الموضوع: اختبار قيادة : تويوتا كورولا 2008 المزودة بعلبة التروس الذكية Mmt

المشاركة الأصلية كتبت بواسطة ramylancer

الف شكر يا استاذ فادى على التقييم الدقيق الشامل ده
انا بصراحه اعتبر ان الكورولا الجنوب افريقى اكبر مقلب فى السوق المصرى لانها غاليه بما انها مش يابانى + الشكاوى المستمره من ناقل الحركه وبعدين اللى بيشترى عربيه صينى بيبقى متوقع منها اى حاجه وعارف انه دافع قليل انما اللى بيجيب الكورولا الجنوب افريقى دافع كتير والناس تفضل تقوله اسم تويوتا وعليها علامه تويوتا وفى الاخر يلاقى فيها عيوب واكيد كلنا عرفنا ليه تويوتا مزودتش عربيتها الكورولا اليابانى (الخليجى) بهذا الفيتيس الممل علشان عارفه انه عيب فى العربيه وكذلك لم تزود العربيه الكورولا 1.8 لتر بهذا الفيتيس وفضلت عليه الاستبترونيك يعنى تحسسوا ان تويوتا عامله الكورولا الجنوب افريقى مع الفيتيس المالتى مود اختبار لو كان نجح كانت هتزود الكورولا اليابانى بيه ولو فشل مثل ما حدث اهى جربت حاجه وفشلت بعيدا عن صنع اليابان بس المشكله ان التجربه جت فينا احنا المصريين وبعدين انا حاسس ان التوكيل نزل الجنوب افريقى علشان يبيعها بنفس تمن اليابانى ويكسب هو فرق السعر بينهم وبعدين انا شايف ان كل السيارات المنافسه للكورولا الجنوب افريقى افضل منها بدايتا من السيفيك و المازدا 3 واللانسر EX والميجان

لو سمحتوا سؤال غريب شوية هو اية الفرق بين الاستبترونيك و اللمتى مودد

المشاركة الأصلية كتبت بواسطة merosss

لو سمحتوا سؤال غريب شوية هو اية الفرق بين الاستبترونيك و اللمتى مودد

السؤال ده مش غريب هو سؤال مهم حتى يستفيد كل الناس ،الفرق الوحيد بين الاثنين ان المالتى مود مبنى فى الاساس على انه مانيوال والاستبترونيك مبنى فى الاساس على انه اوتوماتيك .فى تعامل السواق مع الاثنين فى طريقه القياده لا يوجد اى اختلاف انما نظريا المالتى مود استهلاكه فى البنزين اقل مع اداء وتسارع اعلى انما مش باين اى حاجه من مميزاته مع وجود عيوبه فى النتش وبطئ التسارع تحت سرعه 100كيلو ومشكله ان الفيتيس على وضع الاوتو يقوم بنقل النسب بسرعه حتى انك ممكن على سرعه 60 تكون على الخامس وبالتالى لا يوجد اى عزم نهائيا ولا يأخد فى الاعتبار قوه ضغطه السائق على دواسه البنزين انما ينقل من تلقاء نفسه

المشاركة الأصلية كتبت بواسطة أبو عبدالله

الموضوع مش كده خالص يا اخي الكريم
فتويوتا في اليابان نفسها عندها الفتيس ده وموجود قبل ما ينزل في العالم كله من سنة 2007 والكورولا الجديده نازله عندهم موديل 2007
والفتيس موجود في عربيات تانيه في اوروبا حاليا زي الأوريوس

ولكن المسألة بتاعت الخليجي ان الكورولا في الخليج ليس هيا العربيه ذات السمع الشعبية
فالكورولا هناك عربيه صغيرة والعربيه الشعبية هيا الكامري
ولذلك فنزول الكورولا بأي اوبشن جديد او غريب لا يزيد من مبيعاتها هناك بالقدر الكافي لنها في الأول والأخر بينظر لها انها عربيه صغيره وماتور صغير

والمسالة مش مسألة اختبار ولا حاجه

المسالة ان الفتيس جديد والناس مش قادره تتعود عليه مش اكتر او على فكرته وطريقة سواقته

انا اتفق معاك يا ابو عبد الله على ان الكامرى هى سياره تويوتا الاولى فى الخليج بس ده ميمنعش ان الكورولا عددها زى الرز هناك واى سمعه هتطلع على اى عربيه تويوتا هتأثر على باقى الموديلات

المشاركة الأصلية كتبت بواسطة ramylancer

السؤال ده مش غريب هو سؤال مهم حتى يستفيد كل الناس ،الفرق الوحيد بين الاثنين ان المالتى مود مبنى فى الاساس على انه مانيوال والاستبترونيك مبنى فى الاساس على انه اوتوماتيك .فى تعامل السواق مع الاثنين فى طريقه القياده لا يوجد اى اختلاف انما نظريا المالتى مود استهلاكه فى البنزين اقل مع اداء وتسارع اعلى انما مش باين اى حاجه من مميزاته مع وجود عيوبه فى النتش وبطئ التسارع تحت سرعه 100كيلو ومشكله ان الفيتيس على وضع الاوتو يقوم بنقل النسب بسرعه حتى انك ممكن على سرعه 60 تكون على الخامس وبالتالى لا يوجد اى عزم نهائيا ولا يأخد فى الاعتبار قوه ضغطه السائق على دواسه البنزين انما ينقل من تلقاء نفسه

هو هل العيوب دى فى كلة ولا فى التويوتا بس يعنى الهوندا سيتى والبيجو والاوبل وبقية العربيات كدة ولا دة عيب فى اtoyota