نيسان تتصدر قائمة الاسوأ مبيعا فى السعودية بمجمل 5 سيارات وعلى رأسهم الصنى الجديدة

بالرغم من انتشار سيارات نيسان فى مصر وعلى راسها صنى الجديدة ولاكن يبدو ان علامة نيسان لاتجذب عملاء المملكة العربية السعودية وأن معاناة نيسان في السعودية أكبر مما كنا نتوقعه,

فقد شملت قائمة لأسوأ سيارات مبيعاً في السعودية *
5 سيارات نيسان تعد أهم وأبرز سياراتها, وتصدرت القائمة أيضاً نيسان صني بإنخفاض كبير في

المبيعات ونظرا لمتطالبات الاسواق مع ارتفاع الاسعار الصعب فى مصر الا على النقيد
فى المبيعات بين مصر والسعودية لنفس السيارة .

-وفقاً لإحصائيات رسمية فإن أسوا 13 سيارة مبيعاً في السعودية في عام 2012 هي :

http://s12.postimage.org/jv8bw5ap9/watermark.jpg
نيسان صني كانت أسوأ سيارة مبيعاً في السعودية بإنخفاض وصل إلى -91% لتتراجع 24 مركز وتصبح في المركز الـ99.

http://nileup.com/up/uploads/nilemotors_13624226065.jpg
نيسان ماكسيما إنخفضت مبيعاتها -84% وتراجعت 72 مركز لتصبح في المركز الـ161.

http://s13.postimage.org/syz7tzr87/Armada.jpg
نيسان أرمادا إنخفضت مبيعاتها -72% وتراجعت 118 مركز لتصبح في المركز الـ184.

http://s24.postimage.org/6cfdjk40l/watermark_3.jpg
نيسان ألتيما إنخفضت مبيعاتها -46%, وتراجعت 50 مركز لتصبح في المركز الـ82.

http://s14.postimage.org/ct62zb4fl/watermark_4.jpg

نيسان باترول تراجعت مبيعاتها بقوة على الرغم من أنها مازالت جديدة حيث إنخفضت -57% لتتراجع 69 مركز وتصبح في المركز الـ104.

تويوتا أوريون إنخفضت مبيعاتها -72% لتتراجع 29 مركز وتصبح في المركز الـ70.

شيفرولية أبيكا إنخفضت مبيعاتها-87% وتراجعت 76 مركز لتصبح في المركز الـ173.

ميتسوبيشي لانسر إنخفضت مبيعاتها -71% وتراجعت 66 مركز لتصبح في المركز الـ120.

لكزس GX460 إنخفضت مبيعاتها -48%, وتراجعت 152 مركز لتصبح في المركز الـ195.

هوندا سيفيك إنخفض مبيعاتها -48% وتراجعت وتراجعت 93 مركز لتصبح في المركز الـ130.

مازدا BT-50 إنخفضت مبيعاتها -45%, وتراجعت 86 مركز لتصبح في المركز الـ121.

فورد كراون فكتوريا إنخفضت مبيعاتها بشده بعد إيقاف إنتاجها للتراجع مبيعاتها -80% ويتراجع ترتيبها 8 مراكز وتصبح في المركز الـ44.

فورد اكسبلورر انخفضت مبيعاتها بنسبة -43% لتتراجع 21 مركز وتصبح في المركز الـ34.

* نسبة المبيعات رسمية من شركات السيارات والترتيب ضمن قائمة الـ200 سيارة ..

امال مين اللي ارتفع لامؤاخذة ؟ :)))))))))))

و السعودية بقت من الدول اللي بيجي اسمها في مبيعات السيارات هههههههههههههه يلا مش فارقة ..

و صحيح ده كله منحدر خاااااااااالص ..

بقوا يشتروا الهيونداى والكيا
سيراتو هناك مثلا بـ 37 الف ريال ما اشتريهاش ليه

اقتباس:

---

المشاركة الأصلية كتبت بواسطة تامر.محمد

امال مين اللي ارتفع لامؤاخذة ؟ :)))))))))))

---

هههههههههههههههه كلة نزول للاسف واضح ان شركات اخرى زى ( هيونداى - كيا -كرايسلر - بيجو - رنج روفر - فورد - بي إم دبليو - لكزس - هوندا- دودج )ومش شرط كل سيارات الشركة لامن على الاقل سيارتين او اربعة سيارات بيكون ليهم نسبة مبيعات اكثر من باقى سيارات نفس الشركة واكيد بتعمل عروض ومبيعات افضل ولو عاوز تعرف اية ارتفع اكيد نيسان فى مصر :) مبيعات ماشاء الله للصنى وانا ذكرت دة فى بداية التقرير ولمعلومات اكتر راجع التقرير للسيارات الاكثر مبيعا فى السعودية :

http://www.nilemotors.net/Nile/339663-a.html

اقتباس:

---

المشاركة الأصلية كتبت بواسطة Dr'AhmZZong

و السعودية بقت من الدول اللي بيجي اسمها في مبيعات السيارات هههههههههههههه يلا مش فارقة ..

