الموضوع: ما تشخيص الديسك والاستوانة المبكرة

لا العكس المفروض الار بي ام يبقى اعلى من الاستاندرد مش اقل في حالة التفويت

( الموتور بيلف لفات زيادة وبيضيع عزم على الفاضى )

لو الرقم اقل يبقى معندكش مشكلة في الاسطوانة ويبقى احتمال مقاس الكاوتش عندك اكبر من الاستاندرد ( عداد السرعة قارى اقل من القراءة الفعلية اصلا )
او حضرتك اتلخبطت في الارقام

ومشكلة الرعشة لو لوحدها ممكن تبقى مشكلة دسك او فولام او حتى قواعد موتور او كرسى النص وصلايب الكردان في اللادا ودى بتبان اوى مع التحميل الجامد تحس ان في تخبيط من تحت العربية من الوسط

المشاركة الأصلية كتبت بواسطة mohamed elool

حبيبي يا حودة واحشتني يا جدع :)

1- في حاجة كمان لو انت جايب الاول و عايز تأمريك ( تفرك بالعربية يعني ) مش هاتعرف عتلاقي العربية بترعش و عيزة تبطل

2- لو انت من الي بقفلو عداد و العربية فيها اسطوانة عمرها مهتقفل عداد

3 - بتحس العربية ماخنوقة ( صوت الموتور بيعلي و مافيش السحب كويس )

مع العلم انك ممكن حجتين او تلاتة من الاعراض دي ( مش لازم كلهم )

انا كان عندي ولدي كان معاه ابيزا و العربية جابت معاه دسك و اسطوانة مرة وحدة

( العربية مش عيزة تتحرك ) من غير مايظهر اعراض تلف .... انت و ناصيبك يعني

مع العلم العربية عندي فيها دسك و اسطوانة ( العربية مش عايزة تامريك و بترعش جامد في الطلعة )

حبيبي يامحمد وحشني والله يارايس انتا عامل ايه واخبارك ايه
انا بس ملاحظ اني في طلعت الكوبري العربية بتسحب وتيجي تبص علي العداد السرعه تلقي مثلآ لو انتا طلع علي 80 العربية بتفضل ثبته علية بس بتسحب بس مش زي الجولف الي كانت معايه كنت بسبق بيها وانا طالع طلعات الكوبري

المشاركة الأصلية كتبت بواسطة mohamed elool

انا 100 100 الحمد الله

بوس يا معلم انسي الجولف خالص انا زيك معاية كان معايا bmw i320 ) 2000cc
لا يخطلت الزيت بالماء :)

دي ب دي العربيات دي مواتير غير عادية جبارة مع اني بعد ما اعدتت معاية اكتر من سنتين و نص شايف اني الانوس و النوبيرا و الكوري عموما ( احسن ) العربيات دي حلوة في الفرحة و اللعب و انت مش محتاج دة طول الوقت و ادام كل دة مصارف صيانة اكتر _ بنزين اكتر _ مش اسرية _ مقرفة في الزحمة
مع العلم سعات ببقي نفسي في طلعة من طلعات الجولف ولا bmw لما بكون عايز اشد مع صحبي


بالنسبة للانوس :
1- اهم حاجة انت عندك رجرجة في الطلعة ؟
2- بتدوس بنزين و صوت الموتور بيعلي و مش حاسس بسحب كويس ؟
3- بتحس بعضة في الغيار ؟
لو مافيش الكلام دة عربيتك زي الفل ماتشغلش بالك لحد ما يظهر العيب و يبقي مديئك
كفاية وقفت عند الصنايعية

انا عندي كل دة و عارف انو ديسك و اسطوانة بس مستني لحد ما اروح فيصل اعملهم تحت عشان الصنايعية في اكتوبر شمال :)

والله سعات تبقا في رجرجة من قدمي لما افضل محمل علي الدبرياج في السلانسية
لكن لو سبت قدمي مرة وحده من علي الدبرياخ في السلانسية ميكونش في رجرجة
انا عندي مافيش الحمد الله اي عضة ولا اي كلام بس سعات الفتيس بيخنوقني لما ببقا نزل من ال2 لي الاول وطلع مشكلة لانوس كلها
والمرشدير بيخنقني مش زي البي ام اضرب الفتيس علي اخر الشمال وادي الاول ولا زي الجولف نزل السوستة لي تحت وهات اول تحس انهم في الالماني اسرع وحرتهم الفتيس بيعشق فيها بسرعه لكن في الدايو بطق شوية مش عارف دة كدة ولا ايه

هو فى حاجة من الاساس اسمها الاستوانة ؟؟؟