أتمنى حد يرد عليا بأختصار انا هسافر الكويت لاول مرة ومحتاج استفسر عن شوية حاجات
السلام عليكم ويارب اعضاء المنتدى يكونوا بألف صحة وعافية
بأختصار كدة انا والدي في الكويت وهيبعتلي فيزا سفر قريب ان شاء الله هاااااااااااانت
هو طلب مني صورة الباسبور وشهادة التخرج وشهادة الاعفاء من الجيش , وكل دة في السليم وانا رفعتهم على النت وبعتهمله وهو من هناك هيعملهم برنتر
بعدها بقى كلمني وقلي هتعمل فيش وتشبية وتوثقة في وزارة الخارجية وكمان توثق شهادة التخرج بتاعتك في الخارجية برضو . انا الصراحة مش فاهم منه كويس يعني اروح القنصلية ولا اروح السفارة الكويتية في القاهرة ...؟؟
وقلي انة هيطلعلي فيزا سفر تجاري يعني مش هحتاج اسافر القاهرة علشان اكشف قلي هتكشف هناك .
انا من الاسكندرية ودلوقتي مش فاهم حاجة ولا عارف حاجة وحاسس الدنيا متلخبطة
انا دلوقتي المفروض اعمل فيش وتشبية واوثقة في وزراة الخارجية هو وشهادة التخرج بتاعة الكلية , في وزارة خارجية في الاسكندرية ..؟ ولو فية فيين ..؟ ولو مفيش المفروض اسافر القاهرة واروح على انه عنوان ..؟
وبعد ما اوثق الكلام دة يحصل ايه مع اني اللي اعرفة اني المفروض اروح منطقة التجنيد في العامرية علشان اخد أذن سفر او تأشيرة سفر دة بيحصل امتى ...؟؟
ياريت يا جماعة لو حد فهم قصدي او مر بالتجربة بتاعتي يشرحلي بالراحة كدة اية الخطوات اللي المفروض اعملها
ولكم مني جزيل الشكر والاحترام .....ومنتظر ردودكم
