والله عظيم برش الناموسة بالفليت والريد عشر ثوانى متصلة وما بتموت دلونى على مبيد قوى

**ديمو** · 04-03-2013 09:38 PM

يا ناس والله العظيم النامس اللى فى البيت عندى ملوش حل مش عارف واخد مناعة ضد كل انواع المبيدات

برش الناموسة المحبوسة ورا الستارة و الشباك رش مباشر عشر ثوانى والناموسة ولا هنا ولا فيها اى حاجة

برش بمبيد الفليت والريد ضد الحشرات الطائرة ان الناموسة حتى تتدروخ مفيش ولا اى حاجة

فما بالكم لو رشيت الناموس فى الهواءء

حد يعرف مبيد قوى فتاك نفشى اعرف انام من الناموس وزنتة ؟

**ابوحبيبة2010** · 04-03-2013 09:54 PM

المشاركة الأصلية كتبت بواسطة ديمو

يا ناس والله العظيم النامس اللى فى البيت عندى ملوش حل مش عارف واخد مناعة ضد كل انواع المبيدات

برش الناموسة المحبوسة ورا الستارة و الشباك رش مباشر عشر ثوانى والناموسة ولا هنا ولا فيها اى حاجة

برش بمبيد الفليت والريد ضد الحشرات الطائرة ان الناموسة حتى تتدروخ مفيش ولا اى حاجة

فما بالكم لو رشيت الناموس فى الهواءء

حد يعرف مبيد قوى فتاك نفشى اعرف انام من الناموس وزنتة ؟

معقول طب انت ساكن فين اكيد فى الارياف

**m_elkhishin** · 04-03-2013 10:03 PM

اقوى مبيد حشري > بايجون Baygon
آنا جربته في النوع الخاص بالحشرات الزاحفة، نتيجته غير طبيعية، ممكن يموتك انت شخصيا لو ملبستش قناع وانت بترش.

**ديمو** · 04-03-2013 10:04 PM

المشاركة الأصلية كتبت بواسطة ابوحبيبة2010

معقول طب انت ساكن فين اكيد فى الارياف

ساكن فى الدور التامن فى برج ووسط البلد !!!!!!!

**abokoko** · 04-03-2013 10:10 PM

كان جنبنا بركة مياه صرف
والناموس كان حاجه فوق الوصف
ودلوقتى الحمد لله نادر لما بنشوفه علشان البركة جفت

تستخدم صاعق + جهاز ناموس كهربائي بالاقراص
الطريقه
القرص اللى استخدمته فى الجهاز لا تلقي به
1- قفل الشقه بالكامل
2- شغل جهاز صاعق الناموس
3- طفي جميع الانوار ( النور الوحيد هيبقي نور الصاعق )
4- على البوتجاز وعلى العين الصغيره وطيها على الاخر واحرق القرص المستعمل
الدخان هيهيج الناموس ويخليه يتحرك وبالتالى حركة الناموس هتكون فى اتجاه نور الصاعق - يبدا الصاعق عمله وهيموت الناموس - جهاز الاقراص هيضمن استمرار القضاء على فلول الناموس - ملاحظه - بعد 10 دقائق ابقي هوى الشقه وافتح الشابيك بس فقط اللى عليها سلك وتمتع بنوم هادى ان شاء الله

**alking_2006** · 05-03-2013 01:45 AM

جرب ريد السائل (جهاز فيه سائل بيتحط فى الفيشة) ب 27 جنيه و بيقعد مدة كبيرة و لما تغيره متشتريش السائل فقط اللى ب 20 جنيه لأنه مضروب و لكن اشترى جهاز تانى بالسائل بتاعه ب 27 جنيه و مش فرق كبير
+
صاعق من نوع توشيبا فقط و بيبقى فى حدود 360 جنيه

و بلاش استخدام الرش لأن اضراره كتير وخصوصا لو عندك اطفال
و ادعيلى

**Dr_Mido** · 05-03-2013 08:18 AM

عن تجربه ريد السائل بيجيب نتيجه جميله جدا وملوش ريحه

**mado83** · 05-03-2013 08:59 AM

ياجدعان الراجل ده بيتكلم عن الناموس اللى بيرش عليه مابيموتش
الناموس ده عنده مناعه ضد الرش اسالونى انا عليه عندى باقيت عيلته
والصاعق شغال بقاله سنتين متصلين والريد الرش اللى بدون ريحه بجيبه زى العيش كل يومين والريد الاقراص جبت الجهاز الكهربا بتاعه وكنت بولع فيه برضو والريد السائل
وبرضو ولا اى اندهاشه
بس الحل العملى هقولك عليه ولكن مش هيجيب من الاخر برضو خد بالك
المكنسه هتشغلها وتصطاد بيها الناموس عارف هو ده الحل الوحيد انك ماتجريش وراه وتموته لا انته هتشفطه فقط هتشيل اليد بتاعت المكنسه وباليد الطويله بس وتعيش
ودى رياضه زى صيد البط والسمك والعصافير
اسمها رياضه صيد النموس بالمكنسه
واستمتع بالتجربه

**zrzr1** · 05-03-2013 09:02 AM

ازرع نعناع ف الشقه d:

**mado83** · 05-03-2013 09:09 AM

المشاركة الأصلية كتبت بواسطة zrzr1

ازرع نعناع ف الشقه d:

هيعمل ايه بقه النعناع
هو فعلا فى زرعه مش عارف اسمها بتطرد الناموس

الموضوع: والله عظيم برش الناموسة بالفليت والريد عشر ثوانى متصلة وما بتموت دلونى على مبيد قوى

LinkBack

أدوات الموضوع

عرض

-

-

-

-

المواضيع المتشابهه

دلونى ياناس دلونى ,كاسيت الاوبترا

سيارة جديدة من تويوتا متصلة بالانترنت و تغير نمط هيكلها الخارجي و تحيي سائقها

يااااااااااااااااااااه اخيرا روحت !! بس والله والله والله فى امل

هي البطارية بتموت مرة واحدة كدة؟؟؟

(بالفيديو) حرام والله الناس اللي بتموت (ارجوكم استعمال حزام الأمان)

الكلمات الدلالية لهذا الموضوع

المفضلات

المفضلات

ضوابط المشاركة