-
انا معرفش الكلام راح فين !!!!!!!!!!!!!!!!!!!!!!!!!!!!!!!!!!!
النت شكلة هيس هكتبلكم الموضوع تانى فى مشاركة اهو
بسم الله الرحمن الرحيم
السلام عليكم ورحمة الله وبركاته
زمان كان عندى عربية نيسان مارش كانت سرة العجلة الامامية بتقع دايما وانا ماشى وتفضل محشوة بين الجنط الحديد والطاسة وتلقلق على طول وتعمل طوت خبط حديد فى حديد فى بلاستيك ياريت تفهمو الصوت وتحسو بيه
دلوقتى فى لانسرتى البومة بسمع الصوت ده جاى من ورا شمال وانا سايق فى المطبات وبحس جدا انه من العجلة الخلفية شمال
المهم كنت بعمل صيانة عند المتخصصون قلتلهم اكشفولى على العفشة علشان بسمع صوت غريب
المهم كشفوا قدام وورا تمام ومفيش اى حاجة
قلتلهم طيب الصوت دا جى منين خالد اللى هناك انا خليتة يسوق العربية ويجربها ويسمع الصوت نزل قالى هو بس الحاجت اللى انت حاطتها فى الشنطة عاملة الصوت ده اما العفشة سليمة
انا فضيت الشنطة خالص لدرجة ان جهاز السينسور بارك انا مركبة وحاطة ورا فرش الشنطة شيلتة هو كمان وجربت برضة الصوت موجود رفعت العربية اشوف بنفسى يمكن حاجة سايبة مفيش هتجنن
-
غالبا المساعد الخلفي بيخبط داخليا
يعني بيفتح للاخر و يرزع و خصوصا في المطبات الصغيرة
عايز حل جذري يبقي ركب ميزان خلفي و خلي خالد يجربلك مساعد تاني من عنده و جرب و فك الطنابير الخلفية رجلش التيل الخلفي برضة يمكن بيخبط
-
مهو خالد رجلشلى الفرامل الورانية وبرضة الصوت زى ما هو بس لو المساعد بتهيالى انى لازم اسمع صوت ترزيع ودا صوت عبارة عن زى مثلا لو خبط انت معلقة فى معلقة جوة كباية ازاى مش صوت ترزيع يعنى
-
بس لو فى حاجة فى العفشة كان خالد قالى دا هو اللى نزل بنفسه تحت العربية وكشف على العفشة وقالى ان العفشة سليمة
-
لا المساعد لما بيخبط داخليا بيعمل صوت مكتوم
وريها لخالد تاني و قوله كريم بيقول المساعد و خد رأيه
-
انا اتخنقت من الرعشة على سرعة 100 ومن ام الصوت دا وخالد كل لما اروحلة يقولى العربية سليمة ومفيش حاجة فى العفشة وانهاردة قالى تعالالى بكرة ابص عليها على اساس انى ساكن فى الشارع اللى جنبة ولما قلتلة مينفعش انا مش كل يوم فى القاهرة قالى طب تعالى الشركة بكرة اكشف على الزوايا وايه علاقة ام الزوايا بالرعشة
-
جرب صامولة الكاوتش يكون فيهم واحد مش مربوط كويس.. حصلت معايا.. واتاكد من ربط فانوس الخلفي ممكن يكون بيطلع صوت مع الحفر وانت بتحس انه من الكاوتش.. واتاكد من تربيط تانك البنزين تحت والشكمان
-
ممكن تروح لحد تانى خالص وتشوف هو هيقولك ايه
-
لو المساعد بيخبط يبقى تركب صدادات
-
شوف ياباشا الاستبن ثابت كويس ولالاء و صامولتة مربوطة كويس ولا لاء
Content Relevant URLs by
vBSEO 3.6.0 PL2