نقل توكيل اسكندريه

**yasserk2** · 04-03-2013 06:54 AM

يا جماعه اخر فصول التهريج و اللا مبالاه بحقوق العملاء وملاك السياره بروتون قرر ت شركه عز العرب نقل توكيل اسكندربه الموجود حاليا فى ابيس على الزراعى الى احد مكانين يتم الاختيار بين احدهما الان وهما اولا مكان اسمه الدوليه وده تقريبا على اول طربق العامريه وهو ليس توكيل وانما بالبلدى كده اى حد ممكن يدخل يعمل اى حاجه يعنى نقل - اتوبيسات - مشاريع - توكتوك وممكن كارو ................ يعى سلطه يا جماعه اما الخيار الثانى هو ضم توكيل اسكندريه للقاهره يعنى تسافر 700 كيلو رايح جاى علشان تعمل حاجه ممكن تكون بسيطه مش مستاهله ... على فكره الكلام ده مش فتى وخلاص الكلام ده من موظف شغال فى التوكيل نفسه يعنى تخيلو ان تانى اكبر مدينه فى مصر بعد العاصمه ميكونش فيها توكيل والله بروتون اتظلمت بعز العرب

**tamerosman** · 04-03-2013 06:51 PM

احنا لما اشرينا العربية كان علي اساس ان لها توكيل في اسكندرية .....و الا مفيسش حد من اسكندرية هيفكر يشتري عربية ملهاش توكيل

كده فعلا استخفاف بمصالح و وقت الناس

هو التوكيل غالي و تعبان بس اللي عربيته في الضمان يعمل ايه!!

ياريت كل ملاك بروتون في اسكندرية تشارك و نشوف هنعمل ايه

**aliabdo** · 04-03-2013 08:18 PM

و الله كنت لسه بفكر اشترى جين 2 تانى او بيرسونا بعد الى شوفته مع عز العرب و للعلم التوكيل فى اسكندريه كان فاشل بس بينقذك فى الاعطال و كنت فى الغالب بروح ابو رواش انما كده لو العربيه عطلت اشيلها على كساحه ب 500 جنيه عشان اوديها التوكيل بيخه قوى الصراحه و مش نقصه وجع قلب كفايه الى شوفناه

**DESIGNER105** · 05-03-2013 12:56 PM

هو اصلا توكيلها وحش سواء اتنقل او متنقلش ..عيب العربيه دى التوكيييل ....ولو حد بره الضمان او مش فارق معاه الضمان يتعامل بره التوكيل كل قطع الغيار موجودة وفى ميكانكية بيشتغلو فيها بره ... وانسى التوكيل ده نهائيا

**D . a .\ AYMAN** · 06-03-2013 08:48 PM

أنا اعرفه ان لما يحصل تغيير ... يحصل تغيير للافضل مش للأسوأ

توكيل عجيب .... في كل حاجة بيعملها

**Black Tone** · 07-03-2013 07:31 AM

توكيل زبالة اساسا ومفيهوش اي حاجة ولا ليه اي لزمة غير الضمان
اي حد برة الضمان في ميكانيكي اسمه إسماعيل شغال فالتوكيل وواخد دورات في ماليزيا وعنده جميع قطع غيار الصيانة وحنين موجود في السيوف جنب قرية عبد الوهاب تدخله من الشارع اللي جنب حلواني كوكيز هو تالت تقاطع على الناصية انا اخر مرة مغير عنده جوز الطنابير الامامي وتيل فرامل إيطالي 740 جنيه ومصنعية 80 جنيه بس الصراحة التعامل هناك نظيف وكفاية انه فاهم كل حاجة فالعربية بتسيبه يشتغل وانت متطمن