أخوكم لسه مترقي قريب و بقا عندي مكتب
المهم مش عارف أحط عليه ايه فعاوز أعرف انتم عاملين ايه
عشان أعمل زيكم لو في حاجه تناسبني
عرض للطباعة
أخوكم لسه مترقي قريب و بقا عندي مكتب
المهم مش عارف أحط عليه ايه فعاوز أعرف انتم عاملين ايه
عشان أعمل زيكم لو في حاجه تناسبني
الف مبروك
ممكن تجيب طقم مكتب محترم
http://www.postimage.org/Pq1G3b30.jpg
شكرا يا باشا الله يخليك
تقليدي حبيتين :g: وانا مش كده خالللللللللللللص;)
طب خد دية ممكن تضع حوض سمك صغير
http://www.postimage.org/aV1rWgaA.jpg
ممكن تضع حوض سمك كبير
http://www.postimage.org/aV1rWsEi.jpg
ممكن تحط كريستالة بشكل مميز ....
ممكن تحط كرة ارضية صغيرة بس تكون شيك
ممكن تحط ساعة رملية ... وكل شوية تقلبها وتقعد تتفرج علي الرمل وهو نازل ببطئ ...
انت مجال شغلك ايه ؟؟
سياحه وافده
بنجيب ألمان مصر
خلاص ممكن تحط طيارة نحاس كيرة شويه
في ركنه
وعلم الجمهوريه جنب المكتب (وراء الكرسي علي اليمين)
وسفيفان تعلقهم بالتقاطع في اي جنب علي الحيطه
ولوحه زيتيه (يكون فيها رسمه للمياة وشجر علي ضفافها)
سيفان غلطه من الكيبورد مش مني
الف مبروك الترقيه
انا شفت الموضوع قولت ابارك
و دايما في احسن المناصب ان شاء الله:)
اما بخصوص تحط ايه علي المكت ما اعرفش لان متبي طول عمره فاضي
مش بحط عليه حتي طقم مكتب هو كمبيوتر و كفايه كده:)
حط كمبيوتر وطابعة دول حيكلوا المكتب كله
حط صورة أولادك
لو أنت مسلم حط مصحف أو "ما شاء الله" خشب قائمة
لو مسيحي أكيد عندكم حاجة بتتباركوا بيها
أحلى حاجة بقه تحط نموذج لعربيتك أو لأي عربية بتحبها , (في نماذج تحفة لعربيات الستينات الأميركاني)
أضف إلى ذلك أنا حاطت زجاجة مياة شياكة وكأسين من الغاليين
أهم سؤال بقه أنت عندك شغل طول ما أنت قاعد وألا بتقضيها ؟؟؟
لو شغلك كتير , الملفات و الأوراق حتملا المكتب لوحدها عد كام يوم بومش حتبقى محتاج تحط أي حاجة
أولا شكرا ليكم جميعا
أنا حاطط كريستاله لذيذه عشان الورق باستخدمها كتقاله
و حاطط كمان علبه كان حديد كانت بتاعت فول سوداني شيك )مش من مصر) باحط فيها كميه غريبه من الاقلام والكوريكتور
و طبعا الشاشه واخده مكان انما الطابعه علي شريوه جنبي الماذربورد عالأرض تحت المكتب
بس فعلا مع الوقت شكلها كده مش محتاج أي حاجه المكتب مابيبانش الا لما أمشي منه .....................
أدعولي ربنا يكرمني و يكملها علي خير
بص انا مكتبى حاطط عليه الاتى
نتيجة على شكل مثلث ، نتيجة ورقية يومية ، أرفف بلاستيكية لترتيب الورق على المكتب ، خرامة ورق ، دباسة ، حامل بكرة شريط لاصق ، براويز بالصور بحجم 10 * 15 ، وعاء اقلام على شكل دائرى ، دليل يلو بيجز .
لو مكتبك خشب بنى كلاسيكى ممكن تجيب ما سبق من النوع الجلد المكسى و يباع طقم على بعضه اما لو مكتب من الانواع الحديثة الموبيكا اللى بتبقى بيضاء اللون المودرن ففى هذه الحالة يفضل شراء ما سبق من الانواع الملونة حتى يعطى شكل جميل للمكتب و تحس بزهاء الالوان فى مكتبك
طالما شغلك سياحة ممكن تحط مجموعة تماثيل صغيرة شيك على جمب كده
جمال مثلا أهرامات مسلة كده يعني
وكمان ممكن تعلق صورة بردي
مجرد رأي