و صحيح ده كله منحدر خاااااااااالص ..

---

هههههههههههه اة والله السعودية دة هههههههههه !!! وهى السعودية اية اليعيبها ان يكون ليها جدول بيعرض نسبة المبيعات سواء افضل او اسوأ السيارات مبيعا ؟ ما هما عندهم عربيات افضل وشريحة كبيرة من كل الانواع تقريبا والمبنحلمش بية فى مصر بسعر مناسب لدخلهم ومعيشتهم

ولو عاوز تكون اكثر تحديدا المبيعات والسيارات فى مصر هى البقت منحدر خاااااااااااااااااالص فعلا :))

سيارات تعبانة و تتفكك بسرعة

ياريت تعدل العنوان عشان يبين ان ده في السعوديه عشان العنوان يخض

هى القصة ان فى السعودية بيحبوا ماركات معينة

يعنى اكتر حاجة التويوتا و الشيفروليه وبعد كده الهيونداى

وطبعا للامكانيات المادية هناك فأكيد بتلاقى العربيات الهاى محبوبة هناك زى البى ام و الأودى و الفيرارى و الهامر .... الخ.

اقتباس:

---

المشاركة الأصلية كتبت بواسطة abudrsh

سيارات تعبانة و تتفكك بسرعة

---

باريت حضرتك بما انك عايش بالسعودية تنقل لنا بصورة اوضح وبشكل مفصل اكثر رايك لو تملك سيارة من شركة نيسان او قمت بقيادتها من قبل و ورايك فى الشركة بشكل عام وشكرا على مشاركتك

السعوديه بيحبوا التويوتا جدا وخصوصا اللاند كروزر
غير ان الجيتا الجديده ب 70 الف ريال
ودودج ب 100 الف
اسعار العربيات في السعوديه تهبل
…

فعلا بيحبوا التويوتا
ولكن بردوا انا اعتقد ان السبب مع الصني هو الشكل بنسبة اكتر
علما انهم بيحبوا بردوا الشكل القوي او الجميل
مجرد رأي ..

فكك من الصني ماشي مفيش خلاف
لكن بقي الوحووووووووووووووش الماكسيمااااااااااا ....... ايه بقي ؟؟ هههههههههههههههه

----------------------------------
بعد اذنك انا بعت تقرير مشاركة لتعهديل العنوان وتخصيص التقرير ده بالسعودية فقط

لا ابدا اتفضل انا حابب اوضح نفطة ان الغرض من المواضيع انها تجذب القارىء خاصة فى قسم الاخبار فياريت مناخدش الموضوع بشكل حساس او ان عنوان الموضوع حيقلل من المبيعات او اشياء من هذا القبيل انا حبيت اوضح للجميع لية بتكتب العناوين

بهذا الشكل وطبعا اهم شىء المحتوى انة يكون فعلا مماثل لعنوان الموضوع علشان المصداقية ودة ما توفر بالعكس انا اثنيت على مبيعات نفس السيارة فى مصر وعلى التوكيل بشكل عام ويارب تكون وجهة نظرى وضحت

جزاك الله عنا خيرا يارب ..... تصدق من ساعه ماشوفت الماكسيما السودا اللي في تاني صورة بالوقفة اللي واقفاها ديه مش عارف اطلعها من دماغي .... حسبي الله ونعم الوكيل بجد :)))))

الكوري هناك بقي عامل شغل عااااااالي.
حتي هنا في الكويت الماكسيما فقدت عرش السيارات ودخل مكانها بشكل منافس كيا اوبتما وهيونداي سوناتا.يعني قصاد كل خمس سيارات كيا اوبتما في واحده نيسان ماكسيما.
لكن برضو النيسان صني عامله مبيعات مقبوله هنا علشان شغاله تاكسي وبالإضافه الي الستات اللي بيشتروها.

