الموضوع: تحذير هام لاعضاء المنتدى المحترمين

المشاركة الأصلية كتبت بواسطة truss

طبعاً اللى عملته دة غلط , ملح الليمون دة تحطه اثناء تنضيف دورة التبريد و العربية واقفة ماتمشيش بيها مشاوير, لأنه هياكل الصدا و طبعاً عشان مياه الحنفية الصدا هيكون كتير
لازم تفك الموتور عشان تركب ماسورة بدل اللى اتقطمت و الخراط يبص على الصبابات لأنها ممكن تكون اتعوجت من السخونة
بما انك فاكك الموتور اى جوانات او اويلسيهات تعبانة غيرها, لو طرمبة المياه تعبانة غيرها هى كمان.
بعد ما تخلص يا ريت تنضف دورة التبريد (خلى الميكانيكى يعملهالك) عن طريق انك تكب مياه فى القربة و العربية شغالة و تفك خرطوم الراجع للقربة و اى خراطيم بايظة غيرها , و نضف بخرطوم مياه عادى من غير ملح او اى اضافة بعد كدة حط مياه خضرا بتركيز خفيف و غيرها كل سنة من غير تنضيف او وجع دماغ و انسى مياه الحنفية دى لأنها بهدلت الدنيا عندى انا كمان و حصلت معايا مشكلة زى مشكلتك
بالنسبة لاجرة الميكانيكى كويسة مش غالية

مشكور ياعم زياد بس اعتقد ان شاء الله المكنة مفيهاش حاجة عشان انا اخدت بالى والعداد وصل للنصف فقط واول ما شوفتة وقفت على طول وبطلت العربية واخواتنا ( محمد ممدوح باشا ) و ( طارق باشا ) جزاهم الله خيرا قالولى ممكن المكنة متتحلش وانا هسالهم على التفاصيل وجزاكم الله خيرا

يا باشا مشكلة الماسورة دى ظهرت عاندى ولا فكيت موتور ولا حاجة،والميكانيكى كان قريبى وحلها ليا بطريقة سهلة وبسيطة جدا مع ان زور الماسورة كان مهرى تماما.
تجاب حتة ماسورة بلاستيك خضرا نص بوصة( ال هيا بتاعة السباكين دى ) ودهن ع الماسورة معجون حديد وراح مدخلها فى الماسورة من جوة وسابها خمس دقايق تقريبا،بعد كده راح داهن معجون حديد ع الماسورة من برة وسابه شوية لحد مايشد وكرر الموضوع ده مرتين او تلاتة،ومن ساعتها ومفيش اى مشكلة والحمد لله.

المشاركة الأصلية كتبت بواسطة mmamdouh

بص هو الموضوع فيه وجهة نظر مختلفة...

اولا انا اعتقد ان العربية دى كانت دورة المية فيها مصدية اصلا بشكل سىء للغاية و بيتحطلها مية حنفية من سنين عشان كدة كانت مكونة كمية صداء كبيرة و فيها حاجات كتير مهرية

اللى عملتة مش غلط بس هو للاسف كشف عيب مية الحنفية و طول مدة استخدامها لان ملح الليمون عمرة ما ياكل الحديد بالتالى الماسورة اللى باشت كان معظم الحديد اللى فيها اتحول الى صداء و لما الملح دوبة مبقاش فاضل فى الماسورة حاجة

راعى ان نفس الحوار دة هيتكرر تانى مع طبب الموتور لانهم حديد برضة و دول من اوائل الحاجات اللى بتتاثر بالصداء و انا شوفت القصة دى فى عربية زميل جابت مية من طبة و لما غيرنا باقى الطبب احتياطى مفيش واحدة طلعت الا و الصداء هاريها و واكل معظمها

الميكانيكى اللى روحتلة بيشتغلك لان الموضوع مش محتاج الموتور يتفك اصلا... العربية اللى بحكيلك عليها كان فيها نفس المشكلة و الميكانيكى بتاعى كان عندة ظور معمول جاهز عند الخراط و ركبة فى 5 دقايق... بس طبعا كان فاكك اصلا المانفول عشان يغير الطبب الخلفية فا الموضوع كان سهل

mmamdouh

الف شكر يا باشا طيب الميكانيكى بتاع حضرتك دة فين عشان استاذ طارق فى الرد بتاعة قالى ان محمد عبدة ممكن يعمل الموضوع دة وانا ساكن فى مدينة السلام وعايز اقرب مكان ليا وفعلا ان عاجز عن الشكر عشان انا كنت مدايق جدا من موضوع فك الماتور وبالنسبة للزور اروح للخراط الاول يعملى زور والخامة بتاعة الزور المونيوم ولا حديد الف شكر مرة تانية

المشاركة الأصلية كتبت بواسطة tarek_2005

الزور محمد عبده بيغيره بدون فك الموتور بيفك المنافولد فقط وبالمرة غير الثماني طبب علشان مشاكلهم هتبداء تظهر معاك غيرهم بالمرة وشيك علي مواسير البوابة بتاعة المياه علشان هتلاقيها متاكلة كمان علشان ترتاح من مشاكل دورة التبريد الي هتظهر معاك بعد كده

جزاك الله خيرا يا استاذ طارق بس ممكن اعرف مكان محمد عبده وكمان اروح للخراط الاول يعملى ماسورة ولا هو هيكون عنده والماسورة هتكون خامتها اية وكمان مواسير البوابة فعلا مصديين جامد جدا الحل بتاعهم هيكون اية والف الف شكر لحضرتك ولكل الناس الى ردت عليا وللمنتدى الرائع نايل موتورز