جنط 15 مش نافع مع الفيرنا ؟!!

انا معايا فيرنا اوتوماتيك 2010 هي نازلة بجنط 14 لبست في بلاعة على الاوتوستراد طبقت جنطين استعدلتهم لغاية ماجه ميعاد تغيير الكاوتش وغيرت الكاوتشات والجنوط ركبت جنط سبور 15 وكاوتش محترم جدا اكليس اندونيسي مقاسه 15/195-50 شكلهم حلو عالعربية وزودت الثبات والفرامل وحسيت ان استجابة دواسة البنزين بقت احسن لكن طبعا الدركسيون بقى اتقل لغاية هنا حلو اوي :S_thum1[1]:لكن الوحش بئا :shyy:في ان الكاوتش بئا يحك في العربية مع مطبات الهوا او لو 3 راكبين على الكنبة والاوحش انه بيحك من ناحية واحدة الناحية اليمين بس ده معناه ان العيب مش في مقاس الكاوتش ولما شوفت الحكة فين بالظبط لاقيتها في الكارتيرة بتاعت الرفرف الخلفي من ورا يعني عند الاكصدام مش بتحك من فوق ودي حاجة غريبة
لفيت على عفشجية كتييييير كله يقول العفشة تمام قولت اروح التوكيل للاسف بعد حجز ولطعة قال لي مش بنشتغل الا في الجنوط الحديد الفبريكة بسسسسسسس :44:روحت قولت له طب ربط لي العفشة - اي حاجة بئا حق اللطعة - وروحت خارج من عنده بيعت الكاوتش والجنوط واشتريت 4 حديد و4 كاوتشات كومهو جداد لكن حسيت ان الفرامل مش زي ما كانت مع الجنوط ال15 والثبات اقل

لو حد عنده اقتراح او حل ياريت يفيدني

ودي صور الجنوط عالعربية

http://img827.imageshack.us/img827/9278/53615777.jpg

http://img546.imageshack.us/img546/3189/47634971.jpg

http://img819.imageshack.us/img819/117/111thf.jpg

العربية زواياها الخلفية مظبوطة ؟

اكيد الاوفست بتاع الجنط مش مناسب لعربيتك ومخرج الجنط بره
او مقاس الكاوتش غلط

طالما من ناحية واحدة يبقى اليايات فيها حاجة او المساعد خفيف

جرب الاول تعمل زرجينة عند بريدجستون ممكن يبقى العجل فاتح لبرة فبيجك

الجنط ال15 هو الانسب للفيرنا اوعى تتنازل عنة

أهم حاجة المقاس يكون مضبوط

بالنسبة للكاوتش لو قصدك أكسيلرا الأندونيسى الكاوتش دا عمره طويل ومداسه مش بيتاكل بسهولة بس أداؤه على الطريق مش قد كدا وبيكسح عن تجربة

لما الإكليس الإندونيسي محترم، أمال البريدج ستون والكونتننتال والميشلان يبقوا إيه يا باشا.. أنا أرجح إن فيه فردة كاوتش من الأربعة فيها مشكلة، لأن لو مشكلة في الجنط كان على الأقل الاتنين اللي في الخلف حكوا مش واحد

بوص يا مومبيك ...
انا مركب مقاس جنطك 195*50*15 من سنه 2009 لحد دلوقت
ومافيش موضوع الحكه دي الحمد لله ...
هيا ظهرت وبقت اسمعها في فرده واحده بس لما با اكون محمل تقل في العربية
وعارف لية لاني مركب طقم مساعدين خلفي (( تعبانين )) وان شاء الله ها اغيرهم بطقم
(( هوا وزيت )) مش هوا بس زي اللي راكبين ..
انا استرخصت من سنه ونص كده وركبت طقم (( كيب kyb )) ياباني هوا فقط .. مش هوا وزيت
عشان كده دلوقتي عاوز اغيرهم ...
حل الموضوع اللي عندك ... في طقم مساعدين هوا وزيت ويفضل مونروة:nemoflow:

اقتباس:

---

المشاركة الأصلية كتبت بواسطة amrelsaqqa

العربية زواياها الخلفية مظبوطة ؟

---

ظبط زوايا مرتين

اقتباس:

---

المشاركة الأصلية كتبت بواسطة lanos2004

اكيد الاوفست بتاع الجنط مش مناسب لعربيتك ومخرج الجنط بره
او مقاس الكاوتش غلط

---

فكرت في الحكاية دي لكن لاقيت ان فردة واحدة بس اللي بتحك لو كان المقاس غلط على الاقل كانوا الفردتين اللي ورا حكوا

اقتباس:

---

المشاركة الأصلية كتبت بواسطة ashouhdy

طالما من ناحية واحدة يبقى اليايات فيها حاجة او المساعد خفيف

جرب الاول تعمل زرجينة عند بريدجستون ممكن يبقى العجل فاتح لبرة فبيجك

الجنط ال15 هو الانسب للفيرنا اوعى تتنازل عنة

---

اخخخخ ماجتش على بالي بريدجستون خالص وللاسف بعت الجنوط بالكاوتش وانا معاك مليون في المية ان الجنط 15 هو الانسب

اقتباس:

