السلام عليكم انا عضو جديد معاكم عايز اعرف العربية Brilliance FRV & Brilliance FRV Cross
كويسين و لا لأ يا ريت اعرف العافشة و الثبات و قطع الغيار و التوكيل و افضل الالوان و سع الصالون و بتستحمل بهدله و لا لأ و يا ريت كمان اعرف اجيبها منين
و شكرا جزيلا لكم
ايه يا جماعة هو مفيش حد يعرف ولا ايييييييه
اخى الحبيب
العربيتين نفس العافشة ونفس الإتساع من الداخل
الفروق بينهم
الجنط الكروس 16 والعاديه 15
سنسور فى الكروس العاديه لا
عتب واكصدامات منفخة فى الكروس العادية لا
جريده على السقف فى الكروس العادية لا
الموتور مفيش اختلافات ولا العافشه ولا الحجم ولا الفتيس ولا حجم الشنطة ولا الصالون
وده يعنى الثبات واحد وطبعا العربيات دى ثابته على السرعات
التوكيل البفارية ابورواش والقطامية وطبعا غالى
قطع الغيار متوفره خارج التوكيل وفى موضوعات كتير عنها فى القسم واى استفسار تحت امرك
الألوان دى مسألة نسبيه وانا افضل السيلفر لأن بلدنا مفيهاش تراب خاااالص!!!
صالونها كويس بالنسة لعربيه هاتشباك تاخد 5 افراد بالغين
والعربية حمالة اسيه فعلا شيل وحمل واجرى زى متحب وسافر على راحتك
التانك 55 لتر استهلاك البنزين تقريبا 250 كم فى الصفيحه فى المتوسط بالنسبة لل 1600 cc
العربية شبابيه جدا وعائليه بردك حتحبها لما تسوقها
وقبل كل ده استخير
منين بقه تجيبها ممكن من البفاريه او الموزعين زى ابو غالى والمعارض
بس انا معنديش فكره هيا موجوده دلوقتى ولا حجز
وتحت امرك فى اى استفسار
تقبل تحياتى
الاخ الكريم meshmesh78 مشكور جدا على تعاونكم معايا
انا نفسى بس اعرف ليه العربية مش منتشرة ماهى بردوا حاجة تقلق منها يعنى مثلا الناس بتقولى خليك فى الفيرنا او اللانوس عشان بياعة و قطع غيارها موجوده عند البقال !!!!!!
يا ريت يا جماعة لو حد يعرف حاجة عن الموضوع ده يقولى و جزاكم الله كل خير
اقتباس:
المشاركة الأصلية كتبت بواسطة meshmesh78
للأسف الكروس 2013 مافيهاش سنسور بارك أما العاديه الأتوماتيك فيها سنسور
على فكرة العربية
منتشرة جدا
وقطع غيارها موجوده وسعرها كويس
طب ماعندك الرينو ستيب واى اشد منها اعلى و اوسع وارخص
السلام عليكم :
انا لسه متردد من شرا اى عربية انا نفسى اعرف معلومات اكتر عن العربية دى
بيقولو ان الموتور ميتسوبيشى بس يا ترى صينى و لا لآ و كمان اخبارها ايه لقدر الله فى حالة الحوادث و اختبارات الامان اللى فيها و توكيلها كويس ولا لآ و اخر حاجة اسعار قطع الغيار كويسه ولا لآ
معلس انا اسف عشان طولت عليكم و اتمنى مسعادتكم
و جزاكم الله كل خير
ممكن حد يرد عليا يا جماعة بلييييييييييييييز
يا باشا انت عايز ايه اكتر من عفشة اوكتافيا بتاعة مرمطة و متور تويوتا 1500 او متور لانسر 1600 و abs,abd ,sinsor barking , ثبات تام لحد 160 و سعرها سبعيناتى و شكل لوز اللوز
:3mla:
ياريت بعد اذنك تشوف اللينك ده بخصوص قطع الغيار
http://www.nilemotors.net/Nile/299107-fsv-4.html
والعربيه ما شاء الله ممتازة ومتينه وربنا يبعد عننا الحوادث بس بلا مبالغه عربيه هايله
الموتور متسوبيتشى بيطلع من مصانع لانسر فى الصين
ونفس قطع غيار اللانسر بتركب عليه
وموفق ومتقلقش واستخير