هانشتري توك توك لمصاب بعجز كلي ومش لاقي شغل.هاتساعدنا في المقدمة؟

السلام عليكم ورحمه الله
في شخص كان بيشتغل ساعي في شركة في العاشر من رمضان
ومتزوج ولدية اطفال ويعول اخواتة بنات ايضا
اصيب برباط صليبي اقعدة عن الحركة وعمل شوية عمليات وحاليا بقي بيمشي بعكاز دائم
ليس له اي دخل
وعشان هو عفيف النفس عايز يشتغل مش عايز مساعدة
وبعد طول تفكير لقينا ان انسب حل ليه هو التوك توك
هانشتريلة توكتوك بدل ما بنساعده بمساعدات شهرية
مقدمة التوك توك 6 الاف
يا ريت كلنا نساعده وهو تبقي ساهمت في فك كربة وتوفير عمل واعانة اكثر من اسرة شهريا
وهو يشتغل عليه ويكمل بقية ال 20 الف جنية ثمن التوكتوك
واللي هايشرف علي عملية الشراء والمتابعة الشيخ سيد امين احد افضل الناس ممن عرفتهم في العمل الخيري علي مدار سنوات عمري
اللي يحب يساعد يقدر يبعتلي او يراسلني او يكلمني مباشرة
01001263030

رقم حسابي بالبنك الاهلي سوستية جينرال
736-10029904283-96
كريم سراج منير

يا باغي الخير اقبل
اخوكم في الله
كريم منير.

للتذكرة

جزاك الله خيرا

كريم ممكن تخلى الموضوع عن طريق الحوالات البريديه اسهل للناس ومنعا للاحراج برضو
يعنى ممكن يكون واحد مش هيقدر يدفع غير 10ج مش هينفع انه يجيلك علشان يدفعها
ياريت مكتب البريد اللى ممكن الناس تحول عليه

اقتباس:

---

المشاركة الأصلية كتبت بواسطة mado83

كريم ممكن تخلى الموضوع عن طريق الحوالات البريديه اسهل للناس ومنعا للاحراج برضو
يعنى ممكن يكون واحد مش هيقدر يدفع غير 10ج مش هينفع انه يجيلك علشان يدفعها
ياريت مكتب البريد اللى ممكن الناس تحول عليه

---

تمااااااام

هو لازم توكتوك؟
اديك شايف منتشرين اد ايه و مدى معاناه الناس منهم
انا مش عارف حالة اللراجل بالظبط ربنا يشفيه و الناس كلها بس مافيش افكار اخرى؟

اقتباس:

---

المشاركة الأصلية كتبت بواسطة sherifahmed

هو لازم توكتوك؟
اديك شايف منتشرين اد ايه و مدى معاناه الناس منهم
انا مش عارف حالة اللراجل بالظبط ربنا يشفيه و الناس كلها بس مافيش افكار اخرى؟

---

لو فى عندك فكره تانيه او حل تانى قوله

بسم الله والحمد لله والصلاة والسلام على رسول الله

أخي الفاضل / أبو عبد الرحمن , جزاك الله خيرا

معاك إن شاء الله

فمن فرّج عن مؤمن كربة من كرب الدنيا فرج الله عنه كربة من كرب يوم القيامة

والله في عون العبد ما كان العبد في عون أخيه

والصدقة تطفيء غضب الرب كما يطفيء الماء النار

وكل إنسان في ظل صدقته يوم القيامة

أسأل الله أن يفرج عنك وعن جميع المؤمنين كربات الدنيا والآخرة

ءامين يا رب العالمين

وصل اللهم وسلم على الحبيب محمد

بعتلك رسالة علي الخاص... أكثر الله من أمثالك...