---

المشاركة الأصلية كتبت بواسطة mohammedaladel

أهم حاجة المقاس يكون مضبوط

بالنسبة للكاوتش لو قصدك أكسيلرا الأندونيسى الكاوتش دا عمره طويل ومداسه مش بيتاكل بسهولة بس أداؤه على الطريق مش قد كدا وبيكسح عن تجربة

---

ايوة هو الاكسليرا الاندونيسي بس كان كاوتش مواصفاته عجباني اوي بصراحة

اقتباس:

---

المشاركة الأصلية كتبت بواسطة sehsss

لما الإكليس الإندونيسي محترم، أمال البريدج ستون والكونتننتال والميشلان يبقوا إيه يا باشا.. أنا أرجح إن فيه فردة كاوتش من الأربعة فيها مشكلة، لأن لو مشكلة في الجنط كان على الأقل الاتنين اللي في الخلف حكوا مش واحد

---

انا هقول لحضرتك على مواصفات الكاوتش هو اكيد مش زي البريدجستون بس شوف فرق السعر في الفرده كان 200 جنيه فانا كانت عجباني مواصفاته على السعر بتاعه الفرده كانت اندونيسي الحرارة a التراكشن aa السرعة 82 v كاوتش سبورت والجوانب ناشفة ونقشته جميلة وساعتها كان في كونتينينتال بنفس السعر بس برتغالي ومش نفس المواصفات

اقتباس:

---

المشاركة الأصلية كتبت بواسطة verna2008auto

بوص يا مومبيك ...
انا مركب مقاس جنطك 195*50*15 من سنه 2009 لحد دلوقت
ومافيش موضوع الحكه دي الحمد لله ...
هيا ظهرت وبقت اسمعها في فرده واحده بس لما با اكون محمل تقل في العربية
وعارف لية لاني مركب طقم مساعدين خلفي (( تعبانين )) وان شاء الله ها اغيرهم بطقم
(( هوا وزيت )) مش هوا بس زي اللي راكبين ..
انا استرخصت من سنه ونص كده وركبت طقم (( كيب kyb )) ياباني هوا فقط .. مش هوا وزيت
عشان كده دلوقتي عاوز اغيرهم ...
حل الموضوع اللي عندك ... في طقم مساعدين هوا وزيت ويفضل مونروة:nemoflow:

---

انا مستني ردك انا فعلا عندي حكة في ناحية واحدة ولما اكون محمل وفعلا ممكن يكون بسبب المساعد لان المساعد اللي في الناحية دي اتغير قبل كده في التوكيل انا بفضل المونرو كنت مركب 4 في الانوس بس ايييييييه ثبات وراحة وساعتها كان في واحد بيطقطق وكان كل العفشجي مستغرب ان في منرو بيعمل كده وروحت بدلته في الضمان بيتهيئلي هو ده المساعد الوحيد اللي ليه ضمان في مصر - بس في حاجة انه مش بيحك من فوق ده بيحك من الجنب اللي ورا ناحية الاكصدام كده

الكاوتش دا مواصفاته الفنية عالية لكن فعلا هو بيكسح على الطريق وناشف شوية
أنا بستعمل كونتنتال أحب أٌقول لحضرتك ان كونتنتال تماسكه اعلى _ كونتى بريميم
عمره أقصر
أطرى على العفشة من االأكسلرا
جوانبة أضعف من الأكسلرا
الأكسلرا شكله أجمد من برا
وفى نفس المقاس وزن الأكسلرا أتقل من الكونتنتال

طبعا الكونتتال يتفوق فى التماسك فقط لكن غير كدا فى صالح الأكسلرا وهو كاوتش كويس برضه وألف مبروك تعيش وتغير

بس يا باشا انا مركب جنط 15 على مقاس 195/50/15 فى بداية الامر حدث لى مثلك تماما واكتشف المشكلة :
1. المشكلة هى عرض الجنط لابد عن شراء جنط سبور ان لا يتعدى 6 بوصة حتى تتجنب مشكلة الاحتكاك.
2. اذا كنت قمت بشراء جنط اكبر من 6 بوصة مثل 6.5 بوصة لة حل بان تقوم بقياس سمك الجنط من ناحية تربيط المسامير اذا كانت سمطها اكبر من 15 ملى بالتالى يمكنك تقليل السمل 10 ملى ودة بيكون عند خراط كويس حتى تستطيع ادخال الجنط للداخل وابعادة عن الرفرف .

للاستفسار :
01003108400

ياباشا انا كنت مركب علي الفيرنا جنط 15 عرض 7بوصة ومكنش فية ولا حكة بس المساعدين و اليايات كانوا كويسين

الحكة دى من عرض الكاوتش 195 لانها حصلت مع واحد صاحبى
كان ممكن تخلى العرض اقل شوية يعنى يكون المقاس 185/50/15 ومتخسرش الجنوط الجديدة

اقتباس:

---

المشاركة الأصلية كتبت بواسطة sabregas2010

الحكة دى من عرض الكاوتش 195 لانها حصلت مع واحد صاحبى
كان ممكن تخلى العرض اقل شوية يعنى يكون المقاس 185/50/15 ومتخسرش الجنوط الجديدة

---

بس كده مافيش اي ثبااااااااات