الموضوع: انا كل شهرين اغير لمض فوج لايت ليه؟؟؟؟؟؟؟؟؟؟

اولا لمض 100 وات او 55 وات فى شبورة اللانوس الصغيرة ولا ليهم لازمة.
انا عن نفسى جبت فوانيس d-max وركبتهم وظبط الفبرة من برة واحطط لمض 100وات وما شاء الله نورهم زى الفل وبقالهم معايا 5 اشهر (عشان الحسد)

عامة انا من المنصورة وجايب الفوانيس تقريبا ب 70 وجوز لمض ثلجى ب35ج واى واحد بتاع فيبر هيضبطلك الحكاية وصدقنى هتحس بفرق جبار. لان فوج لايت الانوس حتى بالزينون ولا ليه لازمة غير وهتشوف الفرق

انا برضة عندى نفس المشكلة
بس كل مرة أروح للكهربائى يقولى المشكلة مش فى اللمبة اللمبة سليمة و زى الفل المشكلة عندى فى قاعدة اللمبة فلاغاها ووصلها ( بلدى ) بكلبسات

المشاركة الأصلية كتبت بواسطة meero_boy2000

ياجماعه زي مالعنوان باين انا كل شهر ونص او شهرين اغير لمض فوج لايت واخر مره الكهربائي خلاني جبت نفس النوع اللي بيتباع في التوكيل وبرضه اتحرق اعمل ايه زهقت مع العمل ان اللمضه الاصليه اللي راكبه في اليمين ماشاء الله عليها بقالي 3 سنين شغاله .... اعمل ايه ؟ مع العلم اني بجيب العاديه 55 وات مش اعلي ولا حاجه ... حد يقولي ايه الحل ؟؟؟

جرب اللى يركب اللمبة يكون لابس جوانتى او يمسح اللمبة بقطنة بها سبرتو قبل التركيب و ما يلمسش اللمبة لان اليد بتبقى فيها دهون بتعمل hot spot و تكون سبب فى حرق اللمبة سريعا

السﻻم عليكم
انا كان عندى نفس المشكله بس الكهربائى خد باله ان الاقصدام عندى كان بيتهز مع المطبات ،لذلك كانت الفوج ﻻيت بتتحرق، لما ربط اااقصدام الدنيا استقرت

يارب اكون قدرت اساعد وشكرا