السلام عليكم
شكرا لتفاعلكم في الموضوع
اولا مش لازم تعمل حوالة بريدية لانهم هايخدو منك رسوم حوالة
لكن تقدر تعمل ايداع في حسابي مباشرة وتبلغني بمبلغ الايداع في رسالة خاصة او رسالة موبايل
عشان الفلوس ما تدخلش علي حسابي واقدر اسحبها وافصلها
والايداع مابيكلفكش ولا مليم عكس الحوالة ليها رسوم
رقم حسابي بالبنك الاهلي سوستية جينرال
736-10029904283-96
كريم سراج منير

اما بخصوص ليه اخترنا التوكتوك
لانه مش من القاهرة من الشرقية
وده الانسب للمنطقة الي ساكن فيها لاننا لو فتحنا له محل مثلا مش هيقدر يقوم يقف يناول الناس الحاجة
فلازم يكون قاعد
وهو ساكن على مشارف ارياف وده مناسب للمنطقة بتاعته جدا
ولو كان في القاهرة كنت اعترضت على المبدء فورا
--------------------------
في حاجة بس حابب اقولها يمكن ماتهمش ناس كتير لكن فرقت معايا انا شخصيا
ان اول شخص ساهم في الموضوع ده زميل وصديق معانا من سنين (مسيحي)
فرق معايا لان الخير مابيعرفش ديانة ولا بيعرف اسمك ايه وانت مين
الخير بيفرق معاه انت مصري عايز مساعدة وعايز تشتغل هاساعدك من غير ماعرفك
فرق معايا لانه بياكدلي كل يوم ان المصريين لسه بخير وان نايل موتورز لسه بيضم صفوة عقول المصريين والحمد لله
بعد اللي شوفتو من اخونا مينا ومساعدتة للجمعية الخيريه بتاعت اسوان وتجديده للميكروباص بتاعهم بدون مايخد مليم مقابل
واللي شفته تاني النهاردة
اكدولي اننا لسه اخوات (ولكم دينكم ولي ديني) رغم اللي بيعملو الاعلام المحروق اللي لا يسامحهم دنيا واخرة
خالص تحياتي

جزاك الله خيرا يا كريم وجعل الله هذا العمل فى ميزان حسناتك
ومعاكم بإذن الله فى العمل دة
وربنا يعافينا جميعا من شر البلاء والإبتلاء والحاجه والسؤال
هتواصل معاك على التليفون .

اقتباس:

---

المشاركة الأصلية كتبت بواسطة karim_monir

السلام عليكم
شكرا لتفاعلكم في الموضوع
اولا مش لازم تعمل حوالة بريدية لانهم هايخدو منك رسوم حوالة
لكن تقدر تعمل ايداع في حسابي مباشرة وتبلغني بمبلغ الايداع في رسالة خاصة او رسالة موبايل
عشان الفلوس ما تدخلش علي حسابي واقدر اسحبها وافصلها
والايداع مابيكلفكش ولا مليم عكس الحوالة ليها رسوم
رقم حسابي بالبنك الاهلي سوستية جينرال
736-10029904283-96
كريم سراج منير

اما بخصوص ليه اخترنا التوكتوك
لانه مش من القاهرة من الشرقية
وده الانسب للمنطقة الي ساكن فيها لاننا لو فتحنا له محل مثلا مش هيقدر يقوم يقف يناول الناس الحاجة
فلازم يكون قاعد
وهو ساكن على مشارف ارياف وده مناسب للمنطقة بتاعته جدا
ولو كان في القاهرة كنت اعترضت على المبدء فورا
--------------------------
في حاجة بس حابب اقولها يمكن ماتهمش ناس كتير لكن فرقت معايا انا شخصيا
ان اول شخص ساهم في الموضوع ده زميل وصديق معانا من سنين (مسيحي)
فرق معايا لان الخير مابيعرفش ديانة ولا بيعرف اسمك ايه وانت مين
الخير بيفرق معاه انت مصري عايز مساعدة وعايز تشتغل هاساعدك من غير ماعرفك
فرق معايا لانه بياكدلي كل يوم ان المصريين لسه بخير وان نايل موتورز لسه بيضم صفوة عقول المصريين والحمد لله
بعد اللي شوفتو من اخونا مينا ومساعدتة للجمعية الخيريه بتاعت اسوان وتجديده للميكروباص بتاعهم بدون مايخد مليم مقابل
واللي شفته تاني النهاردة
اكدولي اننا لسه اخوات (ولكم دينكم ولي ديني) رغم اللي بيعملو الاعلام المحروق اللي لا يسامحهم دنيا واخرة
خالص تحياتي

