فى شهر يناير اللى فات

وهنا بدا العذاب كلة
خلصت كل حاجة من رقم الشاسية والمطابقة وبراءة الزمة

بس المرور عملى جواب لجمرك بورسعيد يتختم ان الماتور محروق
الجاواب على صورة الافراج
ومن هنا بقى العذاب كلة
حوالى 6 مشاوير لبورسعيد مفيش فايدة
بعت الورق للتاجر بتاع بورسعيد كل يوم بكرة اصل فية عصيان
لا الجمرك اشتغل بس المخلص معملش الورق
لا استنى يوم
طب اصبر بكرة

ومعاد فى معاد فى معاد

المشكلة ان رخصة العربية خلصت
وبعدين قابلت مخلص واحد عرفنى بية فى الجمرك وحكتلة الحكاية

قالى ياباشا شوف الماتور طالع من غير ورق اساسا وملوش اى حاجة
والافراج اللى معاك دا فى واحد بيعملة وبياخد 100 جنية
لو المرور وافق بية تمام انما لو طلب جواب للجمرك مش هيتعمل

قلتلة بالضبط انا فى كدا بقالى شهر ونص
وقرفت ومعنتش قادر استحمل

اعمل اية ياناااااااااااااااااااااا ااااااااااااااس
حد يقولى