فلتر هواء سبور واستخدام أكتر من سنة cai

**1.8Tee** · 06-03-2013 08:05 PM

باشا انت الخطوة اللى جاية تبقى itb's ....صباح ال throttle response و الصوت العالى الجميل.

**truss** · 06-03-2013 08:24 PM

المشاركة الأصلية كتبت بواسطة hany63

الفلتر حلاوته و هو جديد و بزيت المصنع المشكله ان شهر استخدام في مصر بمقام سنه في اوروبا و الدول المتقدمه بسبب التراب
و رغم اني جبت الكيت الاصليه بتاعة التنضيف مره في التانيه في التالته لما نضفته حسيت ان الاداء بقى ضعيف و الستوك بيخلي العربيه اقوى يعني باظ بعد ال ٢٠ الف

+1

و دى حاجة كمان فى رأيى بتخلى الواحد يحس ان الفلتر الاسبور بيفرق فى الاداء
اللى بيركب فلتر اسبور غالبا بيكون الفلتر الاستوك بتاعه متوسخ و رايح فى داهية و بالتالى لما يركب فلتر جديد هيحس بفرق

**MMamdouh** · 07-03-2013 03:47 PM

المشاركة الأصلية كتبت بواسطة truss

كويس انك اتكلمت فى النقطة دى..
ايه اللى بيخلى الهوا يدخل الاسطوانة؟ الـ vacuum اللى البستم بيعمله و هو نازل فى شوط السحب, و بالتالى اللى هيحدد ضغط الهوا هو الـ vacuum
عند ضغط معين و درجة حرارة معينة --> هيخش كمية mass معينة من الهوا
طب انا عايز ازود كمية الهوا عشان احرق بنزين اكتر و اخد قدرة اعلى من الموتور, يبقى الحل انى ارفع من ضغط الهوا اللى داخل على الاسطوانات
طبعاً انت كمهندس عارف انى مش هقدر ارفع من ضغط الهوا الا لو بذلت work و هو دة اللى بيحصل مع التربو و السوبر تشارجر, انى ببذل work عشان ارفع من ضغط الهوا و بالتالى زيادة كمية الهوا
لكن مع الفلتر الاسبور, فين الطاقة اللى هرفع بيها ضغط الهوا ؟!! مفيش

انا عارف ان كل دة كلام نظرى, و انا عمرى ما سقت عربية قبل و بعد تركيب فلتر اسبور و بالتالى ما اقدرش احكم
و يا ريت اللى فاهم الفكرة يفهمنى

كل اللى قلتة دة كلام لطيف بس انت وقعت منك حتة صغيرة....

كل كلامك مبنى على ان الvolumetric effecency للمكنة 100% و دة غلط... المكن الستوك العادى بتاعنا اخرة 85% او 88% فقط نتيجة الrestrictions اللى فى فلتر الهوا و المنافولد بالتالى المكنة ال2000 سى سى مبتسحبش 2000 سى سى خليط هوا و بنزين انما فى احسن الاحوال بتسحب 1700 سى سى فقط نتيجة العوامل السابق ذكرها

تركيب فلتر بيقلل من مقاومة دخول الهوا فا بيرفع من الvolumetric effecency للمكنة و دة بيترجم لفرق فى الاداء.... لو ركبت individual throttle body system هترفع الكفائة اكتر و اكتر و بالتالى الاداء هيبقى احسن و احسن

العربيات اللى فيها تربو او سوبر شارجر الكفائة الحجمية بتاعتها بتتجاوز 100% لانك بتقدر تدخل حجم هوا اكبر من سعة المحرك نتيجة ضغط الخليط... و دة سبب ان BMW لما نزلت مكنة 3200 تربو كتبت على العربية 745 لان القدرة اللى طلعت من المكنة ال 3200 التربو توازى القدرة اللى طالعة من مكنة 4500 normally aspirated

MMamdouh

**MMamdouh** · 07-03-2013 03:48 PM

المشاركة الأصلية كتبت بواسطة truss

+1

و دى حاجة كمان فى رأيى بتخلى الواحد يحس ان الفلتر الاسبور بيفرق فى الاداء
اللى بيركب فلتر اسبور غالبا بيكون الفلتر الاستوك بتاعه متوسخ و رايح فى داهية و بالتالى لما يركب فلتر جديد هيحس بفرق