---

شكرا للاستاذ مينا
هو حضرتك بتسمي ده اعلام ؟؟ و لا دول سياسيين ؟؟ دول حثاله القوم و الله يا كريم
حسبي الله و نعم الوكيل

تحياتي لمينا، و اتمني اني أتشرف بمعرفتك، يا رب مصر ترجع زي زمان و مش زمان قوي والله

اتشرفت بيك باشمهندس نشأ ونشوفك بخير قريب

ما وصل الحساب حتي الان
1000+300
جزاكم الله كل خير
يا باغي الخير اقبل

السلام عليكم
مجموع ما تم حتي الان
2930 جنيه فقط من اصل 6000 جنيه مقدمة التوكتوك
معقول كل نايل موتورز مش عارفين نجمع 6 الاف جنيه :-(

يا باغي الخير اقبل

يا استاذ كريم بلاش التوك التوك خدها نصيحة مني .. انت بترميه لأرض التهلكة كده .. هيدخل جوه مجتمع موبوء يا يطبع بطباعهم يا ميرضاش ينصاع ليهم ويعملولو مشاكل كل يوم بجد اقذر فئة بتوع التكاتك !!!

اقتباس:

---

المشاركة الأصلية كتبت بواسطة mohaakotb

يا استاذ كريم بلاش التوك التوك خدها نصيحة مني .. انت بترميه لأرض التهلكة كده .. هيدخل جوه مجتمع موبوء يا يطبع بطباعهم يا ميرضاش ينصاع ليهم ويعملولو مشاكل كل يوم بجد اقذر فئة بتوع التكاتك !!!

---

هو في مدينة نائية مش في القاهرة (العاشر من رمضان شرقيه )
وصعب جدا نوفرله شغل وهو قعيد ووراه ناس كتير يصرف عليهم
درسنا حاجات كتير قوي حتى كشك صغير وبرضه مانفعش وده كان الحل الوحيد
والمدينة مالهاش موقف والكلام ده زي ما شوفت من كذا سنة
انت بتنزل تمشي ف الشارع وتاخد زبونك وتوصله
يعني مالوش احتكاك بيهم
خاصة انه قعيد تقريبا

طيب في مشكلة تانية وممكن تنزل بنفسك تسأل سواقين التوكتوك .. وهي السرقة .. سرقة التكاتك بالذات بقت علي ودنه لأن سهل جدا حد يركب معاه وهوبا يسرقه عادي جدا وبالذت هو قعيد زي ما بتقول ف لو هتجيبو توكتوك فكرو ايه اللي ممكن يتعمل عشان يحاول يتجنب الموضوع ده

أنا خايف لحسن يتسرق منه ويتبقى عليه الأقساط ونبقى ضريناه من حيث أردنا أن نفيده


أنا للأسف خارج مصر - لكن مستعد أشارك بمبلغ كويس من مال الله الذي عندي لو فيه مشروع أفضل


لو حد عنده فكرة أفضل يشارك بدل من أن نتفرج وننتقد من غير فايدة



.

والله لو فكرنا بمنطق ان كل حاجة ممكن تتسرق يبقي الراجل ده مش هايلاقي شغل

المبلغ اصبح 3430
يا باغي الخير اقبل

ربنا يكرم باذن الله يا كريم

جزاك الله خيرا

5280
جزاكم الله كل خير
يا باغي الخير اقبل
فاضل حوالي 700 جنيه

تقريبا كدة فاضل 600 جنيه
هانت

5200 جنيه+270 دولار
هم مقدمه التوكتوك ما تم جمعه وسيتم دفعهم كلهم كمقدمه وجاري الشراء وموافتكم بالجديد
جزي الله خيرا كل من ساهم في هذا العمل الطيب
نسأل الله الكريم رب العرش العظيم ان يجعله خالصا لوجه كاملا
دون شبهة رياء ولا نفاق