علب و مصفاة الشكمان

**bluestricker** · 28-06-2007 01:21 AM

علبة الشكمان اللى في نص العربية الهيا بيئولو عليها المصفاة فيها صوت زنة جامد رحت لبتاع الشكمانات قالى غيرها وفا كنت عايز اسأل حد عنده فكرة عن الانواع و الاسعار عشان فيه محل قالى 300 جنيه و واحد تانى قالى 165 و واحد قالى على حسب هتشترى مصفاة بالمواسير ولا هاتجيب مصفاه بس و تلحم عليها المواسير الموجوده ياريت لو حد عنده فكرة يفدنا و نصيحة منى بلاش موضوع تسقيط -تهبيط-العربية عشان بيبهدل العربية من تحت اوى !!!

**Abdallah** · 28-06-2007 01:46 AM

علبة الشكمان ممكن تشتريها جاهزة او تعملها عمولة وعلى حسب العربية بيكون سعرها وعموما معظم الموجود فى السوق بيبقا معمول عمولة وسعرها تقريبا 150 جنيه.
لو مواسيرك سليمة سيبهم هيا مش بعزقة فلوس وخلاص.

**bluestricker** · 28-06-2007 01:53 AM

اصل الراجل قالى فيه انواع كتيير و فيه انواع بتكتم العربية عشان بتحافظ عالبيئة و بتقلل العادم و اعد يحكيلى حاجات مفهمتهاش ,,

**amr delfe** · 28-06-2007 09:44 AM

'طالما مافهمتهاش يا ريس يبقى بيعمل عليك شغل . وبعدين بيئة اية هو انت واخدها من توكيل جنرال موتورز اللى فى امريكا .هى الناس دية اصلا بتفهم فى البيئة .ناقص تقولى بقى انة قالك ان عندى شكمان بيقلل من ظاهرة الاحتباس الحرارى .

**MMamdouh** · 28-06-2007 11:03 AM

انا مش فاهم اى حاجة من اللى الناس قالتهولك :roll: :roll: :roll:

شكمان اللانوس بيتكون من الاتى:

الفرن و هو المشترك اللى بيركب على الوش و بيجمع مخارج العادم الاربعة فى مخرج واحد

الماسورة السوستة و دى ماسورة بين الفرن و اما اول علبة شكمان او الكتالتك حسب موديل عربيتك و فيها وصلة مرنة عشان تتعامل مع حركة الوتور و تكسرش مواسير الشكمان

الكتالتك... لو عربيتك فيها كتالتك يبقى الماسورة بتاعت السوستة عندك قصيرة و بعدها راكب الكتالتك اللى شكلة زى علبة شكمان صغيرة... لو عربيتك مفيهاش يبقى عندك ماسورة السوستة طويلة... فى ماسورة قصيرة بتتباع عشان تلغى الكتالتك و انا عندى واحدة للبيع

علبة شكمان النص و دى بتاخد من الكتالتك او ماسورة السوستة و بعدين المخرج بتاعها بيلف حوالين تنك البنزين و يروح على الجنب الشمال

علبة شكمان ورا و دى اخر علبة فى دائرة الشكمان

زى ما شفت ان العلب بتيجى بمواسيرها و فلانشاتها و كل حاجة... حتى ان الفك و تركيب مبيحتجش اى لحام و الموضوع سهل جدا... اللى قالك اعملك علبة و الحم فيها المواسير و كدة اكيد بيفتى لان العلبة التفصيل عمرها ما بتبقى كويسة و دايما اللحام بيبقى ااضعف نقطة فى العلبة

لو عايز تغير هات علبة على بعضها و اشترى دماغك... احسن صناعة فى مصر هى منتجات ابو اليزيد

MMamdouh

**Hossam_Hassan** · 28-06-2007 11:10 AM

المشاركة الأصلية كتبت بواسطة MMamdouh

انا مش فاهم اى حاجة من اللى الناس قالتهولك :roll: :roll: :roll:

شكمان اللانوس بيتكون من الاتى:

الفرن و هو المشترك اللى بيركب على الوش و بيجمع مخارج العادم الاربعة فى مخرج واحد

الماسورة السوستة و دى ماسورة بين الفرن و اما اول علبة شكمان او الكتالتك حسب موديل عربيتك و فيها وصلة مرنة عشان تتعامل مع حركة الوتور و تكسرش مواسير الشكمان

الكتالتك... لو عربيتك فيها كتالتك يبقى الماسورة بتاعت السوستة عندك قصيرة و بعدها راكب الكتالتك اللى شكلة زى علبة شكمان صغيرة... لو عربيتك مفيهاش يبقى عندك ماسورة السوستة طويلة... فى ماسورة قصيرة بتتباع عشان تلغى الكتالتك و انا عندى واحدة للبيع

علبة شكمان النص و دى بتاخد من الكتالتك او ماسورة السوستة و بعدين المخرج بتاعها بيلف حوالين تنك البنزين و يروح على الجنب الشمال

علبة شكمان ورا و دى اخر علبة فى دائرة الشكمان

زى ما شفت ان العلب بتيجى بمواسيرها و فلانشاتها و كل حاجة... حتى ان الفك و تركيب مبيحتجش اى لحام و الموضوع سهل جدا... اللى قالك اعملك علبة و الحم فيها المواسير و كدة اكيد بيفتى لان العلبة التفصيل عمرها ما بتبقى كويسة و دايما اللحام بيبقى ااضعف نقطة فى العلبة

لو عايز تغير هات علبة على بعضها و اشترى دماغك... احسن صناعة فى مصر هى منتجات ابو اليزيد

MMamdouh

+1

**MMamdouh** · 28-06-2007 11:10 AM

صورة توضيحية

MMamdouh

-

الموضوع: علب و مصفاة الشكمان

LinkBack

أدوات الموضوع

عرض

-

-

-

صورة توضيحية -

المواضيع المتشابهه

خرم فى الشكمان

غطا فرن الشكمان

توزيع ضغط العادم داخل مسلك العادم (الشكمان) وفكرة الشكمان الرياضي Sport Exhaust path

صوت الشكمان

الكلمات الدلالية لهذا الموضوع

المفضلات

المفضلات

ضوابط المشاركة