الفرق موجود و محسوس جدا يا باشا... القصة اللى بتتكلم فيها دى فى البوجيهات و سلوكها فقط

MMamdouh

**Formulator** · 07-03-2013 04:18 PM

المشاركة الأصلية كتبت بواسطة Eng.Geo

ليه بتتكتم في ال RPMs القليلة ؟
ده تفسيري مش أكتر
ال ECU مش بيظبط الكمية قوي فالهوا بيبقي كتير بالنسبة للبنزين فالعربية بتتكتم
في العالي كدة كدة الموتور ساحب جامد فبيعوض البنزين الناقص ... انا بحاول أوضح وانت أكيد فاهمني :D

طب ماهو بردو بتتكتم (العزم بيقل) فـ المواتير التربو ياGeo؟!! (الجولف والبرافو1.4T) بالفلتر السبورت -لما يدى high-flow؟؟!!!

- وكمان الـECU بيضبط الـAFR بتوصل أقل من 13.0:1 والموتور شغال rich -عشان مايرفعش حرارة الـexhaust >> التربو والموتور يزعلوا :(
فـ بتكون النتيجة ان العربية بتاكل بنزين بزيادة فـ الـlow-end..؟!!

لأ
أعتقد ان دى مشكلة intake length/geometry + حرارة/ضغط الهواء اللى داخل..أكثر منها مشكلة ecu/ afr

يعنى: المواتير اللى فيها VGIS أو Variable-Length intake أو الـplenum فيه هورنات بتعمل swirl >>> سرعة الهواء بتزيد!
والمواتير دى بتتأثر -إلى حد أقل- فـ العزم وإستهلاك البنزين لما يركبله intake مابيعملش turbulence جامد و Air-velocity تفضل عالية

omaaaal هى الـindividual throttle-bodie's بتعمل أيــــــــــه؟؟

المشاركة الأصلية كتبت بواسطة truss

طبعاً انت كمهندس عارف انى مش هقدر ارفع من ضغط الهوا الا لو بذلت work و هو دة اللى بيحصل مع التربو و السوبر تشارجر, انى ببذل work عشان ارفع من ضغط الهوا و بالتالى زيادة كمية الهوا
لكن مع الفلتر الاسبور, فين الطاقة اللى هرفع بيها ضغط الهوا ؟!! مفيش

انا عارف ان كل دة كلام نظرى, و انا عمرى ما سقت عربية قبل و بعد تركيب فلتر اسبور و بالتالى ما اقدرش احكم
و يا ريت اللى فاهم الفكرة يفهمنى

بردو ياباشا --
دا الفلتر السبورت بيقلل الـload على التربوkompressor.. عشان مايبقاش بيسحب هواء againt الـrestriction بتاع العلبة-الـintake؟!!

يعنى المفروض انه بيساعد التوربينة انها تـspool-up أسرع، وبالتالى عزم أفضل؟؟!
- هو دا بيحصل :) بس عـ الـrpmـات العالية -ماتنساش عزم التربو extended لحد 4500-5000 rpm.

still عـ الـrpm القليلة.. العزم بيقل وإستهلاك البنزين عالى :(

**Formulator** · 07-03-2013 04:37 PM

المشاركة الأصلية كتبت بواسطة 1.8Tee

باشا انت الخطوة اللى جاية تبقى itb's ....صباح ال throttle response و الصوت العالى الجميل.

Lol

هيبقى جامد على عربيتك أجيو :))

بس هتحتاج تشيل الشبكة من الإكصدام خالص.. وتعمل ductــات للـ4 من الـwindow؟!!
هههههههههههههههه

بس أعتقد الـitb هتبقى مفيدة أكثر فـ المواتير الـhigh-revv يابروs.. يعنى مشهورة أوى فـ الـS2000 ومكن الـS البيمر-M///
- كمان الـv-tec والـvalvetronic بيفتح على rpm عالية فـ المواتير دى! فـ بيغير فـ الـintake-pressure كتييييييييير!! :)

-@ أجورج:
هو الموتور الـ2.0 فيه VGIS أو vvt زى مواتير الـGM-Opel اللى بعد كده؟؟ ولا عشان E-tec مفيهوش؟!!!

