الموضوع: الاوكتافيا الجديده 1.4tsi

المشاركة الأصلية كتبت بواسطة hany63

دي طلعت منك اوت و عامل لنا فيها خبير سباقات هههه
لو على ال ١٢٢ حصان يبقى بخ طب ما الهيونداي و السيراتو اعلى من كده
قوة الموتور يا باشا في حاجتين
اولا العزم الشديد ٢٠٠ نيوتن اللي بيجي على ١٨٠٠ لفه و ده طبعا بيخلي العربيه تتسارع بغباء في الار بي ام الواطي يعني بلمسه تلقى العربيه عملت زي الحصان لدرجة ان العجل كان بيفرك مني كتير غصب عني و العربيه ماشيه و طبعا العزم ده لايفرق معاه تحميل العربيه باوزان او مطالع او بتكييف او اتجاه الهوا يعني العربيه فايقه على طول بالبلدي
تاني حاجه
الفتيس يعتبر مانيوال بالكامل و بدون ديلاي بين النقلات عشان دايما النقله الاعلى متحضره بواسطة الاسطوانه التانيه ستاند باي يعني و ده طبعا بيخلي الفاقد في العزم الواصل على العجل تقريبا مافيش و خصوصا انه يعتبر من غير زيت بيسموه dry clutch

اولا انا مش خبير ولم ادعى الخبرة ابدا الى فى مجال عملى ودراستى
ثانيا اى سيراتو واى هيونداى الى 122 حصان صباح الفل دى اخرها على الداينو من 85 الى 88 حصان
انما العربيات الاوربى 100 حصان يعنى 100 حصان
ثالثا العزم على وزن 1200 كيلو مش مهم يكون 230 او 200 نيوتن هوة انا راكب عربيه نقل ولا ديزل--طب ما تشوف الهامر كام حصان وعزمها كام نيوتن وابقه قلى التوب سبيد بتاعها كام--فيرنا تروقها--
وبعدين التوب سبيد بتاع الباسات tsiبخ ايوة مافيش اخرها 210-215-فين بقه 230 نيوتن ولزمتهم ايه فى السرعه القصوى--بالعربى بعد 200 عربيه 1600 محترمه تطلع منها
يا باشا توب سبيد عالى يعنى حصان عالى تجميع سريع يعنى عزم محترم والاتنين ميستغنوش عن بعض

المشاركة الأصلية كتبت بواسطة inspiron

رغم إن الكلام من الوكيل ... بس بردو مش هصدق بيه غير لما تنزل العربية..أرتوك مش عبيط..ده رغم مساوءه فهو أنصح من النصاحة نفسها..لازم يشوف حل بديل للفتيس ده قبل ما ينزل العربية..وبالنسبة للسعر بردو محدش يقدر يعرف السعر حتي لو الوكيل غير لما بجيلهم بيان رسمي قبل تسليم الدفعة الأولي بـ 10 أيام ( وهذا ما حدث في a5 عام 2005 - وفي فانتازيا عام 2009 )

ملحوظة أخيرة بالصدفة البحتة..زميل لي في العمل..أخوه مسئول مبيعات في أرتوك غمرة !! ومعندهمش أي معلومات أكيدة حتي الآن..

وأخيراً طبعاً بشكرك علي مشاركتك تحت أي ظرف. تحياتي لك

مش عارف بس ده كان مدير المبيعات هناك و قالي علي الاسعار دي مبدائيه و قالي قابله للزياده حسب سعر الدولار وقت ما العربيه هاتنزل !!
الفكره اللي هو كان عايز يوصلها اني انسي تماما ان الاوكتافيا الجديده سعرها هايكون اقل من 220,000 ... و اكد لي علي الفتيس ال DSG 7 speed و قولتلوا علي المشاكل بتاعته في VW قالي ماهو نازل عندنا في الsuperb 1.8 TSI و مافيش مشاكل منه !!

المشاركة الأصلية كتبت بواسطة blazer

الفتيس دا هيوقف سوقها الا لو اتح عليه ضمان كبير 5 سنوات بدون حد اقصى للكيلو متر مثلا
شكرا للمعلومات

كلمته علي الموضوع بتاع الضمان علشان ال DSG قالي الضمان العادي سنتين بدون حد اقصي للكليومتر و لو هاتعمل الصيانات بتاعتك في السنتين دول في التوكيل في حاجه اسمها Good Will لمده سنتين بعد الضمان لو حصلك مشاكل في الحاجات الاساسيه في العربيه زي الموتور و الجير بتغيرهم و بتدفع فقط 25% من ثمنها

المشاركة الأصلية كتبت بواسطة lanos2004

اولا انا مش خبير ولم ادعى الخبرة ابدا الى فى مجال عملى ودراستى
ثانيا اى سيراتو واى هيونداى الى 122 حصان صباح الفل دى اخرها على الداينو من 85 الى 88 حصان
انما العربيات الاوربى 100 حصان يعنى 100 حصان
ثالثا العزم على وزن 1200 كيلو مش مهم يكون 230 او 200 نيوتن هوة انا راكب عربيه نقل ولا ديزل--طب ما تشوف الهامر كام حصان وعزمها كام نيوتن وابقه قلى التوب سبيد بتاعها كام--فيرنا تروقها--
وبعدين التوب سبيد بتاع الباسات tsiبخ ايوة مافيش اخرها 210-215-فين بقه 230 نيوتن ولزمتهم ايه فى السرعه القصوى--بالعربى بعد 200 عربيه 1600 محترمه تطلع منها
يا باشا توب سبيد عالى يعنى حصان عالى تجميع سريع يعنى عزم محترم والاتنين ميستغنوش عن بعض

زي ايه العربيات ال1600 الي ممكن تطلع من باسات علي 215 ؟؟