تجديد رخصة العربية عن طريق الانترنت

**wael abbass** · 03-08-2008 05:09 PM

ممكن يا جماعة لو حد عملها قبل كدة يقلي لو في مشاكل ولا لا لاني عاوز اجدد ومش لقي وقت اروح المرور
مع العلم باني عنواني فر الرخصة انا مبقعدش فية كتير دلوقتي فممكن اديهم عنوان تاني يجبوههلي علية
لو حد عندة تجربة في هذا الموضوع يشاركها معايا لان انا قلقان منهم

**osama** · 03-08-2008 05:41 PM

انا جربت فقط احضار شهادة مخلفات وكانت النتيجة جيدة

**wael abbass** · 04-08-2008 10:47 AM

محدش عنة اي تجربة اخري

**mohamed_mm** · 04-08-2008 10:52 AM

انا جربت التجديد عن طريق الانترنت وكانت النتيجة ممتازة كلمنى المندوب على الموبيل واتفقت معاه على المكان شرط تسليمة الرخصة القديمة:nerd:

**ahmed_su** · 04-08-2008 11:13 AM

انا جددت الرخصة عن طريق الانترنت وهى جت فى خلال 4 ايام والموضوع مريح جدا
المندوب يتصل بيك وتكون مجهزله الرخصة القديمة وصورة البطاقة والفلوس (والشاى بتاعه)
واذا كان عليك مخلفات ممكن برضه تدفعها عن طريق النت

بس كل ده بشرط انه مايكونش عندك فحص (لان ده يتطلب الذهاب للمرور واخذ بصمة الشاسيه والموتور ...الخ)

**SHLD** · 04-08-2008 12:22 PM

طيب يا جماعة أنا شاري عربية من سنة تقريبا الرخصة مرور فيصل هتنتهي في 12-2008 والفحص 2010 وأنا عامل عقد بيع مسجل من سنة بس أنا مش ماضي مشتري وأنا المرور اللي أنا تبعه في الرخصة الخاصة والبطاقة عين الصيرة تبع القاهرة وأنا حاليا مقيم في السويس بس البطاقة والرخصة القاهرة هل ينفع إن أنا أنقل الرخصة باسمي عن طريق الانترنت ولا لازم أروح الجيزة أو القاهرة لان أنا ما عنديش وقت ولاممكن أكتب العربية باسم حد مضمون لي في السويس بطقته ورخصته ومحل الاقامة السويس لاني متواجد في السويس ومش عايز أغير محل الاقامة وإية الاجراءات اللي أعملها في الوقت دة

**Esraa_tarek** · 17-08-2014 03:23 PM

السلام عليكم
من فضلكم عايزة أعرف لو هجدد الرخصة بعد ما عملت نقل الملكية و معايا عقد التسجيل .. و مامضيتش مشتري

أولا: مش معايا صورة البطاقة للمالك القديم .. هل مطلوبة ؟؟ لأني لما حاولت اني أجيب شهادة المخالفات من على النت طلب رقم البطاقة للمالك و بالتالي ماعرفتش أجيب شهادة المخالفات

ثانيا: المفروض ان التجديد في شهر 11 و الفحص مكتوب 2015
هل ينفع اني أجدد و أعمل الفحص في سبتمبر ؟؟ و ايه الخطوات المطلوبة ؟؟ أرجو المساعدة

ثالثا: هل فعلا ممكن ده يتم عن طريق النت ؟

جازاكم الله كل خير

**Dr-walaa** · 28-08-2014 09:02 AM

المشاركة الأصلية كتبت بواسطة ahmed_su

انا جددت الرخصة عن طريق الانترنت وهى جت فى خلال 4 ايام والموضوع مريح جدا
المندوب يتصل بيك وتكون مجهزله الرخصة القديمة وصورة البطاقة والفلوس (والشاى بتاعه)
واذا كان عليك مخلفات ممكن برضه تدفعها عن طريق النت

بس كل ده بشرط انه مايكونش عندك فحص (لان ده يتطلب الذهاب للمرور واخذ بصمة الشاسيه والموتور ...الخ)

مشكووووووووووور بس ممكن الموقع