الموضوع: فلتر هواء سبور واستخدام أكتر من سنة cai

طيب معلش خدوا بقى رأى اخر من واحد مركب الفلتر الاسبور سيموتا من 8 سنوات

اولا : طبعا كلكوا عارفين انا عربيتى SiR محرك 1600 سى سى

هجاوب على الاسئلة بناء على تجربتى :

1- الفلتر الاسبور بالنسبالى ممتاز جدااااااا , كصوت واداء وحتى تنظيفة عندى اخرة تنظيف بالبلاور كل شهر مرة او كل اسبوعين لو مشيت فى اماكن رملية كتير

2- الفلتر الاسبور السيموتا مش محتاج تنظيف بالزيوت لانة فلتر dry فقط تنظيفة بالهواء وشكرا

- فية ناس بتقول تحط علية زيت باور وطبعا دة غلط لانة هيلم التراب كلة

- لكن اللى معاة ال k&n هو اللى بيحتاج تنظيفة بسوائل تنظيف مخصوصة مش شركة k&n

3- الفلتر الاسبور والناس اللى بتشتكى منة على السرعات القليلة انة بيحسسهم ان العربية مخنوقة , دة فى وجهة نظرى راجع لسببين :

*- الفلتر غير مناسب لمحرك السيارة يعنى انت بتخلى الهواء يدخل بكمية افضل واسرع بس فى المقابل نسبة البنزين المحروقة ضعيفة او قليلة فهتعمل كدة , يبقى نعرف من كدة ان لازم تكون البوجيهات نظيفة , الرشاشات كويسة , الحساسات تعمل بكفاءة

*- ان الفلتر قريب جدا من الردياتير , ودة حلة ان فية زى حاجز كدة بيتحط مع الفلتر بيمنع بنسبة كبيرة تعرضة لمروحة الريدياتير والهواء السخن اللى بتعملة
دية الاسباب اللى بتخلى العربية واحساسها بالخنقة على السرعات القليلة

4- الفلتر طبعا بالنسبالى ممتاز جدا على السرعات العالية لانة بيغذى المحرك بالهواء اللازم بحرية اكتر فبيخلى الحرق ممتاز على السرعات العالية

5- بالنسبة لاستهلاك البنزين مافيش اى فرق مابينة وبين الفلتر العادى دة بالنسبالى

6- بالنسبة بقى لسؤالكوا عن اداء الفلتر فى الصيف واداءة فى الشتاء وانة بيكون فى الشتاء افضل بكتير بعكس الصيف دة راجع نتيجة

ان لما الفلتر بيسحب الهواء فى الصيف بيسحبة هواء سخن لانة قريب من الريداياتير ومع كمان سخونة الجو فالهواء دة بيكون داخل متفكك جاهز فمش بيكفى انة يعمل حرق افضل , لكن فى الشتاء الهواء بيكون ساقع فبيدخل فى المحرك ويتفكك فبيدى نسبة حرق عالية والحل موجود فى رقم 3 فوق

5- فية بقى حاجة يمكن مش عارف بتاخدوا بالكوا منها ولا لأ , اللى بينزل نفق الازهر وييجى عند الجزء اللى فى اخر النفق اللى فية المراوح بتاعة شفط الضغط , ومثلا الطريق وقف , هيلاحظ ان المحرك اصبح غير متزن او بدأ مؤشر ال rpm ينزل عن مستواة شوية ودة بسبب كمية الهواء الساخن اللى بيسحبها الفلتر ومافيش فيها حرق كويس للمحرك وهيبان اكتر مع تشغيل التكييف

ياريت اكون قدرت اجاوب على معظم الاسئلة