السلام عليكم
استهلاك البنزين عالى قوى فى العربيه وهى بقاله اسبوعين
عرض للطباعة
السلام عليكم
استهلاك البنزين عالى قوى فى العربيه وهى بقاله اسبوعين
انت ماشى قد ايه يا باشا ؟؟؟؟ ومعدل استهلاكك قد ايه ؟؟
مبدأئيا فى كام ملحوظة لازم تاخد بالك منها بالنسبه لموضوع البنزين :
1- التنك اصلا صغير 38 لتر فعليا لحد اللمبه لما تنور ... و 5 لتر احتياطى يعنى اجمالى 43 لتر
2- العربيه مكتوب فى مانيوال العربيه ان الاستهلاك عالى اول 5000 كم ....
لو عاوز تطمن زياده هتلاقى استيكر على الزجاج الى ورا شمال ..... هتلاقى مكتوب على الشمال ثلاث حروووف كبيره شفهم و قولى عليهم ....
سمعت ان كان فيه مشكلة ما في السوفت وير بتاع العربية وبيتم تعديله في صيانة ال 5000 او قد يكون الشركة عاملة كده قصد لحد اما تعدي اول 5000 وبعد كده بتتعدل
العربيه عمل 320 كيلو ماشى وكانت مفول العربيه والعدد عمل 150 كيلو دلوقى عدد البنزين نزل النصف فى 170 كيلو
فى نظام توفير البنزين eco معمول NO
لا الحمد لله مفيش مشاكل ... الايكو لو رجلك تقيله على البنزين اللمبه بتطفى لوحدها ... ولو فى الزحمه بيطفى .... شوف كده اتأكد ان النظام معمول على on و امشى هادى خالص لو منوره خلاص تمام و انت رجلك تقيله ,,,, لو مش كده جرب افتح و اقفله تانى .. لو مش كده برده
افصل قواطيش البطاريه بتاع 15 دقيقة و وصلها تانى
استاذ مهاب ممكن تشرحلنا الثﻻث حروف الى حضرتك طلبتهم
و لك كل الشكر
على فكره لو أنت جايب على الشاشه معدل الأستهلاك اللحظى للبنزين يبقى ال eco عمره محتيشتغل
جرب كده و غير ال model و هات trip a أو b أو عداد الحراره و أمشى بالعربيه و شوف كده
طبعا الأستاذ مهاب قال كل الكلام و زياده بس كنت حاب أضيف حاجه
عربيتى عامله حوالى 11000 كم
عند نصف التانك العربيه بتعمل حوالى 180 كم فى الزحمه مع الشد و الحرق
وفى الطرق المفتوحه العربيه بتعمل حوالى 250 كم و ده على سرعه 140-160 يعنى لو تمشى 90-100 ممكن تعمل أكتر من كده
لا شكر على واجب متقولش كده ماهى عربيتى زى ماهى عربيتك بالظبط
بص يا سيدى جرب كده موضوع القواطيش و جرب تانى و ان شاء الله هتظبط ....وبعدها علق ايدك فى زار ال Trip لمده 10 ثوانى هتلاقى لمبه الايكو عملت فلاش 3 او 4 مرات وطفت ... هات العربيه على ال D و سيبها تبدأ تتحرك لووحدها هتلاقى لمبه الايكو منوره كده يبقى كله تمام ..... جرب و قولى طمنى عليك
طب والله انت راجل يروهاوى اصيل و لماح .... كان فايتنى موضوع ان الايكو بيفصل لما بتقلب فى الكمبيوتر ....
ما شاء الله الاستهلاك كويس جدا جدا بالنسبه لعربيه اوتو و بلد زحمه و جرى و حرق
وده معدل استهلاكها العادى .... ومتنساش ان البنزين بتاع البلد دلوقتى وحش جدا و بقه فى شىء لولبى بيخليه يطير بسرعه مبقاش فى خير زى زمان ... :36_2_33:
و فعلا لو على سرعه من 90-110 هتلاقى عملت اكتر من كده كمان ... و عندى ليك بشرى العربيه مش بتاكل بنزين زياده مع التكييف .... ولا اكن التكييف شغال اصلا و الموضوع ده انا الحمد لله مبسوط بيه جدا )
الف الف الف مستر مهاب و tmhami على المساعده الجمله الحمد الله ظهرة علامة الايكو ونورة العدد
سؤال لو الواحد طفي الايكو هيفرق في اي حاجه واحب برده اشكركم علي مساعده زميلنا ولكم خالص التحيه
مش حيفرق فى حاجه خالص غير أنك مش حتحس أن رجلك تقيله على الدواسه ولا لأ