اقتباس:

---

المشاركة الأصلية كتبت بواسطة mohamed.ramah

لا ابدا اتفضل انا حابب اوضح نفطة ان الغرض من المواضيع انها تجذب القارىء خاصة فى قسم الاخبار فياريت مناخدش الموضوع بشكل حساس او ان عنوان الموضوع حيقلل من المبيعات او اشياء من هذا القبيل انا حبيت اوضح للجميع لية بتكتب العناوين

بهذا الشكل وطبعا اهم شىء المحتوى انة يكون فعلا مماثل لعنوان الموضوع علشان المصداقية ودة ما توفر بالعكس انا اثنيت على مبيعات نفس السيارة فى مصر وعلى التوكيل بشكل عام ويارب تكون وجهة نظرى وضحت

---

مختلف مع حضرتك
العنوان لازم يعبر عن المحتوي لان في ناس ممكن تعدي بسرعه ومتدخلش الموضوع وتشوف العنوان تغير وجهة نظرها عن النيسان او تتخيل ان فيها مشكله وتكون مش فاضيه تدخل تقرا التفاصيل

ده غير ان الطريقه دي ممكن تخلي الناس متدخلش مواضعيك او علي الأقل ده وجهة نظري يعني

الموضوع ده مش حلو فى حق صقور النيسان

اقتباس:

---

المشاركة الأصلية كتبت بواسطة sonasteel

جزاك الله عنا خيرا يارب ..... تصدق من ساعه ماشوفت الماكسيما السودا اللي في تاني صورة بالوقفة اللي واقفاها ديه مش عارف اطلعها من دماغي .... حسبي الله ونعم الوكيل بجد :)))))

---

ههههههههههههههههه ربنا يكرمنا بالعمل فى الامارات علشان نرتاح من كتر الفرجة ونبتدى نركب عربيات بجد

اقتباس:

---

المشاركة الأصلية كتبت بواسطة shaddadfalcon1

مختلف مع حضرتك
العنوان لازم يعبر عن المحتوي لان في ناس ممكن تعدي بسرعه ومتدخلش الموضوع وتشوف العنوان تغير وجهة نظرها عن النيسان او تتخيل ان فيها مشكله وتكون مش فاضيه تدخل تقرا التفاصيل

ده غير ان الطريقه دي ممكن تخلي الناس متدخلش مواضعيك او علي الأقل ده وجهة نظري يعني

---

وجهة نظر تحترم بس مفيش حد بيدخل يقرا وهو مش فاضى علشان يغير وجهة نظرة بمجرد ما يقرا عنوان موضوع :) اظن صعب

العربيات الكوري حققت قفزات كبيرة في المبيعات في دول الخليج في السنوات الاخيرة و خاصة هيونداي - كيا
أما السيارات الاوروبية التي كانت تكاد تكون نادرة بدأت تحقق مبيعات جيدة أيضا خاصة رينو و بيجو اللتان بداتا في أنتهاج سياسة اليابنيين و الكوريين من عمل مواصفات خاصة للأجواء الخليجية

اقتباس:

---

المشاركة الأصلية كتبت بواسطة samir elshahawy

العربيات الكوري حققت قفزات كبيرة في المبيعات في دول الخليج في السنوات الاخيرة و خاصة هيونداي - كيا
أما السيارات الاوروبية التي كانت تكاد تكون نادرة بدأت تحقق مبيعات جيدة أيضا خاصة رينو و بيجو اللتان بداتا في أنتهاج سياسة اليابنيين و الكوريين من عمل مواصفات خاصة للأجواء الخليجية

---

او نقدر نقول ان الشغل بقس واحد مفيش فرق
مفيش غيرنا اللي في مصر عايشين علي ذكريات الماضي
اوروبي ياباني كوري صيني

اقتباس:

---

المشاركة الأصلية كتبت بواسطة تامر.محمد

امال مين اللي ارتفع لامؤاخذة ؟ :)))))))))))

---

:tumb:
صحيح اومال ايه اللي ارتفع و لا هي مبيعات السيارات عندهم بصفه عامه انخفضت؟ ياريت لو ينفع حضرتك تكمل بقيه التقرير اللي مطلع كل عربيات نيسان ما تتباعش ده :Oc_sun1[1]:

النيسان التيما ومكسيما
معشوقة الشباب فى امريكا

انا معاك فعلا ان الصنى عمر ما العرب يركبوها اصلا لانها بالنسبة ليهم سكوتر
الصنى هتلاقى تواجدها فقط فى الدول الفقيرة مصر الهند وباكستان ....... الخ

بالنسبة للعرب بيفضلوا العربيات العالية عن الارض وكل عربياتهم جيب

بس المكسيما دى مخيفة يا باشا وحوار تانى خالص ملهاش دعوة خالص بالصنى نهائئئئئئئئئئئئئئى

اقتباس:

---

المشاركة الأصلية كتبت بواسطة dr'ahmzzong

و السعودية بقت من الدول اللي بيجي اسمها في مبيعات السيارات هههههههههههههه يلا مش فارقة ..

و صحيح ده كله منحدر خاااااااااالص ..

