الموضوع: اسعار المستعمل عالية اوى ليه ؟

المشاركة الأصلية كتبت بواسطة muhmado_furp

دور علي حد فعلا عاوز يبيع لان ده بيكون مقدر سعر حقيقي للعربيه
لكن التاجر بيرفع السعر علشان المكسب ومبيكونش مستعجل
وبعدين موضوع ان العربية عاوز تتغسل وكده عادي لان في ناس كتير مش التجار بيكونوا مهملين شويه في موضوع النضافه ده لكن التاجر تلاقيه مخليه العربية بتبرق من بره وجوه
وخد بالك المرحلة دي العربيات كتتير قووووووووي بس لاسف الدولار رفع الجديد فالدنيا في النص لا مريحه ولا رافع

للاسف السوق مليان عربيات بس معظمها تجار وللاسف برضه فى عربيات كتير معفنه ومع تجار وبيطلبوا فيها ارقام خياليه كانى بشترى حاجه تانيه مش العربيه اللى قدامى

ربنا يسترها معانا جميعا

المشاركة الأصلية كتبت بواسطة ahmed-moga

بجد الواحد قرف من التجار واللف علي المستعمل كسر الزيرو ده غير في حاجه غريبه جدا بتحصل دلوقتي علي المواقع الخاصه ببيع المستعمل تيجي تتصل بالناس اللي عارضه عربيتها للبيع يردوا يقولولك والله العظيم احنا ماعنديش عربيات احنا ناس يدوب بنجيب حق اللقمه والناس عماله تتصل ودوشانا الموضوع ده اتكرر معايا اكثر من اربع مرات متتاليه
2 في تويوتا كورولا وفي هوندا سيفك وفي مازدا3 الظاهر الواحد هيستني لحد الدنيا ما تستقر ويجيب زيرو احسن من وجع الدماغ و اللف علي كسر الزيرو الله المستعان

للاسف سوق المستعمل بقى كله تجار جشعه وحراميه ، وكمان اصحاب العربيات بقوا عايشين الدور ، اول ما يلاقوه التجار رفعوا الاسعار يرفعوا هما كمان فى محاوله للنصب ع الزبون اللى بيهرب من التجار ، الجشع بقى بيجرى فى دم المواطن المصرى ، ربنا يحفظنا

المشاركة الأصلية كتبت بواسطة eng.peter

ربنا قادر يصلح حال مصر

ربنا قادر على كل شىء ، ربنا يرحمنا برحمته