الموضوع: البنزين والشرطة والشعب

السلام عليكم
زى ما احنا شايفين يا جماعة وضع بلدنا الراهن السئ .....
مش عارف الواحد يعمل إيه بس أنا زهقت
امبارح كنت فى بنزينة عندنا بنزينة عند قرية الكوادى مركز مطاى محافظة المنيا كان فيها بنزين 80 مش قادر أوصف لكم الهمجية اللى بتحصل فيها والخناقات والقرف كله موجود لما بيكون فيها بنزين أو سولار

المفروض التكاتك والموتيسيكلات دى متفولش بنزين إلا لما ترخص وإلا لما يكون معاهم رخص قيادة زيهم زى سواقين العربيات ويدفعوا ضريبة حتى عشان يقلل من البلطجة بتاعتهم مبنشفش منهم غير الهمجية والسرقة ومحدش عارف يحكمهم

وأنا داخل البنزينة خبطت العربية فى الاكصدام توكتوك دخل معايا خبطت فيه

بعدين ملقتش غير بنزين 80 بعد طول انتظار المهم الراجل بيحاسبنى المفروض إن اللتر ب 90 قرش هما بيحاسبوا الكل على اللتر بجنيه .... قلت له حرام عليك يا أخى البنزين ب 90 قرش
قال لى : خلى عنك خالص يا باشا ... دا شاى بقى وانت عارف كله بياخد شاى
مين بقى اللى بياخد شاى ؟ أحنا والعساكر اللى واقفين ( عساكر ملهوش أى تلاتين لازمة واقفين يحرضوا الناس على بعض عاملين زى النسوان بالضبط حسبى الله ونعم الوكيل )
والأهالى اللى واقفة من البلد ( الأهالى دول اللى هما سواقين قرية الكوادى وتجار السوق السوداء فى نفس الوقت وتم استدعاء بعضهم من قبل الشرطة وفوجئت تواجدهم برضه ناس بتوع واجب فعلا بالأضافة لأصحاب الموتسكلات والتكاتك من قرية الكوادى ) ......
وقال كلام غاظنى جدا .... يا باشا انت بتشتريه من برا ب 3 جنيه .... قلت محسسنى أنك بتحن وبتشفق عليا يه لا يا ر اجل تعالا على نفسك وبيعه ب 3 جنيه جوا البنزينة ما هو انتو برضه اللى بتبيعوه برا بال 3 جنيه بعد ما البنزينة تشطب .... حاسبنى على جنيه للتر وقلت له حسبى الله ونعم الوكيل قادر على كل ظالم والله لا بارك لكم
كل ما أحكى لحد الموقف ينتقدنى انتقاد لاذع ... ياعم محمد متبقاش كدا الفلوس بتيجى وتروح شوف لما اتهورت خبطت العربية شوف هتكلفك كام .... مفيش حد يقول كلمة حق فى البلد دى !

انا أديله بقشيش بمزاجى ولو مش عايز أديله أنا حر هو ياخد أجره من صاحب البنزينة اللى بيبلهف على قلبه قد كددا الله لا بارك لهم ..... مش هو يحددلى تعريفة زيادة على كل لتر
بنزين 80 بجنيه
بنزين 90 و 92 تعريفة موحدة 2 جنيه

شوفوا بقى فى كام عربية بتدخل غير السولار فى اليوم ال واحد بينهبوا كام من مالى ومالك ؟

طبعا بيقسموها على بعض واللى ليه واللى ملهش يمسك عصاية ويقف فى البنزينة عشان يحميها وعشان ينظم المرور الناس مبقاش عندها كرامة ولا عزة نفس وبتستبيح أموال غيرها بصورة بشعة
طبعا عربيات وتكاتك وموتسكلات الكوادى ليهم معزة خاصة وتعامل خاص جدا غير الحبايب بقى وبيدخلوهم من مدخل تانى أما باقى الناس بيقفوا طابور محترم .... بس برضه بيجى واحد من الحبايب يكسر الطابور ويرخم ويدخل بالعافية

طبعا ممنوع الجراكن ... بتوع التكاتك والموتسكلات يقفوا قدام البنزينة بعد ما يفولوا يفرغوا تانكاتهم فى جراكن قدام كل الناس ويرجعوا يفولوا تانى ( قانونى )

بذمتكم دا يرضى

شوية الرقابة والتنظيم فى البلد دى مش محتاجين موارد يا سيادة الرئيس ومن غيرهم البلد هتفضل واقعة

المشاركة الأصلية كتبت بواسطة seiffoz

معاك ميجان 2007 و جالك قلب تحطلها بنزين 80 يا مفترى! حرام عليك!!!!

أصل كنت مش طايق نفسى حطيت بنزين 80 مكنش فيه غيره ومفيش معايا بنزين والعربية مبتقولش لأ