صيانة ال 20 ألف كيا سيراتو ... أرجو النصيحة

وكيل كيا عامل تخفيضات على فلتر الزيت واليوجيهات . سألت فى السبع (زهراء المعادى) قالى لأه التخفيضات مش عندنا ...فقط فى الوكيل .
أنا حجزت فرع القطامية وعاوز أعمل صيانة ال 20 ألف (سيراتو 2010 خليجى sx)
العداد 17000

1 - ما هو أفضل نوع بوجيهات .

2 - انا كنت غيرت فلتر الهوا فى صيانة ال 10 ألاف ... أغيرة كمان دلوقتى ؟

3 - حد ينصحنى بزيت غير شيل ولا أصلا الوكيل مش هيرضى .

4- العربية عاملة 17000 ... شاريها من سنتين ونصف ... المفروض انى أغير زيت الفرامل والباور ؟ وما هى أفضل أنواع ؟

5- فيه تربيط عفشة ؟

6 - فيه غسيل موتور ؟

الشل ممتاز طبعا
فيه ليكوى مولى و فالفولين و كاسترول كلهم كويسين جدا

الوكيل بيتحكم فى عربياته بس انت عربيتك خليجى

زيت الباور مبيتغيرش زيت الباكم هو الى ممكن تغيره لانه بياخد رطوبه من الجو - تغير المياه برضه لو ريحتها او لونها متغيرين

البوجيهات الان جى كيه ممتازه و خصوصا لو ايريديوم و دى بتقعد 100 الف او الجى باور و دى 60 الف

فلتر الهوا لسه بدرى على تغييره طالما مغيره على ال 10 الاف يتنضف بالهوا بس

اكيد هيربطوا العفشه و ممكن يعملوا روتيشن للكاوتش و فى التوكيلات بيغسلوا المواتير برضه

وجهه نظرى الشخصيه طالما عربيتك خليجى ممكن تتعامل مع المراكز الى بره لان التخفيض الى الوكيل عامله هيبقى قدامه زياده فى المصنعيات و انتظار كبير و العربيه خليجى فى الاصل

الصيانه طالما بتمشى قليل يبقى زيت تخليقى و تعمل صيانتك كل سنه مره و تغير فيها الزيت و تشيك على العربيه

اقتباس:

---

المشاركة الأصلية كتبت بواسطة AlGazar2

الشل ممتاز طبعا
فيه ليكوى مولى و فالفولين و كاسترول كلهم كويسين جدا

الوكيل بيتحكم فى عربياته بس انت عربيتك خليجى

زيت الباور مبيتغيرش زيت الباكم هو الى ممكن تغيره لانه بياخد رطوبه من الجو - تغير المياه برضه لو ريحتها او لونها متغيرين

البوجيهات الان جى كيه ممتازه و خصوصا لو ايريديوم و دى بتقعد 100 الف او الجى باور و دى 60 الف

فلتر الهوا لسه بدرى على تغييره طالما مغيره على ال 10 الاف يتنضف بالهوا بس

اكيد هيربطوا العفشه و ممكن يعملوا روتيشن للكاوتش و فى التوكيلات بيغسلوا المواتير برضه

وجهه نظرى الشخصيه طالما عربيتك خليجى ممكن تتعامل مع المراكز الى بره لان التخفيض الى الوكيل عامله هيبقى قدامه زياده فى المصنعيات و انتظار كبير و العربيه خليجى فى الاصل

الصيانه طالما بتمشى قليل يبقى زيت تخليقى و تعمل صيانتك كل سنه مره و تغير فيها الزيت و تشيك على العربيه

---

++++++++++++++1

اقتباس:

---

المشاركة الأصلية كتبت بواسطة salodas

وكيل كيا عامل تخفيضات على فلتر الزيت واليوجيهات . سألت فى السبع (زهراء المعادى) قالى لأه التخفيضات مش عندنا ...فقط فى الوكيل .
أنا حجزت فرع القطامية وعاوز أعمل صيانة ال 20 ألف (سيراتو 2010 خليجى sx)
العداد 17000

1 - ما هو أفضل نوع بوجيهات .

الوكيل مش هيرضي يغيرلك إلا البوجيهات اللي عنده

2 - انا كنت غيرت فلتر الهوا فى صيانة ال 10 ألاف ... أغيرة كمان دلوقتى ؟

معتقدش انه هيحتاج يتغير - إلا لو انت بتمشي في حتت فيها تراب كتير فممكن يحتاج يتغير

3 - حد ينصحنى بزيت غير شيل ولا أصلا الوكيل مش هيرضى .

برضه الوكيل مش هيرضى يغيرلك إلا زيت شل اللي عنده

4- العربية عاملة 17000 ... شاريها من سنتين ونصف ... المفروض انى أغير زيت الفرامل والباور ؟ وما هى أفضل أنواع ؟

الكتالوج كاتب ان زيت الفرامل يتغير كل 64 الف كم أو 32 شهر , هنا في التوكيل تقريبا بيغيروا زيت الفرامل كل 40 ألف كم

زيت الباور مش عارف بيتغير امتي

فيه كمان زيت الفتيس و الفلتر الوكيل هنا بيغيرهم كل 40 ألف كم

5- فيه تربيط عفشة ؟

كل صيانة بيكون فيها تربيط عفشة

6 - فيه غسيل موتور ؟

تقريبا انت بتطلبه و بيكون بـ 35 جنيه على ما أتذكر

---

الحمد لله عملت صيانة ال 20 ألف .
-- 125 ج زيت سوبر (معرفش السوبر ده شيل ولا حاجة تانية ) . زيت 5000 كيلو
-- 30 ج فلتر زيت (طبعا كان ببلاش فى العرض لو غيرت 10000 وطالما غيرت 5000 تدفع تمنه)
-- 144 بوجيهات (معرفش نوعها ) بس الى ملاحظة ان البوجيهات القديمة حالتها كويسه فهل مممكن أركبها مرة تانية ؟
-227 ج مصنعيات (بصراحة حرام ) انا كنت بعمل صياناتى فى مراكز الخدمة .... المصنعية كانت لا تتعدى ال 120 جنيه
-- 50 ج ضريبة مبيعات

أنا طبعا مغيرتش فلتر الهوا لأن واحد ضحك عليا وغيرة فى صيانة ال 10 ألاف ... وهو حالتة كويسة جدا بعد النفخ بالهوا ... فهل ممكن يشتغل تانى ؟

مبروك الصيانة وفعلا اسعار الصيانات غليت
مصنعية 15 %
قطع غيار 10 %
بس ان غيرت ل 5 الاف ليه ؟ انت عملت الصيانة فين ؟

حرام تحط فى الماتور زيت ال 5000 الماتور لسه جديد و بشوكه

ده الماتور عندى بحطله ال 5000 ده و انا مستحرم بس عشان خلاص اتعود عليه و لو خففت اللزوجه بس الزيت بيروح

يعنى لو كنت عملت الصيانه فى مركز بره مش لازم التوكيل و غيرت الزيت ب 10000 بدل المصنعيه و الضريبه السرقه دول كان افضل بكتير

يعنى أيه يا رجالة ..... هو ال 5000 فيه مشكلة ...... أنا قولت أغير له عشان انا مش بمشى بالعربية كتير