---

السعودية أكبر سوق للسيارات في الدول العربية كلها

وبمراجعة بسيطة على إحصائيات مبيعات السيارات في العالم... نجد أن سيارات الركوب المباعة في السعودية تصل في حدود الـ530 ألف سيارة خلال عام 2012 فقط .. بخلاف الأنواع الأخرى مثل الأوتوبيسات وسيارات النقل وخلافه

وعند المقارنة مع مبيعات السيارات في مصر... ففي خلال 2012 قدرت مبيعات سيارات الركوب بحوالي 223 ألف سيارة

بمعنى أن مبيعات السيارات في مصر = 42% من مبيعات السعودية

ولا تنسى أن تعداد السكان في السعودية حوالي 30 مليون فقط (آخر تقدير للسكان في 2012)
والأرقام الرسمية للسكان في مصر تقول أن تعداد السكان في مصر يصل إلى 83 مليون (يناير 2013)

أي أن سكان السعودية = 36 % من سكان مصر


بعد الأرقام السابقة ... ألا تعتقد أن سوق السيارات السعودي يعتبر أهم سوق في المنطقة ؟؟؟



...

شكرا على الموضوع

اقتباس:

---

المشاركة الأصلية كتبت بواسطة amrelsaqqa

بقوا يشتروا الهيونداى والكيا
سيراتو هناك مثلا بـ 37 الف ريال ما اشتريهاش ليه

---

37 الف فين ده ياباشا :) دى السيراتو الهاى لاين معديه ال 70 الف ريال

اقتباس:

---

المشاركة الأصلية كتبت بواسطة land_cruiser

:tumb:
صحيح اومال ايه اللي ارتفع و لا هي مبيعات السيارات عندهم بصفه عامه انخفضت؟ ياريت لو ينفع حضرتك تكمل بقيه التقرير اللي مطلع كل عربيات نيسان ما تتباعش ده :oc_sun1[1]:

---

اعلى 10 عربيات فى 2012 بالترتيب

كورولا - أكسنت - كامرى - النترا - ياريس - سوناتا - لاندكرور - فورد اكسبديشن - شيفروليه تاهو - تويوتا فورتشنر - كيا سيراتو

اكتر عربيات مبيعاتها زادت مقارنة ب 2011 هما الفورد وبعدها الالنترا

اقتباس:

---

المشاركة الأصلية كتبت بواسطة borio1704

السعودية أكبر سوق للسيارات في الدول العربية كلها

وبمراجعة بسيطة على إحصائيات مبيعات السيارات في العالم... نجد أن سيارات الركوب المباعة في السعودية تصل في حدود الـ530 ألف سيارة خلال عام 2012 فقط .. بخلاف الأنواع الأخرى مثل الأوتوبيسات وسيارات النقل وخلافه

وعند المقارنة مع مبيعات السيارات في مصر... ففي خلال 2012 قدرت مبيعات سيارات الركوب بحوالي 223 ألف سيارة

بمعنى أن مبيعات السيارات في مصر = 42% من مبيعات السعودية

ولا تنسى أن تعداد السكان في السعودية حوالي 30 مليون فقط (آخر تقدير للسكان في 2012)
والأرقام الرسمية للسكان في مصر تقول أن تعداد السكان في مصر يصل إلى 83 مليون (يناير 2013)

أي أن سكان السعودية = 36 % من سكان مصر


بعد الأرقام السابقة ... ألا تعتقد أن سوق السيارات السعودي يعتبر أهم سوق في المنطقة ؟؟؟

...

---

مظبوط كلامك السعوديه تعتبر أكبر دوله من حيث إجمالى المبيعات فى 2012 بحوالى 700 الف , ودا تقريبا نص مبيعات دول الخليج اللى باعوا حوالى مليون ونص السنه اللى فاتت

علي فكرة دا ترتيب أكثر السيارات انخفاض ف المبيعات مش أسوأ مبيعا.. ينعي مثلا الصني أكثرهم انخفاض في المبيعات مقارنة بالسنة الماضية لكنها مازالت متقدمة عن سيتارات تانية

اقتباس:

---

المشاركة الأصلية كتبت بواسطة crayvor

علي فكرة دا ترتيب أكثر السيارات انخفاض ف المبيعات مش أسوأ مبيعا.. ينعي مثلا الصني أكثرهم انخفاض في المبيعات مقارنة بالسنة الماضية لكنها مازالت متقدمة عن سيتارات تانية

---

لا دى بعيده اوى

الشكل الجديد باع 793 , والشكل القديم 671 , يعنى الاجمالى مايكملش 1500

العربيات التانيه اللى من فئتها اكتر بكتير , أكسنت 39819 ياريس 26956 ريو 9474 افيو 3290 سونيك 2870 لوجان 2634