المشاركة الأصلية كتبت بواسطة MMamdouh

تركيب فلتر بيقلل من مقاومة دخول الهوا فا بيرفع من الvolumetric effecency للمكنة و دة بيترجم لفرق فى الاداء.... لو ركبت individual throttle body system هترفع الكفائة اكتر و اكتر و بالتالى الاداء هيبقى احسن و احسن
MMamdouh

بس مش لازم الكنترول يتعدل لما يتعمل تغيير أساسى كده فـ الـintake ياممدوح؟؟
يعنى الـecu هتقدر تعمل adopt للفرق الجامد ده؟!! والـremap ممكن يحل مشلكة العزم والبنزين ولا لأ :))

- هو فـ التربو المواتير بتستوعب أفضل طبعا عشان الـEfficiency.. هو anyway بيسحب جاااااااامد!!
بس لسه فيه drop فـ العزم وإستهلاك البنزين!

**MMamdouh** · 08-03-2013 01:43 AM

المشاركة الأصلية كتبت بواسطة Formulator

بس مش لازم الكنترول يتعدل لما يتعمل تغيير أساسى كده فـ الـintake ياممدوح؟؟
يعنى الـecu هتقدر تعمل adopt للفرق الجامد ده؟!! والـremap ممكن يحل مشلكة العزم والبنزين ولا لأ :))

- هو فـ التربو المواتير بتستوعب أفضل طبعا عشان الـEfficiency.. هو anyway بيسحب جاااااااامد!!
بس لسه فيه drop فـ العزم وإستهلاك البنزين!

اعتقادى الشخصى لا لاننا برضة بنتكلم فى فرق 10% فى كمية الخليط اللى المكنة بتسحبها بعد التعديل مش اكتر من كدة و الكونترول ممكن يتعامل مع الفرق دة بسهولة او على الاقل المشكلة هتبقى قرب اللفات القصوى للمكنة و ممكن دة يتحل برشاشات بflow اعلى من الستوك

MMamdouh

**MMamdouh** · 08-03-2013 01:49 AM

المشاركة الأصلية كتبت بواسطة truss

كلام سليم
طب ايه رأيك فى موضوع كتمة العربية على السرعات القليلة مع الفلتر الاسبور (على حسب كلام جيو)
هل دة طبيعى و لامكان تثبيت الفلتر مش حلو مثلاً

واحد ابن حلال على منتدى daewootech كان شرحلى الحوار دة و انا مجمعتوش اوى بس هى الخلاصة ان المقاومة الى بيعملها الفلتر الستوك بتساعد على سحب الهوا اسرع لما تدوس على دواسة البنزين مقارنة بفلتر رياضى مش بيقاوم مرور الهوا

انا شخصيا مفهمتش اوى اللى قالة و بالتالى مش عارف اشرحة بشكل دقيق انما اللى انا متاكد منة من خلال كذا تجربة عملية ان كل ما تقلل مقاومة الهوا اللى داخل للمكنة الاداء بيتحسن على لفات عالية نتيجة زيادة القدرة انما عزم المكنة بيقل على لفات قليلة

اللى انا شايفة ان الموضوع فى الاصل مش زيادة قدرة انما هو تغيير شكل منحنى القدرة و العزم للمكنة مش اكتر... منحنى العزم بيقل سنة عندل فات قليلة و بيزيد سنة عند لفات عالية و بالتالى درجة ميلان منحنى القدرة بتبقى اكبر

من هنا نعرف ان اللى عايز يركب فلتر و يستفيد بية لازم تبقى سواقتة حرق و معظم الوقت لفات موتورة عالية... انما اللى بيسوق جوة المدينة و اخرة 3000 لفة فى الدقيقة الفلتر هيخللى اداء العربية اسواء من الاول

MMamdouh

-

الموضوع: فلتر هواء سبور واستخدام أكتر من سنة cai

LinkBack

أدوات الموضوع

عرض

-

-

-

-

-

-

-

المواضيع المتشابهه

فلتر هواء سبور لنيسان صني 98

فلتر هواء سبور للبيع

فلتر هواء سبور

فلتر هواء سبور لشاهين كربراتير

للبيع فلتر هواء سبور استعمال 3 أيام

الكلمات الدلالية لهذا الموضوع

المفضلات

المفضلات

ضوابط المشاركة